De imperiali mandato facto per magistros R. de Trajecto et R. de Camera scripsit Laurentius :

Fredericus, etc., A. de Cicala capitaneo et magistro citra portam Roseti, etc. Quia statutam nuper in curia nostra formam de judicum, notariorum, medicorum, cirurgicorum, et advocatorum officiis, per regnum nostrum volumus observari, mandamus quatenus per singula loca jurisdictionis tue facias firmiter et publice prohiberi ne aliquis officialium predictorum aliquod officium ex predictis de cetero audeat exercere, nisi prius ad nostram curiam personaliter veniat et obtineat officium in quo per nostram curiam fuerit approbatus.

Datum Fogie, V madii, XIII indictionis.

Similes R. de Amicis capitaneo et magistro justitiario ultra portam Roseti, etc.

Mandata ad secretum Siciliae et ad justitiarium Siciliae de mercatoribus quibusdam quietandis pro pecunia quam curiae fuerunt mutuati, ita quod justitiarius de collecta Siciliae secreto mille uncias et Angelo Frisario duo millia assignet.

(Regest. imper. Freder. II, fol. 7 recto; in edit. Carcan., p. 241.)

De imperiali mandato facto per magistrum Albertum scripsit G. de Cusentia:

Fredericus, etc., Obberto Fallamonacho secreto in Sicilia, etc. Dudum cum quibusdam mercatoribus fidelibus nostris mutuorum debita contrahentes, mandavimus Majori de Plancatone quondam secreto Messane ut secundum tenorem licterarum patentium quas ipsis de quantitate mutuata nobis singulis fecimus, in terminis contentis in eisdem licteris quietaret predictos mercatores. Verum cum predictus Major amotus sit ab officio secretie et nos mercatores ipsos per (a) te quietari velimus,

(a) In impresso pro, minus recte.

Fogiae,

6 maii.

Fol. 7 verso.

fidelitati tue precipiendo mandamus quatenus omnes mercatores predictos quos ad dictum Majorem quondam secretum miseramus solvendos, receptis ab eis licteris nostris patentibus quas habent de quantitate pecunie quam habere debent et clausis etiam quas dicto quondam secreto mictebamus pro facienda solutione mercatoribus ipsis, secundum formam et tenorem earum, licet in eis nomen predicti quondam secreti contineatur, si per eum inveneris integre non solutos, tu de pecunia curie nostre que est per manus tuas mercatores ipsos studeas quietare, sic in eisdem solvendis diligens et studiosus existens ne per moram curia nostra incurrat dispendia usurarum. Tu vero de solutione quam ipsis [feceris], fieri facias competentia scripta ad cautelam curie nostre, et nichilominus licteras nostras quas habent tam patentes quam clausas recipias ab eisdem.

Datum Fogie, VI madii, XIII indictionis.

Similes scripsit eidem pro Johanne Carboncello et fratre ejus mercatoribus de solvendis unciis CVII ad generale pondus, pro mutuo quod fecerunt in camera.

Similes

pro Petro de Algaruoho et sociis mercatoribus Romanis. | De imperiali mandato facto per magistrum Albertum scripsit G. de Cusentia:

Fredericus, etc., Petro de Calabria justitiario totius Sicilie, etc. Cum Obberto Fallamonacho doanerio de secretis, etc., dedimus per nostras licteras in mandatis ut quosdam mercatores qui camere nostre pecuniam mutuarunt, quietare debeat in presenti, et quia quantitas pecunie quam habere debent et solutionis terminus imminet e vicino, in quo si quietati non essent, curia nostra dampnum incurreret usurarum, ad evitanda dampna ipsa providimus quod cum idem secretus de quantitatibus secretie sufficientem pecuniam non habeat in presenti, de pecunia collecte Sicilie usque ad M uncias eidem secreto debeas (a) mutuari quibus predictos mercatores expediat; quas uncias idem secretus postmodum de proventibus secretie quam primo receperit tibi debeat resignare pro

(a) In impresso debeat, male.

expediendis mercatoribus antedictis, quos postmodum de proventibus curie nostre qui sunt per manus ipsius ad opus curie nostre recipias citius quam fieri poterit, ut per manus tuas nostre curie assignentur.

Datum [ut supra].

Similes scripsit eidem pro Angelo Frisario, de mutuandis ei duobus millibus unciis de collecta predicta, pro mercatoribus quietandis.

Mandatum ad provisorem castrorum in Sicilia citra flumen Salsum ut castellano Scalectae pro munitione castri hujus solidos et companagia quae non recepit, exhibere debeat.

(Regest. imper. Freder. II, fol. 7 verso; in edit. Carcan., p. 241.)

De imperiali mandato facto per magistrum R. de Trajecto scripsit G. de Cusentia:

Fredericus, etc., Johanni Vulcano provisori castrorum in Sicilia citra flumen Salsum et per totam Calabriam, etc. Significavit culmini nostro Matheus Salvagius castellanus Scalecte, fidelis noster, quod pro munitione castri nostri Scalecte a preterito mense septembris usque per totum mensem novembris qui sunt menses tres hujus XIII indictionis, solidos et companagia pro personis in eodem castro statutis, sicut habere debuit, non recepit; pro eo quod obeunte quondam Matheo Marchafaba secreto, nondum erat in ipsis partibus aliquis provisor castrorum statutus, et licet postmodum per Jordanum Filangerium quondam capitaneum in partibus ipsis a mense decembris in antea solidos et companagia recepisset, pro tribus tamen predictis mensibus ab eo vel ab aliquo, sicut asserit, non recepit. Quare mandamus quatenus si tibi constiterit predictum castellanum pro jamdictis tribus mensibus, sicut dictum est, solidos et companagia non recepisse ab aliquo, tu secundum quod habere debuit eidem solidos ipsos et companagia debeas exhibere.

Datum Fogie, VI madii, XIII indictionis.

Fogiae,

6 maii.

Fogiae,

6 maii.

Mandatum ad universos a Barulo usque Barum quod judici R. de Sancto Severo favorem praebeant, ad id misso ut idoneam fidejussionem a Majore de Plancatone quondam secreto recipiat et delationi factae contra Philippum Achillonem assistat.

(Regest. imper. Freder. II, fol. 7 verso; in edit. Carcan., p. 241-242.)

De mandato facto per magistrum Petrum de Vinea scripsit G. de Tocco patentes licteras ;

Fredericus, etc., universis a Barulo usque Barum, etc. Quia mictimus judicem R. de Sancto Severo fidelem nostrum pro recipienda idonea et sufficienti fidejussione pro parte curie (a) a Majore de Plancatone de Baro fideli nostro in quantitate quatuor millium unciarum, de ponenda videlicet ratione curie nostre de amministratione quam dudum gessit in Aprutio et quam nuper gessit in Sicilia et Calabria de officio secretie, et ut assistat delationi facte contra Philippum Achillone fidelem nostrum et probet que in delatione comprehendit, et de solvendis CC unciis curie nostre in quibus sicut alii officiales curie est taxatus, fidelitati vestre precipiendo mandamus quatenus eidem judici R. curetis assistere ad requisitionem ipsius, opere, consilio et favore, qualiter commissum sibi presens servitium studiose et fideliter exequatur.

Datum Fogie, VI madii, XIII indictionis.

Eodem die ibidem de eodem mandato scripsit P. de Capua ad universos castellanos justitiariatus Aprutii quod ad requisitionem Criscii Amalfitani camerarii Aprucii dent sibi de servientibus castrorum ipsorum pro serviciis curie faciendis.

(a) Ibi additur qui; unde sensus omnino turbatur.

Litterae responsales Angelo Frisario de frumento emendo et postea melius vendendo ad curiae commodum, de granario curiae statuendo in domo Riccardi de Montenigro apud Augustam, de expensis nuntiorum, de frumento novo ad valorem unciarum auri quingentarum ammirato regni assignando.

(Regest. imper. Freder. II, fol. 8 recto; in edit. Carcan., p. 242.)

Mandante domino imperatore per magistrum Riccardum scripsit notarius R. de Salerno :

g

Fridericus, etc., Angelo Frisario, etc. Significasti celsitudini nostre quod si de pecunia curie nostre que est per manus tuas, emeres de frumento jurisdictionis tue, sive vendendo illud in portubus tibi commissis sive mictendo illud ad vendendum extra regnum, posset commodum nostre curie procurari. Tibi taliter respondemus quod placet nobis quod frumentum de pecunia curie nostre emas in jurisdictione tua, et illud sive in portubus ipsis vendas sive mictas ad vendendum extra regnum, ut tibi melius videbitur ad nostre curie commodum expedire, sicut significasti de quinta parte utilitas curie nostre proveniat. Super eo vero quod significasti granarium curie nostre quod est in Augusta ita devastatum esse quod victualia que ibidem reponuntur, putrescunt et devastantur, unde curia nostra ex eo singulis annis non modicum incurrit detrimentum, propter quod bonum videtur tibi quod victualia ipsa in domo que fuit Riccardi de Montenigro justitiarii Terre Laboris, fidelis nostri, que est in Augusta, reponi debeant ad utilitatem nostre curie procurandam, volumus et mandamus quod si est ita sicut scribis,in domo predicta ad utilitatem curie nostre de cetero victualia reponantur, donec granarium nostrum reparetur de pecunia curie nostre, sicut utilitati fisci nostri expedire reperietur. Super eo vero quod scripsisti te oportere expensas facere tam in notariis et hominibus necessariis

Fogiae,

6 maii.