Abbildungen der Seite
PDF
EPUB

(Edid. LACOMBLET, Urkundenb. für die Gesch. des Niederrh., zw. Band, p. 64, n° 118, ex cartular. ducat. Geirens., no 108.-Coll. cum Redinghofens MSS. in München, t. X, p. 2.)

In nomine sancte et individue Trinitatis. Henricus septimus divina favente clementia Romanorum rex, semper augustus. Regiam nostram condecet majestatem ad illos gratie nostre favorem promptius extendere, qui nostris fidelius insudantes obsequiis ad ea se studio gerunt promptiori que ad nostri honoris conducunt augmentum. Quapropter noverint tam presentes quam futuri quod nos Gerardo comiti Gelrensi dilecto et fideli nostro, cujus fidei puritatem dominus noster imperator pater noster et nos sepius circa promotionem imperii Romani sumus experti, quique sibi in sue exaltationis primordio sub rerum et terre sue magna jactura preclara et multimoda exhibuit servitia, de ipsius patris nostri mandato, consilio et assensu principum, theloneum quod Otto pater suus et ipse ab imperio apud Arnhem tenebant in feodo indulsimus ad villam que Lobede dicitur Trajectensis diocesis transferendum, quatinus illud ibidem ipse et sui heredes ad commodum et utilitatem suam percipiant et perpetuo possideant jure feodali. Ut ergo hoc factum nostre celsitudinis a nobis et successoribus nostris firmum servetur et inconvulsum, presentem paginam in hujus rei evidentiam et firmitatem conscribi fecimus et nostre serenitatis sigillo communiri; statuentes et presentis privilegii auctoritate firmiter precipientes ne aliqua ecclesiastica seu mundana persona huic nostre concessioni temere presumat contraire.

Hujus rei testes sunt Sifridus Maguntinensis archiepiscopus, Engelbertus archiepiscopus Coloniensis, Theodericus Treverensis archiepiscopus, Theodericus Herbipolensis episcopus, Sifridus Augustensis episcopus, Henricus Wormatiensis episcopus, Fridericus (1) abbas Prumensis, Ludewicus dux Bavarie et palatinus comes Reni, Ludewicus landgravius Turingie, Hermannus marchio de Baden, Gerardus comes de Dietz, Dietherus comes de Katzenellebogen, Hermannus comes de Waldenberg, Henricus et Robertus comites de Nassow, Henricus comes de Seyne,

(a) In Redinghofens MSS. Henricus, quod rectius censemus.

Adolphus comes de Marchia, Henricus de Monyoy (a), Gerlacus de Budingen, Bernardus de Hurstmar, Burchardus burchgravius de Qwerenvorde, Hermannus de Molenarche (b), Anselmus imperialis aule senescalcus, et alii quamplures.

Acta sunt hec apud Frankenfurt, anno gratie M.CC.XXIIII, indictione XII.

4 julli.

Forma primae compositionis initae super liberatione Waldemari Danorum regis a carcere quo per comitem de Schwerin tenebatur.

(Edit. ap. THORKELIN, Diplom., t. I, p. 289, et SCHEID, Orig. Guelfic., t. IV, praefat. p. 48.- Rectius autem in Cod. diplomat. Lubec., t. I, p. 29, n° XXVI. Unde tantum quid ad rem nostram pertineat deprompsimus.)

Hec est forma liberationis domini regis Waldemari et filii ejus, presentibus magistro Hermanno domus Teutonicorum et aliis nunctiis imperii. Dominus rex promisit quod accipiet crucem iturus in subsidium Terre Sancte. [Sequuntur conditiones admodum regi graves, inter quas restitutio terrae Transalbinae et homagium imperio pro regno Daciae faciendum.] Item in festo Nativitatis beate Virginis proxime venturo dominus rex Romanorum et principes imperii Barduvic curiam celebrabunt ad ea diffinienda que superius dicta sunt; et ut hec rata habeantur et inviolabiliter observentur, subscripti juraverunt, et in fide promiserunt. [Sequuntur nomina jurantium, scilicet pro parte regis et pro parte comitis Henrici de Schwerin.] Hec promissiones et juramenta sub tali conditione facta sunt ut si dominus rex Romanorum et principes imperii ea que supra dicta sunt voluerint adimplere, supradicti promissores ad hec omnia teneantur. Si vero principes noluerint adimplere, jamdicti promissores ad hec observanda minime tenebuntur, ita quod a juramentis et promis

(a) Scilicet de Montjoie.

(b) Rectius autem de Müllenark.

sionibus sint penitus absoluti. Nuntii imperii, dominus Bernardus de Horstmare, comes Hermannus de Woldenberch, Guncelinus imperialis aule dapifer, dapifer de Waltpurch, dapifer domini Coloniensis archiepiscopi, promiserunt in fide quod modis omnibus et bona fide studebunt ut ea que supra dicta sunt principes prosequantur; et hoc idem magister domus Teutonicorum facturum se dixit.

Acta sunt hec anno incarnationis dominice MCCXXIIII, mense julio, IIII nonas julii, indictione XII.

Henricus, Romanorum rex, confirmat sententiam a principibus imperii ad requisitionem Salzburgensis archiepiscopi latam, scilicet quod nulli liceat aliquem in mercimoniis suis deportandis seu negotiationibus faciendis impedire.

(Edider. KURZ, Oestreich unter Ottocar, t. II, p. 213. Germ., t. IV, p. 569.)

PERTZ, Monum. Hist.

In nomine sancte et individue Trinitatis. Heinricus septimus Dei gracia Romanorum rex et semper augustus in perpetuum. Constitutus in presentia nostra apud Nurnberg in curia nostra sollempni, presentibus imperii principibus, videlicet Coloniense, Treverense archiepiscopis, Metense, Ratisponense, Pataviense, Frisingense et Augustense episcopis, Bavarie et Austrie ducibus et aliis imperii magnatibus, dilectus et fidelis noster princeps venerabilis Salzburgensis archiepiscopus per sententiam requisivit an hominibus alicujus iter et actus et via in stratis regalibus et publicis, quoad mercimonia sua deportanda et alias negotiationes faciendas, a domino terre vel a quoquam alio valeat vel debeat interdici. Dictavit igitur sententia principum quod illud nulli liceat, nec aliquis debeat aliquod in suis commerciis et negotiationibus impedire. Nos igitur dictam sententiam de communi consensu principum rationabiliter latam

Apud Nurnberg, 23 jalii.

confirmamus auctoritate regali, et instrumento presenti nostrique sigilli munimine roboramus.

Datum apud Nurnberch, anno Domini MCCXXIV, indictione XII, decimo kalendas augusti. Amen.

Nuremberg, 23 julij.

Henricus, Romanorum rex, in praesentia principum imperii, Eberhardum archiepiscopum Salzburgensem denuntiat absolutum ab impetitione Bertholdi comitis de Graifesbach super possessione castri et redituum in Matrei.

(Memorat. et partim edit. ap. KLEINMAYR, Nachricht. von Juvavia, p. 364, et ap. CHMEL, Notizenblatt für Oesterreisch. geschichte, regest. Liupoldi ducis, n° 126; ex MSS. cui titulus Geheim, hausarchiv. Salzb. Kammerbucher.)

[Henricus Dei gratia Romanorum rex et semper augustus, etc.] Cum essemus apud Nuremberch in sollempni curia constituti, presentibus talibus imperii principibus, videlicet Coloniensi [et] Trevirensi archiepiscopis, Metensi, Ratisponensi, Pataviensi, Frisingensi, Augustensi episcopis, Bavarie et Austrie ducibus et aliis imperii magnatibus, Bertholdus comes de Graifesbach contra dilectum et fidelem principem nostrum Salzeburgensem archiepiscopum Eberhardum proposuit coram nobis quod ipsum a possessione castri et redituum in Matrei, que ad se pertinere dicebat, ejecerit violenter, ante litis ingressum se restitui postulando. Ad quod predictus archiepiscopus, post multas exceptiones per quas volebat judicium declinare, respondendo proposuit ex adverso quod olim apud Augustam coram dive recordationis Philippo Romanorum rege, presentibus principibus in curia sua solempni, ab eodem comite in eumdem modum et super eodem conventus fuit, et per advocatum ejusdem comitis similia omnino proposita fuerunt contra ipsum; et demum de communi et concordi sententia principum a tali petitione comitis supradicti fuit dic

tante justitia et judicialiter absolutus. Quod per testes omni exceptione majores coram nobis plenissime comprobavit. Unde predictum archiepiscopum reputamus et denuntiamus ab impetitione predicti comitis absolutum, eidem comiti super his perpetuum silentium imponentes, etc. Datum apud Nurenberch, anno Domini M° CC XXIV, indictione XII, decimo kalendas augusti. Amen.

23 julii.

Henricus, Romanorum rex, monasterium de Cella Sanctae Ma- Nuremberg, riae Misnensis dioecesis cum hominibus et possessionibus ejus in sua protectione suscipit, eique confirmat quicquid a ministerialibus imperii adipisci poterit.

-

(Edider. SCHLEGEL, De cella veteri 'Añoσпacuátiov (Dresden, 1703), p. 45. — KNAUTH, Hist. von Altenzell, t. VIII, p. 56. —SCHULTES, Director. diplomat., t. II, p. 590.)

In nomine sancte et individue Trinitatis. Henricus Dei gratia Romanorum rex et semper augustus, Celle Sancte Marie in perpetuum. Ad hoc divina disponente providentia ad regni gubernacula nos credimus sublimatos ut servorum Dei in temporalibus subsidiis utilitatibus regia liberalitate consulamus, et propensiori cautele diligentia privilegiorum nostrorum confirmatione prospiciamus. Inde est quod omnibus imperii fidelibus constare volumus quod nos petitioni domini abbatis et fratrum de Cella Sancte Marie Cisterciensis ordinis, Misnensis diocesis, satisfacientes, ob reverentiam intemerate Virginis Deique Genitricis Marie, monasterium ipsum cum omnibus hominibus et possessionibus quas in presentiarum canonice possidet et in futurum justis modis poterit adipisci, in nostram et imperii protectionem et speciale patrocinium suscipimus et bona ipsa cum suis pertinentiis imperiali auctoritate confirmamus. Insuper et pro remedio anime nostre parentumque nostrorum ac successorum nostrorum imperatorum ac regum, hanc eis gratiam et licentiam

II. Paru 2.

101

« ZurückWeiter »