üfenberg, iren dienern, helfern, vnd lüten.. andersite, vmbe alle die misfehelle, die zwischent inen beiderfite of ist gestanden, es si an lüten, oder an guoten, sit des males, daf Thoman selige von Endingen, ein ritter, Johannes, vnd Bruoder Walther sin brüoder von Endingen, libelos wurden getan.. vnze an disen hütigen tag, also alse hienach geschriben stat. Bi dem ersten, so fint erkorn vnd genomen, von beiden teilen, der edel man, Lütolt von Krenkingen, Heinrich der Waffeler von Eggerich der Schultheisse von Sletstat, vnd Heinrich von Munzingen von Friburg, rittere, die sich der sache durch vnsere, vnd durch der vorgenanter beider teile bette, an hant genomen, vnd ouch gelobet, vs ze sprechende, vmbe die zwo sache, die hie nach geschriben stant, hinnan vnze ze vsgander pfingestwochen, die nv nehest komet, obe si mugent. Irret aber si keinerhande sache, so mugent si das sprechen vürbaffer vf slahen, vnze ze sante Johannes tage ze Sungihten, der dar nach aller nehste komet, vnd nüt vürbasser, vnd füllent ovch denne, vf gesprochen han, ane allen vürzog, bi iren trüwen ane alle geuerde. Dü erste sache ist, vmbe die totslege, der vorgenänten von Endingen feligen, was die drie, oder der mer teile vnder in, die vorgenanten von Üsenberg, vnd die iren, ze befferunge heiffent tuon, oder wie si es heissent bessern, das füln fi tuon, bi dem eide, den fi dar vmbe hant gesworn zuo den heiligen vor vns, mit vf gehabeten handen, of die zil, alfe die drie, oder der mer teil vnder in, fi heissent, oder vf segent, ane alle geuerde, ane alle widerrede. Dü ander sache ist, was die drie, oder der mer teil vnder in erkennent, was schaden den burgern von Friburg vnd den iren geschehen ist, von den vorgenanten von Üsenberg, oder von den iren, oder iren helfern, e, das si in dem kriege widerseitin, oder in widerseit wurde, von den vorgenanten von üfenberg, oder von den iren, oder iren helfern, das füllent si in vf rihten, vnd widertuon, alse die prie heiffent, oder der mer teil vnder in, bi dem selben eide,

alse da vorgeschriben stat. Ist ovch den vorgenanten herren von Üsenberg, oder den iren, kein schade beschehen, von den vorgenanten von Friburg, oder von den iren, emals, e, fi einander widerseitin, das sol ovch stan an den drin, was die heiffent, oder der mer teil vnder in, das füllen si stete han, ane alle widerrede. Es ist ovch berret, obe der vorgenanten drier dekeiner sturbe, oder abe gienge, in dekeinen weg, das got wende, so sol der teil, von deswegen er dar ist gegeben, einen andern alse guoten dar geben, in den nehsten ahte tagen ane alle geuerde, an des stat, der da abe gegangen ist, vnd sol sich der dar zuo binden, in allewis, alse der vorder getan hatte. Vnd des zuo eime offenen vrkunde, so han wir vnser ingesigel gehenket an disen brief. Wir die vorgenanten, graue Cuonrat herre ze Friburg, Friderich fin fun, Dietrich von Endingen ein ritter, Johannes vnd Walther, gebruodere von Endingen, veriehen mit disem gegenwertigem brieue alles, das da vor von vns geschriben stat, daß wir das gesworn haben zuo den heiligen, vür vns, vnd alle vnsere fründe, dienere vnd helfere, stete ze haltende, ane alle geuerde. Vnd das dis war vnd stete belibe, so han wir ovch vnferü ingefigele, mit des vorgenanten vnsers herren, des herzogen ingefigele, gehenket an disen brief. Wir Burcart vnd Gebehart gebruodere, herren von Üsenberg, die vorgenanten, veriehen mit disem gegenwertigem brieue alles, das hie vor von vns geschriben stat, daß wir das gesworn haben zuo den heiligen, vür vns, vnd alle vnfer fründe, diener vnd helfere, stete ze haltende, ane alle geuerde. Brechin wir das, da vor got si, so sin wir erlof, vnd meineidig, vnd daf dis war, vnd stete belibe, so han wir ovch vnserű ingefigele, mit des vorgenanten vnsers herren, des herzogen ingefigel, gehenket an difen brief. Wir der vorgenante burgermeister, der rat, vnd die burger gemeinliche, der ftette ze Friburg, geloben mit disem brieue, stete ze habende, allü dü ding, dű da vor von vns geschriven sint, mit guoten trüwen, ane alle geuerde, vnd das dis war vnd stete belibe,

so han wir vnferre stette ingesigel, mit der vorgenanten herren ingesigele, gehenket an disen brief. Wir ovch, die vorgeschribenen teile, bitten beiderfite, den erwirdigen herren, vnsern herren, bischof Johannesen von Strasburg, die edeln herren, graue Ruodolfen von Nidovwe, vnd herren Otten herren von Oh-. senstein, lant voget ze Elsasse, wand si bi disen tegedingen fint gesin, das fi irü ingefigele zuo eime vrkünde an disen brief henkent. Wir der vorgenante bischof Johannef von Strasburg, graue Ruodolf von Nidovwe, vnd Otte herre von Ohsenstein, han durch bette der vorgenanten herren, vnd teile, vnserü ingesigele, ze eime vrkunde der vorgeschribenen dinge gehenket an disen brief. Der wart gegeben, ze Kengingen, an dem nehsten: cinstage vor sante Georien tage, do man zalte von kristes gebürte.. drüzehen hundert iar.. dar nach in dem zwei vnd zwenzigostem iare.

Wir Lüpolt von gottes gnaden herzoge ze Öfter

riche, vnd ze Styre, tuon kunt, mit disem gegenwertigem brieue, allen den, die in lesent.. oder hörent lesen. Daf wir getröstet hant, vnd ovch tröstent, die edeln vnser lieben Öheime, grafen Cuonraten, herren von Friburg, Friderichen sinen sun, ir dienere, vnd ir helfere, den burgermeister, den schultheissen, den rat, die burgere, die stat ze Friburg in Brisgöwe, vnd die iren gemeinlichen, Dietrichen von Endingen einen ritter, Johannesen vnd Walthern gebruodere von Endingen, ir fründe, ir helfere, vnd ir dienere, vür vns, vür Herzogen Albrechten, herzogen Heinrichen, herzogen Otten, vnser lieben bruodere vnd vür alle die vnseren diener vnd helfere. Obe es ge= schehe, das got wende, das die edeln, Burchart, vnd Gebehart herren vön Üsenberg, vnser getrüwen, ir helfere, diener, vnd ir lüte, die fuone, die wir zwis

schent den vorgenanten grauen Cuonrate vnd Frideriche, der stat von Friburg, den von Endingen, iren fründen, vnd allen iren helfern, dienern, vnd den iren, den vorgenannten, Burcharte vnd Gebeharte, iren fründen, helfern, dienern vnd lüten gemachet hant, alse die brieue stant, die darüber gemachet vnd geschriben fint, vnd verfigelt mit vnferme ingesigel, vnd anderre herren die da bi waren, brechint an keinem ende, oder da wider tetint, oder nüt stete hettint, allü dü ding vnd dü stucke, die an den vorgenanten brieuen stant, vnd die drie heissent, oder der merteil vnder in, die an denselben brieuen benemet sint, so füln wir, noch vnser vorgenanten bruodere, vnser helfere, vnser dienere, noch die vnsern, den vorgenanten, von Üsenberg, vnd den iren, helfern vnd dienern, in enkeinen weg beholfen fin, mit vns selber, noch mit den vnseren in enfein wis, ane alle geuerde. Vnd des ze einer bestetegunge, so hant wir disen brief mit vnserm ingesigel befigelt. Der wart gegeben ze Colmer, an fante Georien tage, do man zalte von gottes gebürte, drüzehen hundert iar, dar nach in dem zwei vnd zwenzigesten (iare.

Wir Fridereich von gottes gnaden romischer chunig alle

zit ein merer des riches, tuon chunt mit disem gegenwertigen brief, allen den die in lesent, oder horent lesen, daz wir getröstet hant, vnd auch trösten die edeln, vnser lieben Öheime grauen Chuonraten herren von Friburg, Friderichen seinen fun, ir diener, vnd ir helfere.. den purgermeister.. den schultheis. . den rat.. die purger, vnd die stat ze Friburg in Brisgowe, vnd die iren gemeinlichen, Dietrichen von Endingen einen ritter, Johansen vnd Walthern gebrüder von Endingen, ir fründe, ir helfere vnd ir diener, ob ez geschehe, daz got wende, daz die edeln Burchhart vnd Gebhart gebrüder herren von Üsenberg, vnser getruwen, ir helfer diener vnd ir lüte, die fuone, die der hohe fürste her

kog Lüpolt je Osterrich, vnd ze Steyr vnser lieber bruder, zwischent den vorgenanten, graue Chuonraten vnd Friderichen, der stat von Friburg, den von Endingen, iren fründen vnd ir aller helfern, dienern vnd den iren, den vorgenanten Burcharten vnd Gebeharten, iren fründen, helferen, dienern vnd lüten gemachet het, also die brief stant, die dar vber gemachet fint, vnd versigelt, mit vnsers vorgenanten bruder herzog Lüpoldes insigel, vnd mit ander herren insigel, di da bi waren, brechin an chainem ende, oder da wider tetin, oder nicht stete heten daz, also die vorgenanten brief stant, vnd die drie haissent, oder der merteil vnder in, die an denselben briefen benennet sint, so sullen wir den vorgenanten von Üsenberg, iren helferen vnd den iren, in enkeinen weg, mit vns, noch mit den vnsern beholfen nach beraten sin, ane alle geuerde. Vnd dig ze einem offenem vrchunde haben wir difen brief versigelt mit vnserm insigel. Der ist geben ze Cholmaren, do man zalt von Christes geburde, dreuzehen hundert iar, zwai vnd zwaingig iar, an sant Görgen tag. Vnsers riches in dem achten iar.

An allen drei Urkunden mangeln die Siegel.

Allen die disen brief sehend, oder hörend lesen, künde vnd vürgih ich herr Lütold von Krenkingen, ain früer herre, vmb die misshellunge, so der edel herre graue Cvonrat von Friburg, vnd die burger gümainlich von Friburg, vnd die edeln lüte von Endingen, herr