Arma assueta capit; flexumque a cornibus arcum Tendit: et illa suo toties cum pectore juncta Indevitato trajecit pectora telo.
Icta dedit gemitum, tractoque a vulnere ferro,
Candida puniceo perfudit membra cruore;
Et dixit: Potui poenas tibi, Phoebe, dedisse;
Sed peperisse prius: duo nunc moriemur in und.
Hactenus; et pariter vitam cum sanguine fudit. 610
Corpus inane animae frigus letale secutum est.
Paenitet heu serò poenae crudelis amantem:
Seque, quod audierit, quod sic exarserit, odit :
Odit avem, per quam crimen caussamque dolendi
Scire coactus erat: nervumque, arcumque, manumque
Odit, cumque manu temeraria tela, sagittas.
Collapsamque fovet: seráque ope vincere fata
Nititur; et medicas exercet inaniter artes.
609. Duo nunc moriemur. Et ego, et infans in utero conceptus. 624. Odit avem. Corvum. Crimea. Coronidis concubitum cum Æmonio juvene.