Excudebat Andreas Duncan, Academiæ Typographus. VENEUNT APUD BELL & BRADFUTE; GUL. LAING; ET ANDREAM DUNCAN, GLASGUÆ. AD LUCRETIUM. DOCTE POETA, vale! ternos mihi cura per annos; Et nunc cura mihi: DOCTE POETA, vale! Lucida dum rutilo Sol spicula mittet ab arcu, Dum mare fluctifrago litore lædet aquas, Dum tempestates variabunt quatuor annum, Usque recente tuus laude virebit honos. Forsitan et nostrum per sera volubilis ævi Tempora cum Cari nomine nomen eat. Merces parta mihi, sociis volitabit in undis Parva comes magnæ si mea cymba rati; Posteritasque meos dicet testata labores, “ Nonne patrocinio dignius illud opus?” Certe venturis ita vociferabitur annis Nænia Pierio nostra notanda choro: “ GEORGIUS, in lucem prodiit hicce liber!" Audax ille nimis, nimis ævo credulus ille, Qui tali tantum carmen adivit ave. а |