Abbildungen der Seite
PDF
EPUB

Quàm multi Libyco volvuntur marmore fluctus,
Sævus ubi Orion hybernis conditur undis;
Vel quàm Sole novo densæ torrentur aristæ,
Aut Hermi campo, aut Lycia flaventibus arvis.
Scuta sonant, pulsuque pedum conterrita tellus.
Hinc Agamemnonius, Trojani nominis hostis,
Curru jungit Halesus equos, Turnoque feroces
Mille rapit populos; vertunt felicia Baccho
Massica qui rastris; et quos de collibus altis
Aurunci misêre patres, Sidicinaque juxtà
Equora; quique Cales linquunt; amnisque vadosi
Accola Vulturni; pariterque Saticulus asper,
Oscorumque manus. Teretes sunt aclydes illis
Tela; sed hæc lento mos est aptare flagello :
Lævas cætra tegit; falcati cominùs enses.

Nec tu carminibus nostris indictus abibis,
bale; quem generâsse Telon Sebethide Nymphâ
Fertur, Teleboum Capreas cùm regna teneret
Jam senior: patriis sed non et filius arvis
Contentus, latè jam tum ditione premebat
Sarrastes populos, et quæ rigat æquora Sarnus ;
Quique Rufras, Batulumque tenent, atque arva Celennæ;
quos maliferæ despectant monia Abellæ :
Teutonico ritu soliti torquere cateias ;

Et

Tegmina queis capitum raptus de subere cortex;
Æratæque micant peltæ; micat æreus ensis.
Et te montosæ misêre in prælia Nersæ,
Ufens, insignem famâ et felicibus armis ;
Horrida præcipuè cui gens, assuetaque multo
Venatu nemorum, duris Æquicola glebis :
Armati terram exercent, semperque recentes
Convectare juvat prædas, et vivere rapto.

Quin et Marrubiâ venit de gente sacerdos,
Fronde super galeam et felici comtus olivâ,
Archippi regis missu, fortissimus Umbro:
Vipereo generi et graviter spirantibus hydris
Spargere qui somnos cantuque manuque solebat,
Mulcebatque iras, et morsus arte levabat.
Sed non Dardaniæ medicari cuspidis ictum
Evaluit; neque eum juvêre in vulnera cantus
Somniferi, et Marsis quæsitæ in montibus herbæ.
Te nemus Anguitiæ, vitreâ te Fucinus undâ,
Te liquidi flevêre lacus.

Ibat et Hippolyti proles pulcherrima bello,
Virbius; insignem quem mater Aricia misit,
Eductum Egeriæ lucis humentia circum
Littora, pinguis ubi et placabilis ara Dianæ.

Namque ferunt famâ Hippolytum, postquam arte

novercæ

Occiderit, patriasque explêrit sanguine pœnas,
Turbatis distractus equis, ad sidera rursus
Ætherea et superas cœli venisse sub auras,
Pæonîs revocatum herbis, et amore Dianæ.
Tum Pater omnipotens, aliquem indignatus ab umbris
Mortalem infernis ad lumina surgere vitæ,
Ipse repertorem medicinæ talis et artis

Fulmine Phœbigenam Stygias detrusit ad undas.
At Trivia Hippolytum secretis alma recondit
Sedibus, et Nymphæ Ægeriæ nemorique relegat:
Solus ubi in silvis Italis ignobilis ævum
Exigeret, versoque ubi nomine Virbius esset.
Unde etiam Triviæ templo lucisque sacratis
Cornipedes arcentur equi, quòd littore currum
Et juvenem monstris pavidi effudêre marinis.

Filius ardentes haud secius æquore campi
Exercebat equos, curruque in bella ruebat.

Ipse inter primos præstanti corpore Turnus
Vertitur, arma tenens, et toto vertice suprà est:
Cui triplici crinita jubâ galea alta Chimæram
Sustinet, Ætnæos efflantem faucibus ignes;
Tam magis illa fremens, et tristibus effera flammis,
Quàm magis effuso crudescunt sanguine pugnæ:
At levem clypeum sublatis cornibus Io
Auro insignibat, jam setis obsita, jam bos,
(Argumentum ingens) et custos virginis Argus,
Cœlatâque amnem fundens pater Inachus urnâ.
Insequitur nimbus peditum, clypeataque totis
Agmina densantur campis, Argivaque pubes,
Auruncæque manus, Rutuli, veteresque Sicani,
Et Sacranæ acies, et picti scuta Labici;

Qui saltus, Tiberine, tuos, sacrumque Numici
Littus arant, Rutulosque exercent vomere colles,
Circæumque jugum ; queis Jupiter Anxurus arvis
Præsidet, et viridi gaudens Feronia luco;
Quà Saturæ jacet atra palus, gelidusque per imas
Quærit iter valles, atque in mare conditur, Ufens.
Hos super advenit Volscâ de gente Camilla,
Agmen agens equitum et florentes ære catervas,
Bellatrix: non illa colo calathisve Minervæ
Fœmineas assueta manus; sed prælia virgo
Dura pati, cursuque pedum prævertere ventos.
Illa vel intactæ segetis per summa volaret
Gramina, nec teneras cursu læsisset aristas:
Vel mare per medium, fluctu suspensa tumenti,
Ferret iter, celeres nec tingeret æquore plantas.
Illam omnis tectis agrisque effusa juventus

Turbaque miratur matrum, et prospectat euntem,
Attonitis inhians animis; ut regius ostro
Velet honos leves humeros; ut fibula crinem
Auro internectat; Lyciam ut gerat ipsa pharetram,
Et pastoralem præfixâ cuspide myrtum.

Story of Cacus.

POSTQUAM exemta fames, et amor compressus edendi, Rex Evandrus ait:-" Non hæc solemnia nobis, "Has ex more dapes, hanc tanti numinis aram "Vana superstitio veterumve ignara Deorum "Imposuit: sævis, hospes Trojane, perîclis "Servati facimus, meritosque novamus honores. "Jam primùm saxis suspensam hanc aspice rupem : "Disjectæ procul ut moles, desertaque montis "Stat domus, et scopuli ingentem traxêre ruinam. "Hic spelunca fuit, vasto submota recessu, "Semihominis Caci facies quam dira tenebat, "Solis inaccessam radiis; semperque recenti "Cæde tepebat humus; foribusque affixa superbis "Ora virûm tristi pendebant pallida tabo. "Huic monstro Vulcanus erat pater: illius atros "Ore vomens ignes, magnâ se mole ferebat. "Attulit et nobis aliquandò optantibus ætas "Auxilium adventumque Dei: nam maximus ultor "Tergemini nece Geryonis spoliisque superbus, "Alcides aderat, taurosque hàc victor agebat "Ingentes: vallemque boves amnemque tenebant. "At furiis Caci mens effera, ne quid inausum "Aut intentatum scelerisve dolive fuisset, "Quatuor a stabulis præstanti corpore tauros

"Avertit, totidem formâ superante juvencas :
"Atque hos, ne qua forent pedibus vestigia rectis,
"Caudâ in speluncam tractos, versisque viarum
"Indiciis raptos, saxo occultabat opaco.

"Quærentem nulla ad speluncam signa ferebant.
"Intereà cùm jam stabulis saturata moveret
"Amphitryoniades armenta, abitumque pararet,
"Discessu mugire boves, atque omne querelis
"Impleri nemus, et colles clamore relinqui.
"Reddidit una boum vocem, vastoque sub antro
"Mugiit, et Caci spem custodita fefellit.

"Hic verò Alcidæ furiis exarserat atro

"Felle dolor: rapit arma manu, nodisque gravatum "Robur; et aërii cursu petit ardua montis. "Tum primùm nostri Cacum vidêre timentem, "Turbatumque oculis: fugit ilicet ocyor Euro, "Speluncamque petit; pedibus timor addidit alas. "Ut sese inclusit, ruptisque immane catenis "Dejecit saxum, quod ferro et arte paternâ "Pendebat, fultosque emuniit objice postes, "Ecce furens animis aderat Tirynthius; omnemque "Accessum lustrans, huc ora ferebat et illuc, "Dentibus infrendens: ter totum fervidus irâ "Lustrat Aventini montem; ter saxea tentat "Limina nequicquam; ter fessus valle resedit. "Stabat acuta silex, præcisis undique saxis, "Speluncæ dorso insurgens, altissima visu ; "Dirarum nidis domus opportuna volucrum : "Hanc, ut prona jugo lævum incumbebat ad amnem, "Dexter in adversum nitens concussit, et imis "Avulsam solvit radicibus; indè repentè "Impulit; impulsu quo maximus insonat æther,

« ZurückWeiter »