Discovery of Honey by Bacchus. Story of Silenus.
LIBA deo fiunt, succis quia dulcibus ille
Gaudet, et a Baccho mella reperta ferunt. Ibat arenoso Satyris comitatus ab Hebro: -Non habet ingratos fabula nostra jocos— Jamque erat ad Rhodopen Pangaeaque florida ventum: Eriferæ comitum concrepuere manus. Ecce novæ coëunt volucres tinnitibus actæ, Quaque movent sonitus æra sequuntur apes. Colligit errantes, et in arbore claudit inani Liber et inventi præmia mellis habet. Ut Satyri levisque senex tetigere saporem, Quærebant flavos per nemus omne favos. Audit in exesâ stridorem examinis ulmo, Adspicit et ceras dissimulatque senex; Utque piger pandi tergo residebat aselli, Applicat hunc ulmo corticibusque cavis. Constitit ipse super ramoso stipite nixus,
Atque avidè trunco condita mella petit.
Millia crabronum coëunt, et vertice nudo
Spicula defigunt, oraque summa notant.
Ille cadit præceps, et calce feritur aselli,
Inclamatque suos, auxiliumque rogat.
Concurrunt Satyri, turgentiaque ora parentis
Rident. Percusso claudicat ille genu.
Ridet et ipse deus, limumque inducere monstrat.
Hic paret monitis et linit ora luto.
Melle pater fruitur, liboque infusa calenti
Jure repertori candida mella damus.
Introduction of the Worship of the Magna Mater, or Cybele, into Rome. Story of the proving of the Innocence of Quinta Claudia.
DINDYMON, et Cybelen, et amoenam fontibus Iden
Semper, et Iliacas Mater amavit opes.
Quum Trojam Æneas Italos portaret in agros,
Est dea sacriferas pæne secuta rates.
Sed nondum fatis Latio sua numina posci
Senserat, assuetis substiteratque locis.
Post, ut Roma potens opibus jam sæcula quinque
Vidit, et a domito sustulit orbe caput;
Carminis Euboïci fatalia verba sacerdos
Inspicit. Inspectum tale fuisse ferunt :
Mater abest; Matrem jubeo, Romane, requiras.
Quum veniet, castá est accipienda manu.
Obscuræ sortis Patres ambagibus errant,
Quæve parens absit, quove petenda loco.
Consulitur Pæan, Divúmque arcessite Matrem,
Inquit, et Ideo est invenienda jugo.
Phrygiæ tum sceptra tenebat
Attalus: Ausoniis rem negat ille viris.
Mira canam longo tremuit cum murmure tellus,
Et sic est adytis diva locuta suis:
Ipsa peti volui. Ne sit mora: mitte volentem.
Dignus Roma locus, quo deus omnis eat.
Ille soni terrore pavens, 66 Proficiscere," dixit;
Nostra eris in Phrygios Roma refertur avos." Protinus innumeræ cædunt pineta secures
Illa, quibus fugiens Phryx pius usus erat. Mille manus coëunt: et picta coloribus ustis Cœlestum Matrem concava puppis habet.
Illa sui per aquas fertur tutissima nati,
Longaque Phrixeæ stagna sororis adit;
Rhoteumque rapax, Sigeaque litora transit,
Et Tenedum, et veteres Eëtionis opes.
Cyclades excipiunt, Lesbo post terga relictâ,
Quaque Carysteis frangitur unda vadis.
Transit et Icarium, lapsas ubi perdidit alas
Icarus, et vastæ nomina fecit aquæ.
Tum lævâ Creten, dextrâ Pelopeïdas undas
Deserit, et Veneris sacra Cythera petit.
Hinc mare Trinacrium, candens ubi tingere ferrum
Brontes, et Steropes, Acmonidesque solent :
Equoraque Afra legit, Sardoaque regna sinistris
Prospicit a remis, Ausoniamque tenet.
Ostia contigerat, qua se Tiberinus in altum
Dividit, et campo liberiore natat:
Omnis eques, mixtâque gravis cum plebe senatus
Obvius ad Tusci fluminis ora venit;
Procedunt pariter matres, natæque, nurusque,
Quæque colunt sanctos virginitate focos.
Sedula fune viri contento brachia lassant ;
Vix subit adversas hospita navis aquas.
Sicca diu tellus fuerat: sitis usserat herbas :
Sedit limoso pressa carina vado.
Quisquis adest operi, plus quam pro parte laborat,
Adjuvat et fortes voce sonante manus.
Illa velut medio stabilis sedet insula ponto;
Attoniti monstro stantque paventque viri.
Claudia Quinta genus Clauso referebat ab alto:
Nec facies impar nobilitate fuit.
Casta quidem, sed non et credita. Rumor iniquus
Læserat, et falsi criminis acta rea est.
Conscia mens recti famæ mendacia risit:
Sed nos in vitium credula turba sumus.
Hæc ubi castarum processit ab agmine matrum,
Et manibus puram fluminis hausit aquam,
Ter caput irrorat, ter tollit in æthera palmas;
-Quicumque adspiciunt, mente carere putant.—
Submissoque genu vultus in imagine divæ
Figit, et hos edit crine jacente sonos :
"Supplicis, alma, tuæ, genitrix fecunda deorum,
Accipe sub certâ conditione preces.
Si tu damnas, meruisse fatebor;
Morte luam pœnas judice victa deâ.
Sed, si crimen abest, tu nostræ pignora vitæ
Re dabis, et castas casta sequere manus."
Mota dea est, sequiturque ducem, laudatque sequendo.
Index lætitiæ fertur in astra sonus.
Nox aderat querno religant a stipite funem ;
Dantque levi somno corpora functa cibo.
Lux aderat querno solvunt a stipite funem ;
Ante tamen posito tura dedere foco :
Est locus, in Tiberin qua lubricus influit Almo,
Et nomen magno perdit ab amne minor.
Illic purpureâ canus cum veste sacerdos
Almonis dominam sacraque lavit aquis.
Exululant comites, furiosaque tibia flatur,
Et feriunt molles taurea terga manus.
Claudia præcedit, læto celeberrima vultu ;
Credita vix tandem teste pudica deâ.
Ipsa sedens plaustro portâ est invecta Capenâ:
Sparguntur junctæ flore recente boves.
Nasica accepit. Templi non perstitit auctor;
Augustus nunc est; ante Metellus erat.
Original Condition of Mankind. Obligations to Ceres.
MESSIS erant primis virides mortalibus herbæ,
Quas tellus nullo sollicitante dabat;
Et modo carpebant vivaci cespite gramen,
Nunc epulæ tenerâ fronde cacumen erant.
Postmodo glans nata est. Bene erat jam glande repertâ,
Duraque magnificas quercus habebat opes.
Prima Ceres homini ad meliora alimenta vocato
Mutavit glandes utiliore cibo.
Illa jugo tauros collum præbere coëgit;
Tum primum soles eruta vidit humus.
Æs erat in pretio: chalybeïa massa latebat.
Heu! heu! perpetuo debuit illa tegi !
Pace Ceres læta est, et vos optate, coloni,
Perpetuam pacem, perpetuumque ducem.
Farra deæ, micæque licet salientis honorem
Detis, et in veteres turea grana focos;
Et, si tura aberunt, unctas accendite tædas.
Parva bonæ Cereri, sint modo casta, placent.
A bove succincti cultros removete ministri ;
Bos aret ignavam sacrificate suem.
Apta jugo cervix non est ferienda securi;
Vivat, et in durâ sæpe laboret humo!
Rape of Proserpine. Wanderings of Ceres.
TERRA tribus scopulis vastum procurrit in æquor
Trinacris, a positu nomen adepta loci.
Grata domus Cereri. Multas ibi possidet urbes,
In quibus est culto fertilis Henna solo.
|