XXIII.

1529.

A UNE DAME POUR LA LOUER.

Rondeau, ou toute aigreur abonde,
Va veoir la doulceur de ce monde:
Telle doulceur t'adoucira,

Et ton aigreur ne l'aigrira.

TROP plus qu'en autre en moy s'est arresté,

Fascheux ennuy:scar yver, et esté

N'ay veu que fraude, haine, vice, et oppresse
Avec chagrin et durant ceste presse,
Plus mort que vif au monde j'ay esté.

Mais le mien cueur lors de vie absenté
Commence à vivre, et revient à santé,
Et tout plaisir vers moy prend son adresse,
Trop plus qu'en autre.

Car maintenant j'apperçoy loyauté,
à l'œil amour et feauté,
Je voy vertu, je voy pleine liesse.

Je

voy

En 1528, Clément Marot s'éloigna de Paris et de son amante, pour faire taire la médisance qui accusait Marguerite d'une conduite coupable. Son absence assoupit ces bruits naissans. L'année suivante, il reparut à la cour et envoya ces vers à la reine de Navarre dont l'amour avait résisté aux perfides manœuvres de l'envie et aux jalouses vexations de son époux.

Tout cela voy voyre mais en qui est ce?
C'est en vous seule, ou gist toute beauté
Trop plus qu'en autre.

XXIV.

DE CELLUY QUI ENTRA DE NUICT CHEZ S'AMYE.

DE nuict et jour fault estre advantureux,
Qui d'amour veult avoir biens plantureux.
Quant est de moy, je n'euz onc craincte d'ame,
Fors seulement en entrant chez ma dame,
D'estre apperceu des langars dangereux.

Un soir bien tard me feirent si paoureux
Qu'advis m'estoit qu'il estoit jour pour eulx:
Mais si entray je, et n'en vint jamais blasme
De nuict et jour.

La nuict je prins d'elle un fruict savoureux,
Au poinct du jour vey son corps amoureux,
Entre deux draps, plus odorans basme.

que

Mon œil adonc, qui de plaisir se pasme,

2

Dit à mes bras, vous estes bien heureux

De nuict et jour.

I

1 Est-ce bien le poète qui nous confie un de ses triomphes amoureux? Je ne suis pas éloigné de le croire. Les argus dont il trompe la vigilance me font penser que Marguerite n'était pas étrangère à son bonheur; l'amant qui a obtenu le baiser ne doit plus attendre

de refus.

2 L'œil qui parle aux bras! ce miracle ne se rencontre pas sou

XXV.

DE CELLUY QUI NE PENSE QU'EN S'AMYE.

TOUTES les nuictz je ne pense qu'en celle '
Qui a le corps plus gent qu'une pucelle
De quatorze ans, sur le poinct d'enrager:
Et au dedans un cueur, pour abreger,
Autant joyeux qu'eust oncques damoyselle.

Elle a beau tainct, un parler de bon zele,
Et le tetin rond comme une groyselle :
N'ay je donc pas bien cause de songer
Toutes les nuictz?

Touchant son cueur, je l'ay en ma cordelle,
Et son mary n'a sinon le corps d'elle: 2
Mais toutesfoys, quand il vouldra changer,
Prenne le cueur : et pour le soulager,
J'auray pour moy le gent corps de la belle

Toutes les nuictz.

1 Marguerite, reine de Navarre.

2 Henri d'Albret, roi de Navarre, avait négligé de se faire aimer de Marguerite son épouse, qu'il tourmentait par son indifférence défiante et jalouse.

XXVI.

D'UNE DAME AYANT BEAUTÉ ET GRACE.

GRANDE vertu, et beauté naturelle
Ne sont souvent en forme corporelle:
Mais ta forme est en beauté l'oultrepasse,
D'autant l'or tous les metaulx surpasse,

'que

Et si voit on mainte vertu en elle.

Aussi par tout en vole la nouvelle,
Et ce qui plus ton renom renouvelle,
C'est que tu as, toy seule, double grace,
Grande vertu.

Grace en maintien, et en parolle belle :
Grace en apres, que mercy on appelle:
L'une contrainct que t'amour on pourchasse,
L'autre de toy la jouyssance brasse:

Je te supply, use envers moy

d'icelle

Grande vertu.

XXVII.

DE TROIS COUleurs, gris, TANNÉ ET NOIR.

GRIS, tanné, noir porte la fleur des fleurs
Pour sa livree, avec regretz et pleurs.

Pleurs et regretz, en son cueur elle enferme,
Mais les couleurs dont ses vestementz ferme,
Sans dire mot, exposent ses douleurs.

Car le noir dit la fermeté des cueurs :
Gris le travail et tanné les langueurs :
Par ainsi c'est langueur en travail ferme,
Gris, tanné, noir.

J'ay ce fort mal par elle, et ses valeurs,
Et en souffrant ne crains aucuns malheurs,
Car sa bonté de mieulx avoir m'afferme :
Ce nonobstant, en attendant le terme,
Me fault porter ces trois tristes couleurs,
Gris, tanné, noir. '.

1 Ce rondeau regarde peut-être la reine de Navarre. Le poète, en lui rappelant sans cesse ses chagrins domestiques, essayait d'ébranler sa fidélité conjugale, et de lui persuader que son mari méritait cette vengeance qu'une femme a toujours entre les mains.