P. OVIDII NASONIS

METAMORPHOSE ON

LIBRI XV.

NASONIS EPIGRAMM A.

Trist. I, 7, 35-40.

Orba parente suo quicunque volumina cernis,

his saltem nostra detur in urbe locus!
Quoque magis faveas, non sunt haec edita ab ipso,

sed quasi de domini funere rapta sui.
Quidquid in his igitur vitii rude carmen habebit,

emendaturus, si licuisset, eram.

LIBER PRIMU S.

In nova fert animus mutatas dicere formas
corpora. Di, coeptis, nam vos mutastis et illas,
adspirate meis, primaque ab origine mundi
ad mea perpetuum deducite tempora carmen.

Ante mare et terras et, quod tegitomnia, coelum
unus erat toto naturae vultus in orbe,
quem dixere chaos, rudis indigestaque moles;
Dvip. T. u.

A

5