aber ze baider site beliben ane alle geverde. Item_alz ouch denne aber die vorgenanten herren mehr Clegt und fur vns braucht hant wie daz die Egenanten vnser aidgenoszen von Augspurg dem vorgenanten vnserm herren dem Bischoff sin prelaten korherren vnd ander pfaffheit in dem krieg den er vnd ouch die gesellschafften vnd ouch ander herren Ritter vnd Knecht mit vns stetten gehebt habent gedrungen vnd ouch darzu gezwungen haben daz si ir burger werden müsten Dar vmb haben wir vns erkennet vnd also vszgesprochen wil der burgermaister ze augsspurg der do ze mal burgermaister waz vnd darzu zwen dez Ratz ze augspurg die ouch do ze mal dez Ratz waren Dez Sweren gelert aide zu den hailigen Daz si die prelaten korherren oder phaffen die si in dem kriege enpfangen hant darzu nit gezwungen noch gedrungen haben daz si ir burger werden musten daz ouch sie denne billich ir burger sien vnd beliben vnd ir burgerrecht halten alz sie daz gelopt vnd verhaissen hant Doch dem vorgenannten vnserm herren dem Bischoff vnschädlich an den rechten die im in gaistlichen sachen durch billich vnd von rechtz wegen zugehörent oder zugehören sullent daz si daz burgerrecht da vor nit schirmen sol in dehain wise ane alle geverde Waere aber daz dez der burgermaister vnd zwen dez Ratz die do waren nit sweren wolten alz vorgeschriben stät. So sullen die Egenanten Prelaten korherren vnd ouch phaffen die in dem Krieg enpfangen sind Dez burgerrechtz gentzclich ledig vnd lose sin Ez wäre denne daz ir kainer ir wäre ainer oder mer daz burgerrecht mit willen halten vnd ir burger gern sin wolten Die sullen vnd mügen ouch denne by dem burgerrecht wol beliben doch aber vnschädlich dem vorgenanten vnserm herren dem Bischoff in gaistlichen sachen alz vorgeschrieben stät Welhi aber prelaten Korherren oder phaffen vor dem krieg oder nauch dem krieg der Egenanten vnser aidgenossen von augspurg burger worden sind die sullen ouch ir burger beliben vnd daz burgerrecht halten in aller der wise alz si die enpfangen hant ane alle geverde Item vmbe die Clagan die die vorgenanten herren aber für vns braucht hant Wie daz die Egenanten vnser lieb aidgenoszen die burger

der stat ze Augspurg den Frowan von Sant Steffan ze augspurg ain mulin ze Obern Engern vnd dry schliffemulin haben abgebrochen vnd dem stifft dez Tumes ze vnser fraven ain batstuben daselbs Vnd wellen in nit gunnen die wider ze buwen vnd daz ouch si der mulin ze nidern Engern die in daz kellerampt gehört daz wasser genomen haben vnd ir daz nit wellen wider lassen. Vmbe div stukk haben wir vns nauch vnderwisung gesworner maister die wir darzu gesent haben vnd den darvmb wol kundig waz Erkennet vnd also vszgesprochen daz die vorgenanten frowan dez Gotzhus ze Sant Steffan Ir mulinan mit malmulinan vnd mit schliffmulinan alz in die abgebrochen sind vnd ouch die Herren dez Tumes ze augspurg ir mulin die in daz kellerampt gehöret vnd der daz wasser genomen ist vnd ouch darzu die batstuben die in abgebrochen ist wider buwen vnd setzen sullen vnd mügen an daz wasser zwischan der mulin die div stat an demselben wasser hat, vnd der stat ze augspurg neben ain ander ain enhalb dez wassers die andere hie dishalb dez wassers vnd die batstuben dar vnder mit sölichem gevelle dez wassers alz ez daz denne gehan mag daz daz der stat mulin an dem wasser nit schaden bringe vnd in daz wasser wider werde, ane alle geverde. Vnd ouch mit solicher vaderschidung waz rechtz die vordern mulinan gehebt habent, von verschlahentz wegen des leches wer den vor da selb vor verschlagen, oder da herzu gedrungen habe daz ouch daz aber beschech vnd die mulinan divselben recht ouch haben Vnd ist daz die vorgenanten frowan oder die Tumherren die mulinan vnd batstuban also buwen oder buwen werdent ietzo oder hin nach So sprechen wir daz si die Egenanten vnser aidgenoszen von augspurg daran nichtzit sullen hindern irren noch beschweren noch in daz nit weren sullen mit kainen sachen in dehainen weg. Vud wenne ouch si die also buwent buwen wend oder gebuwen hant daz ouch die selben frowan ze Sant Steffan vnd ouch die herren dez Tumes vnd ir nachkomen bi denselben mulinan vnd batstuben die vorgeschriben zehen Jar sullen beliben vnd die nieszen vnd haben geruweclich ane der vorgenanten vnser aidgenoszen der von augspurg vnd ir nachkomen irrung vnd an

nemen

sprauch. Darzu haben wir sunderlich mer gesprochen daz die vorgenanten vnser aidgenoszen von augspurg noch ir nachkomen über die Egenanten Mulinan noch batstuban die vorgeschriben zehen Jar dehain gebot sezzen noch gebieten sullen oder ieman weren noch verbieten daz man bi in hit malen schliffe oder bade wan daz si in allen iren gewerbe geruweclich div Egenanten Jar sullen volgen lassen ane alle hindrung vnd irrung bi guten trewen ane alle geverde Item alz denne aber mit Clag für vns braucht ist daz die egenant vnser aidgenoszen von augspurg die pfaffheit besweren vnd besweret haben ir huser ir garten ir brotbenk vnd wismeder grund vnd boden ze Daz haben wir ouch entschaiden also wan daz von gemains nutzes vnd notdurfft wegen der stat ze augspurg beschechen ist daz ouch daz allez div vorgenanten zehen Jar vnerfordert vnd ane alle zusprüch vnd aefrung stan vnd beliben sol doch in sölicher beschaidenhait ob daz wäre daz der hofstett dehainiv noch vnuerfangen vorhanden stünd die si weder zu ir stett graben muran_noch wegen gehaimet_hetten oder han müssen ane geverde Ez wäre in der stat oder vsserhalb der stat ze augspurg daz ouch die selben vnser aidgenoszen von augspurg den gunnen sullen der die selben hofstett gewesen sind die wider ze haymen vnd ze nieszen ane alle geverde doch der stat vnschädlich an iren muran graben vnd wegen, Vnd doch vor allen dingen daz nieman mit der statt graben noch darinne nichtzit ze schaffen noch ze tun haben sol in dehainen weg. Item alz sie denne aber geclegt hant daz die vorgenanten vnser aidgenoszen von augspurg in dem krieg der gewesen sy alz vorgeschriben stat der pfaffhait iriv huser haben abgebrochen vnd verkoufft Jr bücher ir bettegewät husgerät vnd ander gewand husviche vnd andern husrat genomen. Ouch den die nit in dem krieg gewesen sind Vnd der ouch etlich ir burger sien gewesen vnd ouch ir korn ab iren Porten haben genomen Darvmb haben wir also vszgesprochen waz Huser si der pfaffhait in dem krieg zerbrochen haben Ez si dem Tumprobst oder andern Korherren oder Pfaffen daz ouch si den dieselben Hofstett sullen volgen laszen vnd wider werden alz si hivt ze tage

da sind ane alle geverde Doch in sölicher beschaidenhait wären sölich hofstett iendert in ir stett muran oder toren gelegen daz die da von vierzehn schuch wyt gebuwen werden ane alle geverde Vmbe daz daz si zu iren toren vnd muran dez basz gewandlen vnd die stat versorgen mügen, Waz aber si huser der pfaffhait in dem Krieg verkoufft habent Ez si dem Officialen oder andern korherren oder pfaffen die sullent vnser aidgenoszen von augspurg denselben korherren oder pfaffen der ouch die gewesen sind oder den sie zugehörent geruweclich volgen laszen vnd ledeclich wider schaffen also daz die selben Kofe gentzlich wider ab sin sullen Vnd waz ouch dieselben vnser aidgenoszen von augspurg Bucher oder korns daz si der Pfaffhait in dem krieg genommen hand noch vorhanden hand vngevarlich daz ir ist dez sullen si in ouch bi guten trewen wider geben vnd volgen laszen ane alle geverde Vnd doch sprechen wir mit namen daz div hofstat div bi vnser frowen nivwem Kor gelegen ist vnd div zu Her Chunrat dez Rüssen hof gehört in der witiu beliben sol alz div ietzo mit dem zune verfangen ist ane alle geverde Vnd in allen hie vor vnd nauchgeschriben sachen So setzen wir vnserm herren dem bischoff sin burggraufen ampt ze augspurg gentzlich hindan daz er vnd ouch div stat ze augspurg daz gen ain ander haben vnd halten sullen nauch der bucher lute vnd sag die si darvmb gen ainander hand vnd doch mit sölicher vnderschidung alz etwaz in dem selben artikel gemeldet ist von dez vngeltz wegen daz die von augspurg den weinaymer gemerret vnd den bieraimer gemindert haben daz daz ouch also bi dem belibe daz den vorgenanten vnsern aidgenoszen von augspurg in den Egenanten zehen Jaren dar vmb kain zuspruch beschaeh Doch entwederm taile an siner Ehafti frihaiten vnd rechten vnschädlich ane alle geverde Item vnd vmbe die Clag die ouch für vns getragen ist von vnsers herren dez bischoffs wegen daz im die vorgenanten vnser aidgenoszen von augspurg die muran an sinem garten ainhalb gen dez von Knöringen hof vnd anderhalb vff dem graben gen dez hailigen Crutztor geoffnet vnd vff gebrochen habent, Darvmb haben wir also vszgesprochen vnd vns erkennet daz

die vorgenanten vnser aidgenoszsen von augspurg dieselben muran dez garten an baiden siten alz si die vff gebrochen hant wider zumurren vnd ain beschlützzet tor an baiden siten machen sullen vnd die schlüssel der selben tör sullen allewegen die burgermaister der stat ze augspurg June han also daz die selben tör dehainest sullen geoffnet werden vnd alle wegen beschlossen sin Ez waere denne daz si dez bedörfften notdürfftig wurden von Kriege von brunst oder von ander ir stät rechter not wegen ane alle geverde dieselben zit vnd wile mugen si dieselben tor wol offnen vnd da durch wandlen oder ir stat da weren bis si sölich ir notdurfft vnd gebrechen_da wendent vnd verkoment. Vnd füro denne aber nit lenger Dez gelichen von dez von Knöringen garten wegen den si da bi dem tor ouch geoffnet vnd vffgebrochen hant Sprechen wir daz vnser aidgenoszen von augspurg den daselbs mit ainem beschlützten tor ouch wider zumachen sullen ze gelicher wise vnd in allem dem rechten alz hie vor vnsers vorgenanten Herren dez Bischoffs dez bistums ze augspurg muran vnd garten vnderschaiden vnd verschriben stat ane alle geverde Item alz ouch si damal me clegt hant daz vnser aidgenossen von augspurg den Egenanten vnsern herren den bischoff irren an sinen torfällen die er nemen sulle in der stat ze augspurg vnd alz si daz denne her wider vmbe verantwurt hant. Darvmb haben wir also vszgesprochen vnd vns erkennet wenue daz nu mer ze vallen komet daz vnsers herren dez bischoffs amptman wer der denne ist den faelle also vordrent würde wäre denne ieman mer zu der zit da der ouch rechtz darzu spreche So sol man im den fale volgen laszen vnd geben ane alle geverde alz verre daz der selb amptman dez Erben von dem derselb fale gevallen wäre gut sicherhait dar vmb setzen vnd tun sol vngevarlich ob ieman darnach kaeme der besser recht darzu hett vnd ouch daz selb besatzti vnd mit recht vszbraechti vff dem hus ze augspurg alz recht wäre daz er im denne den selben vale den er ingenomen hett widerkorti vnd volgen liesze ane alle gewerde Waeren aber dez selben malz mer da die nach dem selben vale sprechen vnd recht darzu mainten ze haben oder daz