Mandatum ad Alexandrum, filium Henrici, ut ammirato regni in his quae ad officium ejus pertinent respondeat et intendat. (Regest. imper. Freder. II, fol. 96 verso; in edit. Carcan., p. 391.) De imperiali mandato facto per magistros Riccardum et Taddeum scripsit Laurentius: Fredericus, etc., Alexandro filio Henrici. De prudentia et fidelitate Nicolini Spinule civis Janue fidelis nostri plene confisi, eum ob expertam industriam et sue fidei meritum regni Sicilie statuimus ammiratum. Mandamus tibi quatenus respondeas et intendas eidem de assignandis sibi navibus, galeis et vassellis ceteris curie nostre que habes cum omnibus apparatibus eorumdem, ad utilitatem nostre curie procurandam, nec non et de faciendis navibus, galeis et vassellis aliis opportunis, de armandis eis cum expedit, de emendis afisis et ceteris necessariis eorumdem, de incidendis lignaminibus in locis licitis et deferendis ad mare, de faciendis, reficiendis et custodiendis tarsinabus per jurisdictionem tuam prout utilitati nostre curie videris melius expedire, de navibus et vassellis aliis curie nostre onerandis victualibus et aliis mercimoniis de rebus curie nostre, in quarum defectu de pecunia officii tibi commissi oportunas merces emas et assignes eidem, ac de assignanda pecunia necessaria pro predictis, juxta quod pro servitiis et utilitate curie nostre idem a te duxerit requirendum. Datum Fogie, VIII aprelis, XIII indictionis. Similes scripsit idem Riccardo de Polcaro pro eodem. Mandatum ad Alexandrum, filium Henrici, de reparandis domibus castri Policorii. (Regest. imper. Freder. II, fol. 96 verso; in edit. Carcan., p. 392.) V. Pars 2. 112 Fogiae, 8 aprilis. Item: Fredericus, etc., Alexandro filio Henrici, etc., Riccardus de Mirom. castellanus castri nostri Policorii, fidelis noster, nobis exposuit quod domus dicti castri minantur ruinam; et si Thomasius de Brundusio predecessor tuus domos ipsas incepisset facere de pecunia nostre curie reparari, in ipso initio ab officio fuit amotus; propter quod cum in reedificatione ipsarum processum non fuerit, dampnum maximum ex earum ruina nisi succurratur ad presens, nostre curie poterit pervenire. Quare fidelitati tue precipiendo mandamus quatenus si tibi constiterit de premissis, prefatas domos sicut expedit facias reparari, requirens prius justitiarium regionis ut inquiri faciat diligenter si per homines loci vel proximos castrum ipsum consuevit et debeat reparari. Quod si aliqui ad hoc teneri fuerint per inquisitionem inventi, compellantur ad reparationem earum, et si collecta id differri requirat, tu de pecunia curie nostre necessarias expensas in domibus facias, quas postmodum recepta collecta requiras ab hys qui tenentur reparare domos easdem, expensas quas necessario feceris in eisdem. Si vero non invenientur aliqui teneri ad reparationem ipsius castri, tu domos ipsas de pecunia curie nostre repares ut est dictum, quod in eis reparandis ex mora, negligentia vel ruina improvide non eveniat detrimentum. Datum Fogie, VIII aprelis, XIII indictionis. Fogiae, 9 aprilis. Mandatum ad justitiarium Terrae Laboris ut ducentos servientes inveniat ad soldum de quarta unciae per mensem pro custodia castrorum Pontistremuli et Lunisani. (Regest. imper. Freder. II, fol. 97 recto; in edit. Carcan., p. 392.) De imperiali mandato facto per magistrum Petrum de Vinea scripsit P. de Capua: Fredericus, etc., R. de Montenigro justitiario Terre Laboris et comi tatus Molisii, etc. Dudum tibi scripsisse recolimus et dedisse nostris licteris in mandatis ut de justitiariatu tuo ducentos servientes invenire deberes decenter armatos pro custodia castrorum nostrorum que habemus in partibus Pontis Tremuli et Lunisani, qui fideles essent, de genere fidelium orti et qui consanguineos haberent fratres seu filios in regione ipsa Terre Laboris, et pro mense uno solidares eosdem ad rationem de quatuor tarenis auri per mensem. Verum quia sicut significasti celsitudini nostre, servientes ipsos predicto modo non poteras invenire, nolentes ut defectus in nostris obsequiis habeatur, mandamus et precipimus fidelitati tue quatenus eosdem ducentos servientes juxta prioris mandati nostri formam de justitiariatu tuo studeas invenire et solidare eos pro mense uno ad rationem de quarta uncie auri per mensem, et eis nichilominus pro eodem mense victui necessaria largiaris. Et si pro quarta uncie inveniri non possent, facias exinde prout melius videris expedire, ita ut omnino invenias et mictas eos secundum quod per alias licteras tibi dedisse recolimus in mandatis. Datum Fogie, VIIII aprelis, XIII indictionis. Mandatum ad Alexandrum, filium Henrici, de carrochiis et hominibus conducendis pro equis marescallae. (Regest. imper. Freder. II, fol. 97 recto; in edit. Carcan., p. 392.) De imperiali mandato facto per dominum R. de Trentanaria scripsit G. de Cusentia: Fredericus, etc., Alexandro filio Henrici, etc. Cum de beneplacito nostro sit et mandato ut equi marescalle nostre ponantur ad herbam in partibus Capitinate, fidelitati tue precipiendo mandamus quatenus ad requisitionem R. de Trentenaria, magistri marescalle nostre, fidelis nostri, conducere debeas ad competens loerium carrochias pro ferenda herba Fogiae, 9 aprilis. ad equos et homines qui ipsam herbam metere debeant et ipsos ad idem servitium marescalle debeas assignare. Datum Fogie, VIIII aprelis, XIII indictionis. Fogiae, 10 aprilis. Mandatum ad Alexandrum, filium Henrici, pro vestimentis Henrici, filii imperatoris. (Regest. imper. Freder. II, fol. 97 recto; in edit. Carcan., p. 392.) Mandante domino imperatore per magistrum Riccardum scripsit notarius R. de Salerno: Fredericus, etc., Alexandro, filio Henrici, etc. Intelleximus quod Henricus, filius noster, qui apud Sanctum Felicem commoratur, prout ei expedit, vestitus non est; propter quod fidelitati tue precipiendo mandamus quatenus ad requisitionem Thomasii, filii Osmundi, justitiarii Basilicate, fidelis nostri, et ad ipsius ordinationem, eidem filio nostro decentia facias vestimenta. Datum Fogie, X aprelis, XIII indictionis. Fogiae, 11 aprilis. Litterae responsales ad comitem Casertae quod principi placeant quae significavit. (Regest. imper. Freder. II, fol. 97 recto; in edit. Carcan., p. 393.) De mandato imperiali facto per magistrum Roggerium de Petrasturmina scripsit P. de Capua: Fredericus, etc., Riccardo comiti Caserte, etc. Fidelitatis tue licteras quas nostro culmini destinasti, benignitate recepimus consueta. Quod autem significasti nobis per eas illud quod facere disponebas, excellentie nostre placet sicut cautius et securius fieri potest. Datum Fogie, XI aprelis, XIII indictionis. Mandata ad justitiarios Principatus et Aprutii de faciendis inquisitionibus super denunciationibus principi praesentatis. (Regest. imper. Freder. II, fol. 97 recto; in edit. Carcan., p. 393.) Mandante domino imperatore per magistrum Riccardum scripsit notarius Roggerius de Salerno : Fredericus, etc., Thomasio de Montenigro justitiario Principatus, etc. Roggerius de Mago et Mattheus de Altavilla fideles nostri presentaverunt majestati nostre denunciationes quas cedula continet presentibus interclusa contra Palmerium de Altavilla, cujus cedule per omnia similem in nostra camera jussimus conservari; et quia super omnibus que continet inquiri per te et scire volumus veritatem, fidelitati tue precipiendo mandamus quatenus ipsius cedule diligenter inspecto tenore et vocatis ad te denunciatoribus supradictis, super singulis que continentur in ea inquisitionem facias diligentem per homines fide dignos, quam fideliter in scriptis redactam sub sigillo tuo ad presentiam nostram mictas. Datum Fogie, XI aprilis, XIII indictionis. Item similes licteras per omnia scripsit idem notarius eodem die de superiori mandato super denuntiationibus factis per Berardum de Paganica contra prepositum Sancti Justini, et inquisitio commissa est facienda B. Pissono justitiario Aprutii cui denunciationes misse sunt intercluse. Fogiae, 11 aprilis. Mandata ut jumenta curiae Gentili de Castanea assignentur, pro una aratia in Apulia facienda, et ut expensae necessariae custodibus equorum exhibeantur. (Regest. imper. Freder. II, fol. 97 verso; in edit. Carcan., p. 393.) Fogiae, 12 aprilis. |