ON

A BONNY VESSEL

CALLED

The Fleming Bark,

Belonging to Edinburgh.

I.

I HAVE a little FLEMING Berge

Of cleahly Wark, and scho is wicht; Quhat Pylot taks my Schip in Charge, Maun hald her cleanly, trim and ticht: Hir Hatches maun be handlit richt, With Steir Burd, Baburd, Luf and Lie; Scho will sail all the Winter Nicht, And nevir tak a Tellzevie.

II.

WITH ane even Keil afore the Wind,
Scho is richt fairdy with a Sail;

But at a Lufe scho lyis behind,

Gar heis her quhile her Howbands skail;

Draw weil the Takle to her Tail,

Scho will not miss to lay zour Mast,

To pump as aft as ze may sail,

Ze will neir hald her Watter-fast.

III.

To colf hir aft, can do no ill,

And talloun quhair the Flude-mark flows; But gif scho lekks, get Men of Skill

To stap the Holes laigh in the Hows: For faut of Hemp, tak hairy Tows, And Stane-balast withouten other,

In moonless Nichts it is nae Mows, Except a stout Man steir the Ruther.

IV.

A Vessell fair abune the Watter,
And is but laitly reikit too,
Quhairto till deave ze with hir Blatter
Are nane sic in the Flot as scho:

Plum weil the Grund, quhat eir ze do,

Hail on the Fore-sheit and the Blind,

Scho will tak in at Cap and Ko,

Without scho balast be behind.

V.

NAE Pedders Pak scho will refuse,

Altho' hir Travel scho shoud tyne, Nae Cuckold Carle or Carlings Pet,

That dois thair Corn and Catle trayn; And quhere scho finds a Fallow fyne, He will be fraught free for a Sowse,

Scho carrys nocht but Men and Wyne, And Bulion to the Cunzie-House.

VI.

FOR Merchand Men I may haif Money,

But nane sic as I wald desyre,

And I am laith to mell with ony,

To leif my Matter in the Myre;

That Man that wirks best for his Hyre

Its he sall be my Marriner,

But Nicht and Day he maunna tyre That sails my bonny Ballenger.

VII.

QUHEN Anker-hald nane can be fund,
I pray you cast the Leid-lyne out;
And gif ye cannot get the Ground,
Steir be the Compass, keep her Rout;

Syne travers still, and lay about,

And gar her top twiche Wind and Waw,
When Anker dryves, there is nae Dout

Thir tripand Tydes may tyne us a.

VIII.

Now is my pretty Pinnage ready,
Abydand on sum Merchand Block,
But be scho empty, be our Lady,
Scho will be kitle of her Dok;

Scho will refuse nae Landwart Jok,

Tho' he shoud fraught her for a Crown:
Thus fair ze weil, says gude John Cok,

A nobil Sailor in this Toun.

Quod SEMPLE.

The Defens of GRISSELL SANDYLANDS For using of hir self contrair the Ten Commands, Being in Ward for Playing of the Loun With every ane list gife hir half a Croun.

I.

PERNITIOUS People, partial in Despyte,

Susannas Juges, Sawers of Sedition,

Zour cankert Council is the Cause and Wyte,
Bowstert with Pryde, and blinded with Ambition,
Finding nae Cryme, nor haifing a Comission
To hurt Dame Venus Virgins as ze do;

Ze

Gif ze sae rashly rin upon Suspition,

may put others on the Pannell too.

II.

To Sandylands ze war ower-sair to schame hir,
Sen ze with Council quietly might command hir;
Grit Fulis ze war with Fallows to defame hir,
Haifing nae Cause, but common Fame and Sklan-

der,