XXXII.

BUT brave Camil the valiant Chevalier,

(When he the Gauls had dantint be his Weir)
Of Heritage wald haif nae Recompence;
For gif his Bairns, his Kin and Friends maist deir
Were verteous, they could not fail ilk Zeir
To haif enough, be Roman Providence.
Gif they wer given to Vyce and Insolence,
It was not neidfull he sould conqueiss Geir,
To be the Cause of thair Incontinence.

XXXIII.

SUM nobil Men, as Poets list declair,
Wer Deifeit, sum made Gods of the Air,

Sum of the Heaven, as Eolus, Vulcan,
Apollo, Saturn, Hermes, Jupiter,
Mars, Hercules, and uther Men preclair,

That Fame imortall in this Warld wan:
Quhy wer thir People called Gods than?
Because they had a VERTUE singulair,

Excellent hie abune the Ingyne of Man.

XXXIV.

AND uthers are in Reik sulphurious,

As Ixion, and weiry Sysyphus,

Eumenides, the Furys odibil,

The proud Gyants, and thristy Tantalus,
With ugly Drink, and Fude maist vennomus,
Quhair Flames bauld, and Mirkness ar sensibil:

Quhy ar thir Folk in Pains sae terribil?

Because they were but Shrews maist vicious
Into thair Lyfe, with Deids maist horribil.

XXXV.

AND tho' nae Fruit wer after consequent
Of mortall Lyfe, but for this Warld present
Ilk Man to haif allenerlie Respect;

Zet VERTUE sould frae Vice be different,
As quick frae deid, as rich frae indigent;
That ane to hiest Honour does direct,
This uther Saul and Body does neglect.
That ane of Reason maist intelligent,

This uther of Beists following the Effect.

XXXVI.

FOR he that nold against his vyl Lusts stryve,

But lives as Beists of Knawlege sensityve,

Grows fast to Eild, and Death him sone owreThairfor the Mule is of a langer Lyfe

[hails : Than the staind Horse; also the barrand Wyfe

Zouthfull appeirs, when that the Brudie fails : We also se when Nature nocht prevails, The Pain and Dolour ar sae pungityve, Nae Medycyne the Patient then avails.

XXXVII.

SEN our Intents baith we haif shawn thee thus,

Cheis of us twae the maist delicious,

Or to sustene a sharp Adversitie, Danting the Rage of Zouth-heid furious, And syn posses Triumphs innumerous, With hie Empyre, and lang Felicitie;

Or haif ane Moment Sensualitie

Of fulish Zouth, in Lyf voluptous,
And all thy Days full of sad Miserie.
D

XXXVIII.

PHEBUS be this his fyrie Cart did wry,
Frae South to West declynand bissyly

To dip his Steids into the Westlin Main; When rysing Damps owresaild his Visage dry With Vapours thick, and cluddet all the Sky, And Notus brym, the Wind meridian,

With Wings donk, and Fedders full of Rain, Awakent me, that I coud not espy

Quhilk of the twa was for his Lady tane,

XXXIX.

BUT sone I knew they were the Goddesses
That came in Sleip to valiant Hercules,
When he was zung, and free of every Lore,
To Lust or Honour, Purtith or Riches,
Quhair he contempnit Lust and Idleness,
That he in VERTUE micht his Lyfe decore;
Then Warks he did of maist excellent Glore;
The mair incresst his painfull Bissiness,

His hie Triumphs and Loving was the more.

A Bytand BALLAT on warlo Wives,

That gar thair Men live pinging Lives.

BE

I.

merry, Brethrene, ane and all,

And set all Sturt aside;

And

every ane togither call

To GOD to be our Gyd;

For as lang lives the mirry Man,

As dois the Wretch for ocht he can,

When Deid him strakes, he wats na whan,

And charges him to byde.

II.

THE Rich then sall not spared be,

Thocht they haif Gold and Land, Nor zit the Fair, for their Bewty,

Cannot that Charge gainstand.