XV.

Now sen I am sic Quantitie

Of Gyans cum, as ze may se,

Quhair will be gotten a Wyfe for me,

Of sicklyk Breid and Hicht?

In all this Bour is not a Bryde
Ane Hour I wate dar me abyde,

Zet trow ze ony Heir besyde

Micht suffer me all Nicht.

XVI.

ADEW a quhyle, for now I

gae

But I will not lange byde ze frae,
I wisch ze be conserft from Wae,

Baith Maiden Wyfe and Man :
GOD bless them and the haly Rude,
Gif me a Drink, se it be gude,
And quha trows best that I do lude,

Skink first to me the Kan.

FINIS, The Droichs Part of a Play.

AULD KYNDNESS

QUITE FORZET QUHEN ANE GROWS PURE.

I.

THIS Warld is all but fenziet fair,

And as unstable as the Wind,
And Faith is flemit I wat not quhair,
Trest Fallowship is ill to find,

Gude Consciences is all made blind,

And Charity thairs nane to get;
Leil Luve and Lawty lys behind,

And auld Kyndness is quite forzet.

II.

QUHYLE I had ony Thing to spend,

And stuffit weil with Warlds Wrack, Amang my Friends I was weil kend;

Quhen I was proud and had a Pack, They wad me be the Oxter tak; And at the hich Buird I was set,

But now they let me stand aback,

Sen auld Kyndness is quite forzet.
N

III.

Now I can find but Friends few,
Sen I was prized to be pure,
They hald me now but for a Shrew;
Of me they tak but little Cure;
All that I do is but Injure;
Thocht I be bair I may not bett,

They let me stand upon the Flure,
Sen auld Kyndness is quite forzet.

IV.

SUPPOSE I mein I am nocht mendit,
Sen I held part with Povertie,
Away sen that my Pack was spendit,
Adieu all Liberality.

The Proverb now is trew I see,

Quha may not give will little get;
Therefore to say the Verity,

Now auld Kyndness is quite forzet.

V.

THEY wald me hals with Hude and Hat, Quhyle I was rich and had enouch, About me Friends enow I gat;

Richt blythly then on me they leuch, But now they mak it wonder teuch, And lets me stand before the Zet. Therefoir this Warld is very freuch, nd auld Kyndness is quite forzet.

VI.

As lang as my ain Cap stude even,

I zied but seindle myne allane, I squyrit was with Sax or Sevin,

Ay quhyle I gave them twa for ane; But suddenly frae that was gane, They passd me by with Hands plett, With puirtith frae I was oertane, Then auld Kyndness was quite forzet.

VII.

INTO this Warld suld nae Man trow,

Thou may weil see the Reason quhy;
For ay but gif thy Hand be fou,
Thou art but little setten by,
Thou art not tane in Company,
Bot ther be fund Fish in thy Net:
Therefore this false Warld I defy,
Sen auld Kyndness is quite forzet.
VIII.

SEN that nae Kyndness kepit is,
Into this Warld that is present,
Gif thou wald cum to Heavins Bliss,
Thyself appleist with sober Rent,
Live weil and give with gude Intent,
To every Man his proper Debt,

Quhat eir God send hald thee content, Sen auld Kyndness is quite forzet.

ADVICE

TO BE LIBERAL AND BLYTH.

I.

I MAKE it kend, he that will spend,

And luve GOD late and Air,

He will him mend, and Grace him send, Quhyle Catives shall have Care:

But Praise weil pend, sall him comend, That of his Rowth can spare;

We knaw the End, that all maun wend

Away nakit and bare,

With an O and an I,

And a Wretch sall haif nae mair,

But a schort Sheit at Heid and Feit,
For all his Wrak and Ware.