VII. SYNE Sweirnes at the second Bidding Came lyk a Sow out of a midding, Full sleipy was his Grunzie; Mony sweir bumbard Belly huddron, Mony Slut, Daw, and sleipy Duddron, Him served ay with Sounzie: He drew them furth intill a Chenzie, And Belial with a Bridall Renzie, Ay lashit them on the Lunzie. In Daunce they were sae slaw of Feit, They gaif them in the Fyre a Heit, Made them quicker of Cunzie. VIII. THEN Lechery that laithly Corss, Berand lyk a bagit Horss, And Ydleness did him leid; Ther was with him ane ugly Sort, And mony a stynkand foull Tramort That had in Sin bene deid: Quhen they wer enterit in the Daunce, They wer full strange of Countenance, Lyk Turkas burnand reid; All led they uther by the Suppose they fyket with thair It micht be nae Remeid. IX. THEN the foull Monster, Gluttony, To daunce syn did him dress; Him followit mony a foull Drunkart Full mony a waistless wally Drag, In Creish, that did incress; Drink, ay they cryd, with mony a Gaip, The Feynds gave them het Lead to laip, Thair Lovery was nae less, X. NAE Minstralls playd to them bot Dout, For Glie-men ther war haldin out Be Day and eik by Nicht; Except a Minstrall that slew a Man, Entert be breif of Richt. XI. THEN cryd Mahoun for a Earse Padzean, Syn ran a Feynd to fetch Macfadzean, Far Northward in a Nuke; Be he the Correnoch did schout, In Hell grit Rume they tuke: That Tarmagants with Tag and Tatter, Full loud in Earse begoud to clatter And rowp lyk Ravin and Rowk; The Deil sae deivt was with thair Yell, That in the deipest Pot of Hell He smorit them all with Smuke. FOLLOWS THE TOURNAMENT BETWEEN The SOUTAR and TAILZIOR. N I. IXT that a Tournament was cryd, That lang before in Hell was tryd, In presence of Mahoun, Betwisch a Tailzior and Soutar, A Prick-Louse and a Hobell-Clouter, The Barress was made boun; The Tailzior baith with Speir and Sheild, Convoyit was into the Feild, With mony a Lymmar-Loun, Of seme-byters and Beist-knappers, A graceless Garrisoun. II. HIS Banner was born him before, Quherin was Clouts a hundred Score, And all stown out of sindry Webs, The Tailzior on the Barrows blent, Allace! he tint all Hardyment, For Feir he changit Hew: Mahoun came forth and maid him Knicht, Nae Ferlie thocht his Heart was licht, That to sic Honour grew. III. THE Tailzior hecht before Mahoun, That he suld ding the Soutar doun, Wer he strang as a Mast; But quhen he on the Barrous Blenkit, His Heart did all owre-cast: |