HIS OWN ENEMY.

HE

I.

E that has Gold and Riches great,

And may live at a merry Rate;

And Gladness dois frae him expell, And lives into a wretched State;

He worketh Sorrow to himsell.

II !

HE that may be bot Sturt and Stryf,

And live a lusty lightsome Lyfe,

And syne with Marriage dois him mell,

And buckles with a wicked Wyfe,

He worketh Sorrow to himsell.

III.

HE that has for his awin Genzie

A plesand Prop bot Mank or Menzie,

And shutes syne at an uncow Schell, And is forfairn with Fleis of Spenzie.

He worketh Sorrow to himsell.

IV.

AND he that with gude Life and Treuth,

Bot Variance or other Slewth,

Dois evir with a Master dwell,

That nevir of him will have Rewth,
He worketh Sorrow to himsell.

V.

Now all this Time let us be merry,

And set not by this Warld a Cherry,

Now quhyle thair is gude Wyne to sell;
The Cheil that dois on dry Breid wirry,
I give them to the Devil of Hell.

Quod DUNBAR.

wwwwwwwwwwww

Ladies,

WHA CAN BE GUDE SOLICITERS AT COURT.

I.

HIR Ladys fair, that mak Repair,

And at the Court are kend,

In three Days thair, they will do mair,

Ane Matter for till end,

Than ther Gude-men will do in Ten,

For any Craft they can,

Sae weil they ken, what Time and quhen, Thair Manes they suld mak than.

II.

WITH little Noy they can convoy

A Matter finally,

Richt myld and Moy, and keip it coy,

On Evens sae quietly;

They do no miss, but gif they kiss,

And keip Colation,

Quhat Reck of this, thair Matter is

Brocht to Conclusion.

III.

THEN wit ye weil, they haif grit Feil,

And Mater to solist,

Trest as the Steil, syne neir a Deil,

Quhen they come hame are mist.

Thir Lairds they are, methink richt far,
Sic Wyves behalden to,

That sae weil dar gae to the Bar,

Quhen there is ocht to do.

IV.

THEREFORE I reid, gif ze haif Pleid,
Or Matter in the Play,

To mak Remeid, send in zour Steid
Zour Ladys graitht up gay;

They can deffend, even to the End,
And Matters forth express;

Suppose they spend, it is unkend,

Thair Geir is nocht the less.

V.

IN quiet Place, gin they have Space,

Within less than twa Hours,

They can percase, purchase sum Grace,

At the Compositours;

Thair Composition with full Remission,

Thair finally is endit,

With Expedition, and full Condition,

Thair Seals then are to pendit.

VI.

ALL hale almost they make the Cost,

With sober Recompence,

Richt little lost, they get indorst,

All hale their Evidence,

Sic Ladys wyse, they are to pryze,

To say the Verity,

Sae can devyse, and not surpryze

Thame nor thair Honesty.

Quod DUNBar.