Honour all Time thy noble Genterice,

Obey the Kirk; gif thou does miss, amend,

Sae sall thou win a Place in Paradyce, And mak on Eard an honnorable End.

ON

Quod HEN. STEWART.

CONSCIENS.

I.

UHEN Doctors preicht to win the Joy eternal, Into the Heavens, aftir our LORD'S Ascens They Justice taucht bot Bud or Favour carnal, And caust be punisht fleshly vyl Offens, Gave Benefice to Clerks of CONSCIENS; And sae the Feynd had sic Envy thereon.

Away he gart frae Consciens scrape the Con,

And then behind was only left Sciens.

II.

THEN were all Clerks for Sciens sune promovit,

And them that wald to Study maist apply: But zit the Feynd at Sciens was comuvit,

And gart frae Sciens scrape away the Sci. Sae only Ens was left by his slie Envy

Quhilk ay suld be for Gold and Geir expont, Quhairby Benefices are now dispont

But Consciens or Sciens to sell and buy.

III.

O Sovraign LORD, and maist excellent King,
Gar put the Con and Sci again to Ens,

And rule thy Realm with Justice in thy Ring;
Give Benifice to Clerks of Consciens,

With Truth and Honour to stand thy Defence: Sae in thy Court that Consciens be clene, For vyle Corruption or thy Days has bene, Against Justice, with uthir great Offens.

Quod STEWART.

ON

THE CREATION,

AND

Paradyce Lost.

GOD

I.

by his Word his Wark began,

To form this Eard and Hevin for Man,

The Sie and Watter deip;

The Sun, the Mune and Stars sae bricht,

The Day devydit from the Nicht,

Thair Courses just to keip;

The Beists that on the Grund do muve,

And Fishes in the Sie;

Fowls in the Air to flie abuve,

Of ilk kind formed HE:

Sum creiping, sum fleiting,

Sum fleing in the Air,

Sae heichly, sae lichtly

In muving heir and thair

II.

THIR Warks of gret Magnificence,

Prefytit by His Providence,

According to His Will:

Nixt He made Man; To gife him Glore,
Did with His Image him decore,
Gaife Paradyse him till;

Into that Garden hevinly wrocht,

With Pleasures mony a one,

The Beists of every Kynd wer brocht,

Thair Names he suld expone;

These kenning and nameing,

As them he list to call,

For eising and pleising

Of Man, subdued them all.

III.

IN heavenly Joy Man sae possest,
To be alane GOD thocht not best,

Made Eve to be his Maik;

Bad them increass and multiplie,
And of the Fruit frae every Tree

Thair Pleasure they suld take,

Except the Tree of Gude and Ill

That in the Midst dois stand, Forbad that they suld cum thertill, Or twitch it with thair Hand;

Lest luking and plucking,

Baith they and all thair Seid,

Seveirly; awsteirly,

Suld die without Remeid.

[TV.

Now Adam and his lusty Wife

In Paradyce leidand thair Lyfe,

With Pleasures infineit;

Wanting nae thing suld do them Ease, The Beists obeying them to pleise,

As they could wish in Spreit:

Behald the Serpent sullenlie

Envyand Mans Estate,

With wicket Craft and Subtiltie
Eve temptit with Desait;

Nocht feiring, but speiring,
Quhy scho tuke not her till,

In using and chusing

The Fruit of Gude and Ill?