sive eligendas confirmandi, ac aliter factas et celebratas cassandi et annullandi, ac rite electos et confirmatos installandi seu installari faciendi. Institutiones quoque et investituras in quibuscunque Ecclesiis et locis prædictis pendente visitatione nostra hujusmodi, personis idoneis et rite presentatis quibuscunque conferendi et concedendi, ac eas in realem, actualem, et corporalem possessionem Ecclesiarum et locorum prædictorum inducendi, seu sic induci faciendi, atque mandandi, cum suis juribus et pertinentiis universis. Quæcunque insuper instrumenta litterasque tam testimoniales quam mandatorias, et rescripta alia quæcunque in ea parte necessaria opportuna &c. Desunt cætera.

XXXI.

The Archbishop of Canterbury's Mandate, to inhibit the Provincial Bishops the Exercise of any Jurisdiction during the King's Visitation.

Stokesly,

Thomas permissione divina Cantuariensis Archiepiscopus, Regist. &c. Venerabili confratri nostro Johanni Londinensi episcopo fol. 47. salutem, &c. Cum nuper recepimus serenissimi domini nostri Sept. 1535. Henrici Octavi, Dei gratia Angliæ et Franciæ regis, &c., ac in terris supremi Ecclesiæ Anglicanæ sub Christo capitis, literas inhibitionis, sub verborum tenore sequentium.

Henricus Octavus Dei gratia Angliæ et Franciæ Rex, Fidei Defensor, Dominus Hiberniæ, ac in terris supremum Ecclesiæ Anglicanæ sub Christo Caput; dilecto nobis reverendissimo in Christo patri Thomæ miseratione divina Cant. archiepiscopo, et totius Angliæ primati, salutem. Cum nos auctoritate nostra suprema ecclesiastica, omnia et singula monasteria, domos, prioratus, ecclesias, et loca alia ecclesiastica quæcunque, totumque clerum infra et per totum nostrum Angliæ regnum constitutum, propediem visitare statuerimus; vobis tenore præsentium stricte inhibemus atque mandamus, et per vos suffraganeis confratribus vestris episcopis, ac per illos suis archidiaconis, infra vestram provinciam Cantuariensem ubilibet constitutis, sic inhibere volumus atque præcipimus, quatenus pendente visitatione nostra hujusmodi, nullus vestrum monasteria, ecclesias et alia loca prædicta, clerumve visitare, aut ea quæ sunt jurisdictionis exercere, seu quicquam aliud in prejudicium dictæ visitationis nostræ generalis attemptare præsumat, sub

pœna contemptus: in cujus rei testimonium, has præsentes literas inde fieri, et sigilli nostri quoad causas ecclesiasticas utimur, appensione communiri curavimus.

Dat. decimo octavo die mensis Septembris, an. Dom. 1535, et regni nostri 27.

Regist.
Fitzjames.

A.D. 1515.

Tunstal. Regist. fol. 57.

A.D. 1524.

XXXII.

The Founder of an Abbey or Hospital's Letter to the Bishop, to confirm the Election of the Head of the House.

Reverendo in Christo patri domino et domino Ricardo permissione divina episcopo Londinensi, suus humilis et devotus Rogerus Wentworth Miles, reverentias omnimodas tanto patri debitas cum honore. Cum religiosus vir frater Gulielmus Barlow prior prioratus Sancti Nicolai de ordinis Sancti

Augustini, vestræ Londinensis dioceseos fuerit et sit in priorem prioratus de lega, per conventum ejusdem canonice electus, et nobis ejusdem prioratus patrono, per litteras patentes sigillo communi dicti prioratus, ut moris est, præsentatus; nos, ut patronus ejusdem prioratus, dictæ electionis nostrum præbemus consensum, personam ipsius electi acceptam Deo, prout credimus, placitam, et hominibus acceptam, humiliter, suppliciter et devote petimus, quatenus electionem de dicto fratre Gulielmo, ut præmittitur factam et celebratam, confirmare, cæteraque peragere quæ vestro in hac parte incumbunt officio pastorali, gratiose dignemini cum favore.

In cujus rei testimonium sigillum meum quoad arma apposui.

Dat. apud Gosfield, Julii 20, an. Dom. 1515.

XXXIII.

The Prior of St. Austin's, London, Oath of Canonical Obedience to Bishop Tunstal.

In Dei nomine, Amen. Coram vobis venerabili viro magistro Galfrido Wharton decretorum doctori, reverendi in Christo patris et domini domini Cuthberti permissione divina Londinensis episcopi, vicario in spiritualibus generali; ego Nicolaus Hancock electus in priorem domus sive prioratus Sanctæ Trinitatis, ordinis Sancti Augustini, London. dioceseos et juris

dictionis, juro ad hæc sancta Dei Evangelia, per me hic corporaliter tacta, quod reverendo in Christo patri et domino, domino Cuthberto, permissione divina London. episcopo moderno meo, et dicti prioratus mei ordinario, et diocesano, suisque successoribus canonice intrantibus ac suis ministris, in omnibus licitis ac canonicis mandatis obediens ero, et canonicam obedientiam exhibebo, necnon in factis debitam reverentiam, dicto reverendo patri, et suis ministris impendam, et in verbis effectualiter exhibebo.

Insuper quod honorem et augmentationem divini cultus in dicto monasterio pro posse meo conservabo, et statum ejusdem domus, quantum in me est, meliorabo; necnon fundationem; statuta regularia quoque, et laudabiles consuetudines dictæ domus manutenebo et observabo. Quodque ad synodum seu visitationem dicti reverendi patris, vel successorum suorum vocatus veniam, nisi præpeditus fuero legitimo et canonico impedimento. Possessiones insuper et bona immobilia sive jocalia dictæ domus, sine consilio dicti reverendi patris aut successorum suorum, etiam cum consensu capituli mei non alienabo nec impignerabo, nec diminuam, neque devastabo. Sed quod bona dictæ domus dispersa pro posse meo congregabo. Sic me Deus adjuvet, et hæc sancta Dei Evangelia. Insuper in hiis scriptis verbo promitto, quod in singulis annis fidele compotum de statu dictæ domus confratribus meis canonicis, ibidem in domo nostra capitulari faciam, reddam, et exhibebo.

Tunstal.

John Baker, another prior of the order of St. Austin's, Regist. London, besides the particulars in the oath last mentioned, fol. 58. swears not to renew any leases, or grant a longer term in any manors, tenements, &c. belonging to the house, without a license from the bishop.

23.

XXXIV.

A Form for installing or consecrating an Abbess; composed by
Theodorus, Archbishop of Canterbury.

nus. Hittor

In ordinatione abbatissæ, episcopus debet missam cantare, Ordo Romaet eam benedicere hoc modo: post antiphonam ad introitum, pius, p. 163. et datam orationem, et reliquum officium missæ, usque ad Evangelium, prosternat se electa ante altare retro episcopum, cum duabus vel tribus de sororibus suis, fiantque ibi Litaniæ.

Deinde, Pater noster, cum precibus istis, Salvam fac ancillam tuam Domine Deus meus sperantem in te. Dominus conservet eam, et vivificet eam. Et beatam faciat eam in terra. Dominus custodiat introitum tuum et exitum tuum ex hoc nunc et usque in sæculum. Dominus custodiat te ab omni malo. Custodiat animam tuam Dominus. Mittat tibi Dominus auxilium de sancto. Et de Sion tueatur te. Nihil proficiet inimicus in eam. Et filius iniquitatis non nocebit ei. Esto illi Domine turris fortitudinis, a facie inimici. Exurge, Domine, adjuva eam. Et libera eam propter nomen tuum. Domine, exaudi orationem meam, et clamor meus ad te veniat. Precibus finitis, benedicat eam episcopus, inclinato capite dicens: Dominus vobiscum: Et cum spiritu tuo. Sequitur

oratio.

Oremus.

Concede, quæsumus omnipotens Deus, affectui nostro tuæ miserationis effectum, et famulam tuam quam ad regimen animarum elegimus, gratiæ tuæ dono prosequere, ut te largiente, cum ipsa tibi nostra electione placeamus. Per Dominum nostrum.

Tunc imponat ei manum super caput, dicens hanc præfationem.

Vere dignum et justum est, æquum et salutare: nos tibi semper et ubique gratias agere Domine Sancte, Pater Omnipotens, Eterne Deus.

Respice, quæsumus, super hanc famulam tuam, quam in tui nominis vice custodem monacharum ordinamus. Immitte ei Domine spiritum sapientiæ et intellectus, spiritum consilii et fortitudinis, spiritum scientiæ et pietatis, et reple eam spiritu timoris tui quatenus tua gratia præventa, nihil contra tuum præceptum faciat, doceat, constituat, vel jubeat: sed magis mentes discipularum tam exemplis bonorum operum, quam verbis instruat; et quæ discipulabus docuerit esse contraria, in operibus suis judicet non agenda. Sit in omnibus operibus suis provida et considerata: sit sobria et casta, sit vita probabilis, sit sapiens et humilis, sit benigna et charitativa, sit in pauperum peregrinorum susceptione assidua, sit in hospitalitate hilaris, sit pia et misericors, et semper misericordiam superexaltet judicio, ut ipsa a te æquissimo judice veniam consequatur. Fac eam Domine te solum ex totius viribus

suis diligere, jejunium amare, corpus castigare, delicias non appetere, tribulatis subvenire, neminem odisse, zelum injustum et invidiam non habere, suspicionem omnino devitare, in tuo nomine pro inimicis exorare. Fac eam semper agnoscere, quia tibi redditura est rationem villicationis suæ, et quantas sub cura sua animas habuerit, ipsas sine dubio ante sedem majestatis suæ sit latura. Quapropter tibi piissimo pastori supplicamus, ut ad humilitatis nostræ orationes, cor ejus gratia tua illustres, quo possit quæque singula ita discernere atque temperare, ut fortes habeant quod cupiant, et infirmæ quod non refugiant. Da illi Domine spiritum compunctionis, ut cœlestia semper diligat, et inextinguibilem Gehennæ ignem ante mentis oculos sibi proponat, quatenus supernorum dulcedine gaudiorum, et infernalium amaritudine tormentorum, semetipsam irrepræhensibilem custodiat, ut cum creditis sibi ovibus in tremendo examine gaudeat, et cum omnibus sanctis tuis immarcescibilem cœlestis regni coronam accipiat. Per Dominum, &c. Tunc det ei regulam, dicens:

Accipe regulam a sanctis patribus nobis traditam, ad regendum nobis custodiendumque gregem tibi a Deo creditum, quantum Deus ipse te confortaverit, ac fragilitas humana permiserit.

Oratio.

Domine Deus omnipotens, qui sororem Moysis Mariam præeuntem cum ceteris mulieribus inter æquoreas undas cum tympanis et choris læta mente ad littus maris venire fecisti, te supplices deprecamur pro famula tua, quæ hodie materna in cathedra super universas subditas sibi abbatissa constituitur, ut ita monastica norma tueatur cunctas famulas tuas, quatenus ad æternam gloriam te auxiliante cum omnibus illis introeat læta, ibique exultans cum angelis canens cantica nova, sequatur Agnum quocumque ierit, Christum Dominum nostrum. Qui tecum vivit et regnat Deus.

The Form at the Veiling of a Nun: or, Consecratio Virginum quæ a sæculo conversa, in domibus suis susceptum castitatis habitum, privatim observare voluerint.

Benedictionem velaminum require retro in consecratione sanctarum virginum. Ancilla Dei virgo, cum ad consecra