ENNIUS. ANNALS. 1. Ilia's Dream. Excita cum tremulis anus attulit artubus lumen, talia tum memorat lacrumans, exterrita somno: "Eurydica prognata, pater quam noster amavit, vires vitaque corpus meum nunc deserit omne. 5 Nam me visus homo pulcher per amoena salicta et ripas raptare locosque novos. Ita sola postilla, germana soror, errare videbar tardaque vestigare et quaerere te neque posse corde capessere: semita nulla pedem stabilibat. 10 Exim compellare pater me voce videtur his verbis: 'o gnata, tibi sunt ante ferendae aerumnae, post ex fluvio fortuna resistet'. Haec ecfatus pater, germana, repente recessit nec sese dedit in conspectum corde cupitus, 15 quamquam multa manus ad caeli caerula templa tendebam lacrumans et blanda voce vocabam. Vix aegro cum corde meo me somnus reliquit". 2. Romulus and Remus taking the Auspices. Curantes magna cum cura tum cupientes regni dant operam simul auspicio augurioque. Hinc Remus auspicio se devovet atque secundam solus avem servat. At Romulus pulcher in alto 5 quaerit Aventino, spectat genus altivolantum. Certabant, urbem Romam Remoramne vocarent. Omnibus cura viris, uter esset induperator. Exspectant veluti, consul cum mittere signum volt, omnes avidi spectant ad carceris oras, 10 quam mox emittat pictis e faucibus currus: sic exspectabat populus atque ora tenebat rebus, utri magni victoria sit data regni. Interea sol albus recessit in infera noctis. Exin candida se radiis dedit icta foras lux; 15 et simul ex alto longe pulcherruma praepes laeva volavit avis, simul aureus exoritur sol. Cedunt de caelo ter quattuor corpora sancta avium, praepetibus sese pulchrisque locis dant. Conspicit inde sibi data Romulus esse propritim 20 auspicio regni stabilita scamna solumque. 3. An Ambiguous Oracle. Aio te, Aeacida, Romanos vincere posse. 4. Woodcutting, Incedunt arbusta per alta, securibus caedunt, percellunt magnas quercus, exciditur ilex, fraxinus frangitur atque abies consternitur alta, pinus proceras pervortunt: omne sonabat 5 arbustum fremitu silvai frondosai. 5. Pyrrhus to the Roman Envoys. Nec mi aurum posco nec mi pretium dederitis non cauponantes bellum, sed belligerantes ferro, non auro, vitam cernamus utrique! Vosne velit an me regnare era quidve ferat Fors 5 virtute experiamur. Et hoc simul accipe dictum : quorum virtuti belli fortuna pepercit, eorundem libertati me parcere certumst. Dono, ducite, doque volentibus cum magnis dis. 6. Janus Reopened. postquam Discordia taetra Belli ferratos postes portasque refregit. 7. Fabius Maximus. Unus homo nobis cunctando restituit rem. 8. Poor but Trusty. Ille vir haud magna cum re, sed plenus fidei. 9. The Strength of Rome. Moribus antiquis res stat Romana virisque. 10. The Tribune at Bay. Undique conveniunt velut imber tela tribuno: configunt parmam, tinnit hastilibus umbo, aerato sonitu galeae: sed nec pote quisquam undique nitendo corpus discerpere ferro. 5 Semper adundantes hastas frangitque quatitque. Totum sudor habet corpus multumque laborat, nec respirandi fit copia: praepete ferro Histri tela manu iacientes sollicitabant. 11. The Young Warrior. Et tum sicut equos, qui de praesaepibus fartus vincla suis magnis animis abrupit et inde fert sese campi per caerula laetaque prata celso pectore, saepe iubam quassat simul altam, 5 spiritus ex anima calida spumas agit albas. 12. The Veteran. Sicut fortis equos, spatio qui saepe supremo EPIGRAMS. 13. On a Likeness of Ennius. Aspicite, o cives, senis Enni imaginis formam: 14. The Poet's Wish. Nemo me dacrumis decoret nec funera fletu 15. Epitaph of Scipio Africanus. Hic est ille situs, cui nemo civis neque hostis SELECTIONS IN TROCHAIC VERSE. 16. Ne t'attends qu'à toi seul. Hóc erit tibi árgumentum sémper in promptú situm, néquid expectés amicos, quód tute agere póssies. 17. A Noble Father. Égo cum genui, túm morituros scívi et ei re sústuli. Praéterea ad Troiám cum misi ob défendendam Graéciam, scíbam me in mortíferum bellum, nón in epulas míttere. |