Flumina deberent juvenes in amore juvare?

Flumina senserunt ipsa, quid esset amor.— 25 Te quoque credibile est aliqua caluisse puella : Sed nemora et sylvæ crimina vestra tegunt. Dum loquor, increvit latis spatiosius undis,

30

Nec capit admissas alveus altus aquas.

Quid mecum, furiose, tibi? Quid mutua differs
Gaudia? Quid cœptum, rustice, rumpis iter?
Quid, si legitimum flueres, si nobile flumen?
Si tibi per terras maxima fama foret?
Nomen habes nullum, rivis collecte caducis;

Nec tibi sunt fontes, nec tibi certa domus.
35 Fontis habes instar pluviamque nivesque solutas,
Quas tibi divitias pigra ministrat hyems.
Aut lutulentus agis brumali tempore cursus ;
Aut premis arentem pulverulentus humum.
Quis te tum potuit sitiens haurire viator?

40

Quis grata dixit voce, Perennis eas?
Damnosus pecori curris, damnosior agris.

Forsitan hæc alios; me mea damna movent.
At tibi pro meritis opto, non candide torrens,
Sint rapidi soles, siccaque semper hyems.

5

10

LXXIV.

Men are fond of doing what is forbidden.

Amorum LIB. III. Eleg. iv. 9.

Cui peccare licet, peccat minus! ipsa potestas
Semina nequitiæ languidiora facit.
Desine (crede mihi) vitia irritare vetando;
Obsequio vincas aptius illa tuo.

Vidi ego nuper equum, contra sua vincla tenacem,

Ore reluctanti fulminis ire modo.

Constitit, ut primum concessas sensit habenas,
Frænaque in effusa laxa jacere juba.

Nitimur in vetitum semper, cupimusque negata;
Sic interdictis imminet æger aquis.

Centum fronte oculos, centum cervice gerebat
Argus; et hos unus sæpe fefellit Amor.
In thalamum Danae saxo ferroque perennem
Quæ fuerat virgo tradita, mater erat.

15 Penelope mansit, quamvis custode carebat,
Inter tot juvenes intemerata procos.

Quidquid servatur, cupimus magis: ipsaque furem
Cura vocat. Pauci, quod sinit alter, amant.

R

LXXV.

A Lady rebuked for wearing false hair.

Amorum LIB. I. Eleg. xiv.

DICEBAM, Medicare tuos desiste capillos;'

Tingere quam possis, jam tibi nulla coma est. At, si passa fores, quid erat spatiosius illis? Contigerant imum, qua patet usque, latus. 5 Quid? quod erant tenues, et quos ornare timeres; Vela colorati qualia Seres habent?

ΙΟ

Vel pede quod gracili deducit aranea filum,
Cum leve deserta sub trabe nectit opus?

Nec tamen ater erat, nec erat tamen aureus illis;

Sed, quamvis neuter, mistus uterque color:

Qualem clivosæ madidis in vallibus Idæ

Ardua derepto cortice cedrus habet.

Adde, quod et dociles, et centum flexibus apti,
Et tibi nullius causa doloris erant.

15 Non acus abrupit, non vallus pectinis, illos;
Ornatrix tuto corpore semper erat.

20

Ante meos sæpe est oculos ornata: nec unquam
Brachia derepta saucia fecit acu.

Sæpe etiam, nondum digestis mane capillis,

Purpureo jacuit semisupina toro.

Tum quoque erat neglecta decens; ut Threcia

Bacche,

Cum temere in viridi gramine lassa jacet.

Cum graciles essent tamen, et lanuginis instar,

Heu mala vexatæ quanta tulere comæ !

25 Quam se præbuerant ferro patienter et igni! Ut fieret torto flexilis orbe sinus!

30

Clamabam, Scelus est, istos scelus urere crines.

Sponte decent capiti, ferrea, parce tuo.

Vim procul hinc remove; non est qui debeat uri:
Erudit admotas ipse capillus acus.'

Formosa periere coma; quas vellet Apollo,

Quas vellet capiti Bacchus inesse suo.
Illis contulerim, quas quondam nuda Dione
Pingitur humenti sustinuisse manu.

35 Quid male dispositos quereris periisse capillos?
Quid speculum mosta ponis, inepta, manu?
Non bene consuetis a te spectaris ocellis.
Ut placeas, debes immemor esse tui.
Non te cantatæ læserunt pellicis herbæ;
Non anus Hæmonia perfida lavit aqua.
Nec tibi vis morbi nocuit; (procul omen abesto!)
Nec minuit densas invida lingua comas.
Facta manu culpaque tua dispendia sentis:
Ipsa dabas capiti mista venena tuo.

40

45 Nunc tibi captivos mittet Germania crines: Culta triumphatæ munere gentis eris.

50

O quam sæpe, comas aliquo mirante, rubebis ;

Et dices, Empta nunc ego merce probor!

Nescio quam pro me laudat nunc iste Sygambram ;
Fama tamen, memini, cum fuit ista mei.'

Me miserum lacrymas male continet; oraque
dextra

Protegit, ingenuas picta rubore genas.
Sustinet antiquos gremio spectare capillos,

(Hei mihi!) non illo munera digna loco. 55 Collige cum vultu mentem: reparabile damnum est. Postmodo nativa conspiciere coma.

LXXVI.

The excellency of civilization and refinement.
De Arte Amat. LIB. III. 109.

Si fuit Andromache tunicas induta valentes,
Quid mirum? duri militis uxor erat.
Scilicet Ajaci conjux ornata venires,

Cui tegumen septem terga fuere boum?
5 Simplicitas rudis ante fuit: nunc aurea Roma
Edomiti magnas possidet orbis opes.

10

Aspice, quæ nunc sunt Capitolia, quæque fuerunt;
Alterius dicas illa fuisse Jovis.

Curia, concilio quæ nunc dignissima tanto est,

De stipula, Tatio regna tenente, fuit.

Quæ nunc sub Phœbo ducibusque Palatia fulgent,
Quid, nisi araturis pascua bubus, erant?

Prisca juvent alios; ego me nunc denique natum
Gratulor: Hæc ætas moribus apta meis:

15 Non quia nunc terræ lentum subducitur aurum : Lectaque diverso littore concha venit: