Si qua fides dubiis, volucrum locus ille piarum
Dicitur, obscœnæ quo prohibentur aves.
Illis innocui late pascuntur olores :
Et vivax Phoenix, unica semper avis. 55 Explicat ipsa suas ales Junonia pennas ;
Oscula dat cupido blanda columba mari.
Psittacus has inter, nemorali sede receptus,
Convertit volucres in sua verba pias.
Ossa tegit tumulus; tumulus pro corpore parvus:
Quo lapis exiguus par sibi carmen habet.
[Colligor ex ipso dominæ placuisse sepulcro.
Ora fuere mihi plus ave docta loqui.]
Ovid praises his own character and genius.
Amor. LIB. I. Eleg. iii. 5.
ACCIPE, per longos tibi qui deserviat annos;
Accipe, qui pura norit amare fide.
Si me non veterum commendant magna parentum
Nomina; nec nostri sanguinis auctor eques;
Nec meus innumeris renovatur campus aratris ;
Temperat et sumptus parcus uterque parens;
At Phœbus, comitesque novem, vitisque repertor,
Hoc faciant; et, me qui tibi donat, Amor.
Et nulli cessura fides; sine crimine mores;
Nudaque simplicitas, purpureusque pudor.
Non mihi mille placent: non sum desultor Amoris :
Tu mihi (si qua fides) cura perennis eris.
Tecum, quos dederint annos mihi fila Sororum,
Vivere contingat; teque dolente mori.
15 Te mihi materiem felicem in carmina præbe ;
Provenient causa carmina digna sua.
Carmine nomen habent exterrita cornibus Io,
Et quam fluminea lusit adulter ave:
Quæque, super pontum simulato vecta juvenco,
Virginea tenuit cornua vara manu.
Nos quoque per totum pariter cantabimur orbem;
Junctaque semper erunt nomina nostra tuis.
The poet vents curses upon a wooden tablet, which had brought him an unwelcome message.
Amorum LIB. I. Eleg. xii. 7.
ITE hinc, difficiles, funebria ligna, tabellæ :
Tuque negaturis cera referta notis :
Quam, puto, de longe collectam flore cicuta
Melle sub infami Corsica misit apis.
5 At, tanquam minio, penitus medicata rubebas.
Ille color vere sanguinolentus erat.
Projectæ triviis jaceatis, inutile lignum ;
Vosque rotæ frangat prætereuntis onus.
Illum etiam, qui vos ex arbore vertit in usum,
Convincam puras non habuisse manus.
Præbuit illa arbor misero suspendia collo ;
Carnifici duras præbuit illa cruces.
Illa dedit turpes raucis bubonibus umbras;
Vulturis in ramis et strigis ova tulit.
ego commisi nostros insanus amores,
Molliaque ad dominam verba ferenda dedi?
Aptius hæ capiant vadimonia garrula ceræ,
Quas aliquis duro cognitor ore legat.
Inter ephemeridas melius tabulasque jacerent,
In quibus absumptas fleret avarus opes.
Quid precer iratus? nisi vos cariosa senectus
Rodat, et immundo cera sit alba situ.
The universal power of money.
Amorum LIB. III. Eleg. viii.
Er quisquam ingenuas etiamnum suspicit artes,
Aut tenerum dotes carmen habere putat?
Ingenium quondam fuerat pretiosius auro;
At nunc barbaries grandis, habere nihil.
5 Ecce recens dives, parto per vulnera censu,
Præfertur nobis, sanguine pastus eques.
Ille ego Musarum purus Phœbique sacerdos
Ad rigidas canto carmen inane fores.
Discite, qui sapitis, non que nos scimus inertes, ΤΟ Sed trepidas acies et fera castra sequi. Jupiter, admonitus nihil esse potentius auro; Corruptæ pretium virginis ipse fuit.
Dum merces aberat; durus pater, ipsa severa,
Ærati postes, ferrea turris erat:
15 Sed postquam sapiens in munera venit adulter,
Præbuit ipsa sinus; et, dare jussa, dedit.
At cum regna senex cœli Saturnus haberet,
Omne lucrum tenebris alta premebat humus.
Eraque et argentum, cumque auro pondera ferri
Manibus admorat; nullaque massa fuit.
At meliora dabat; curvo sine vomere fruges,
Pomaque, et in quercu mella reperta cava.
Nec valido quisquam terras findebat aratro ;
Signabat nullo limite mensor humum.
25 Non freta demissi verrebant eruta remi;
Ultima mortali tum via littus erat.
Contra te solers, hominum Natura, fuisti ;
Et nimium damnis ingeniosa tuis.
Quo tibi, turritis incingere moenibus urbes?
Quo tibi, discordes addere in arma manus ?
Quid tibi cum pelago? terra contenta fuisses.
Cur non et cœlum, tertia regna, petis?
Qua licet, affectas cœlum quoque: templa Quirinus,
Liber, et Alcides, et modo Cæsar, habent.
35 Eruimus terra solidum pro frugibus aurum. Possidet inventas sanguine miles opes.
Curia pauperibus clausa est: dat census honores:
Inde gravis judex; inde severus eques.
Omnia possideant: illis Campusque Forumque
Serviat: hi pacem crudaque bella gerant.
Tantum ne nostros avidi liceantur amores;
Et satis est, aliquid pauperis esse sinant.
The eternal glory of Poets.
Amorum LIB. I. Eleg. xv.
QUID mihi, Livor edax, ignavos objicis annos;
Ingeniique vocas carmen inertis opus?
Non me more patrum, dum strenua sustinet ætas,
Præmia militiæ pulverulenta sequi:
5 Nec me verbosas leges ediscere: nec me
Ingrato vocem prostituisse foro.
Mortale est, quod quæris, opus: mihi fama perennis
Quæritur; in toto semper ut orbe canar.
Vivet Mæonides, Tenedos dum stabit, et Ide;
Dum rapidas Simois in mare volvet aquas.
Vivet et Ascræus, dum mustis uva tumebit;
Dum cadet incurva falce resecta Ceres.
Battiades semper toto cantabitur orbe ;
Quamvis ingenio non valet, arte valet.
|