PRAEFATIO I Nouam Anthologiae quae dicitur Latinae editionem qui parare instituit, eum hoc primum docere oportet, quas in eo opere firmas certasque rationes sequi sibi proposuerit. Quas rationes ita demonstrabo, ut primum quae carmina quoque ea ordine in anthologiam recipienda sint indicem. Notum enim est omnibus, eam, si totam rem spectes, nulla antiqua auctoritate niti Anthologiae Graecae instar in codice Palatino nobis traditae, sed nostris demum saeculis e diuersis fontibus nullo certo ordine hinc illinc conglutinatam esse. Primus etenim, ut exiguas G. Fabricii et Cl. Bineti collectiones taceam, Iosephus Scaliger in appendice Vergiliana ueterum poetarum catalecta poematia' Lugduni 1573 (repetita Lugd. Bat. 1595. 1617) edidit; quem maioribus etiam copiis usus secutus est Petrus Pithoeus cum Epigrammata et poematia uetera, quorum pleraque nunc primum ex antiquis codicibus et lapidibus, alia sparsim antehac errantia, iam undecunque collecta emendatiora eduntur' Parisiis a. 1590 publici iuris faceret, repetita Lugd. 1596. Geneu. 1619. Sed uterque opera satis tumultuaria, id quod et ipsi cum temporis angustiarum excusatione confitentur, cum egregie multa agerent, alia quoque licentius instituerunt, cum et fontes suos fere nusquam indicarent et poetarum nomina audacter carminibus άdecπóTOIC adponerent et multa ab antiquitate aliena perperam a* |