Tertia tu quærens ordire volumina, Cadme,
Europen raptam, conditor anguineæ
Gentis, et Acteon, Semeleque miserrima pellex,
Tiresiæque senis nobile judicium.
Tum male desipiens canitur Narcissus et Echo,
Quique negat verum te, Melanægi, Deum,
Pentheus infelix: nautæ, mirabile! pisces
Facti; Baccharum victima rex cecidit.
Quarto est Alcithoes et tradita pœna sororum
Codice, pro festo quis mala cura labor.
Hunc solaturæ, antiqui sibi temporis acta
Narrant; ut Thisben, Pyrame, perdideris;
Leucotheam Clitienque; et te, tener Hermaphrodite ;
Et, quæ
quæ concrevit corpore, Salmacida.
Post Furia est; Athamas; Cadmi fuga; victor Atlantis
Perseus; Andromede; morsque, Medusa, tua.
Reddit Abantiades cum Pallade Phinea cautem
Quinto, nec sociis parcitur indomitis.
Jamque ad Musarum sedes Tritonia tendit,
Miratura novas, quas pede fudit, aquas
Pegasus huic studiumque probant Aganippides almæ ;
Moxque Pyreneum Pieridumque nefas,
Et Cererem cantant, Arethusaque fons ut ametur,
Persephoneque modis quîs Acheronta regat.
Sextum exorditur speciem mutata Minerva,
Os ut Arachneum plecteret immodicum.
Fit Niobe saxum, fiunt agrestia ranæ
Agmina; te Lycius, Marsya vane, ligat;
At Tereus volitat Pandioniæque sorores,
Quarum abit ad plures orbus ab his genitor.
Denique cum Minyis petit aurea fortis lason
Vellera, Phrixeæ dona beata manus.
Qui sequitur, libro Esonides per Colcha venena
Cum patre convivit, mors Peliæque datur.
Medeam ducit profugam male credulus Ægeus.
Contra Dictæos acus huic socius,
Dira lues cui comminuit pecudesque virosque;
Unaque est Cephalus, Procridis hostis amans,
Mutata uxorem qui turpiter ipse figura
Decipiens, vecors noluit esse probam.
Octavo Scylla in cirin mala vertit amore;
Dein Ariadneo stamine, non merito,
Theseus servatur; nympha at periisset, Iacchus
Ni foret. Icarium fit mare; turbat aper;
Enarratque Achelous Echinadas, alter at ipsi
Baucida: multa fames tunc Erisichthonia
Metraque, ceu Proteus, variabilis occupat ob rem;
Imminet extremo Deianira libro.
Amphitryoniades nono Deus evolat OEta,
Stasque, Licha, scopulus. Mox adit Eurytida Alcmene, motamque Galanthida dicit; et illa, Ut lotos Dryope floreat ipsa soror.
Jamque Iolaus adest, juvenis novus, atque superbus
Phobo Miletus, factaque Byblis aqua
Ob fratrem ; nec abest, quam, quo frueretur Ianthe,
Reddidit e tenera virgine Diva virum.
Intrat amans Orpheus decimo mala regna Silentum,
Nec tamen ad Superos permeat Eurydice.
Jam liquido vatis modulamine cuncta moventur:
Atti, adstas; adstas tu, Cyparisse puer,
Ambo mutati canitur Jovis inde minister;
Pygmalion; Myrrhæ non revocandus amor;
Tuque, placens ipsi Veneri, male pulcher Adoni;
Tuque, uni, virgo, mitior Hippomeni.
Undecima Orpheam lugere volumina mortem
Instituunt: asinum fingit Apollo Midam,
Ilion et condit. Telamoni traditur uxor
Hesiona, Æacidæ vix superata Thetis.
Tunc ad Ceycem convertitur Halcyonemque
Carmen, et ad Morphei somnia vera nimis.
Illi mox alis, velut Esacus, aera pulsant,
Priamides, verso corpore factus avis.
Troia, qui sequitur, bella exhibet, Iphianassam,
Et Centaurorum prælia sæva liber,
Cycnum, ac Nelei, mutantis in omnia mire,
Fata Periclymeni; mox tua, nate Dea,
Funera, nolentes quem Peleus almaque mater
Armarant, notum munere Lartiadæ :
Nam Paris ignavus fortem percussit Achillem,
Obvertente ipso spicula certa Deo.
Pelidæ ambierint ut Ulysses mitis et Ajax
Arma, liber pandit tertius a decimo.
Pergama conflagrant; Hecube canis induit ora,
Aurora volucris gnatus, ut interiit;
Ipse relicto Anio Scillan fugit atque Charybdin
Æneas; sequitur quos Polyphemus amans,
Acidis exstinctor teneri, dictusque per herbas
Piscator pelagi Glaucus adisse Deos.
Simia jam Cercops factus legiturque Sibylla,
Inque fera ripa solus Achæmenides,
Cyclopi elapsus. Læstrigona viderat alter,
Mox Circen. Pici tum subit historia,
Et Diomedei numeri. Cythereius heros
Cum ratibus vertit: calx habet Iphin, habet
Te, Vertumne; Deam junctam tibi; denique regem,
Cujus, avi, cepit Romulus imperium.
Extremo rex est sapiens Numa Pythagorasque
Codice, quique fuit Virbius Hippolytus,
Cum Cipoque Tages vates. Deus inde salutem
Sub serpente latens reddidit ut Latio,
Magno est in populis Epidaurius hospes honore.
Fit majus Deus est Julius urbe sua
Cæsar, at in cælo sidus micat; inque relicta
Augustus terra sceptra paterna tenet.
Tot res tam varias vinclo conjunxerit uno
Ut Pelignus olor, quæris, amice? legas.
Ista viri vis arsque : cadavera nolo poetas,
Grammaticus partes quæ secet in vapidas.
Tu, dedit ut sese, totum accipe; nec male rimans
In Nasone mihi quærito Virgilium.
Non una est facies Naturæ : mutat, et audet
Quidque, nec in solita vertitur usque via.
|