destinat hunc Minos thalamis removere pudorem,

multiplicique domo caecisque includere tectis.

Daedalus ingenio fabrae celeberrimus artis

ponit opus, turbatque notas, et lumina flexum
ducit in errorem variarum ambage viarum.
non secus ac liquidus Phrygiis Maendros in arvis
ludit, et ambiguo lapsu refluitque fluitque,

occurrensque sibi venturas aspicit undas,

160

et nunc ad fontes, nunc ad mare versus apertum 165 incertas exercet aquas: ita Daedalus implet

innumeras errore vias; vixque ipse reverti

ad limen potuit, tanta est fallacia tecti.

170

175

Quo postquam geminam tauri juvenisque figuram clausit, et Actaeo bis pastum sanguine monstrum tertia sors annis domuit repetita novenis: utque ope virginea nullis iterata priorum janua difficilis filo est inventa relecto, protinus Aegides rapta Minoïde Diam vela dedit, comitemque suam crudelis in illo litore destituit. Desertae et multa querenti amplexus et opem Liber tulit, utque perenni sidere clara foret, sumptam de fronte coronam immisit caelo. Tenues volat illa per auras; dumque volat, gemmae nitidos vertuntur in ignes, 180 consistuntque loco, specie remanente coronae, qui medius Nixique genu est, Anguemque tenentis. Daedalus interea Creten longumque perosus

exsilium, tactusque loci natalis amore,

clausus erat pelago. 'Terras licet' inquit 'et undas obstruat, at caelum certe patet: ibimus illac. omnia possideat, non possidet aëra Minos.' dixit; et ignotas animum dimittit in artes, naturamque novat: nam ponit in ordine pennas, a minima coeptas, longam breviore sequenti,

190

VIII. 224.] His Warning to Icarus.

ut clivo crevisse putes. Sic rustica quondam
fistula disparibus paulatim surgit avenis.
tum lino medias et ceris adligat imas,
atque ita compositas parvo curvamine flectit,
ut veras imitetur aves. Puer Icarus una
stabat, et, ignarus sua se tractare pericla,
ore renidenti modo quas vaga moverat aura,
captabat plumas, flavam modo pollice ceram
mollibat, lusuque suo mirabile patris

44

195

impediebat opus. Postquam manus ultima coeptis 200 imposita est, geminas opifex libravit in alas

ipse suum corpus, motaque pependit in aura.

Instruit et natum, 'Medio' que ut limite curras,

6

Icare,' ait moneo, ne, si demissior ibis,

unda gravet pennas, si celsior, ignis adurat:
inter utrumque vola. Nec te spectare Boöten
aut Helicen jubeo, strictumque Orionis ensem:
me duce carpe viam.' Pariter praecepta volandi
tradit, et ignotas humeris adcommodat alas :
inter opus monitusque genae maduere seniles,
et patriae tremuere manus. Dedit oscula nato
non iterum repetenda suo; pennisque levatus
ante volat, comitique timet, velut ales, ab alto
quae teneram prolem produxit in aëra nido;
hortaturque sequi, damnosasque erudit artes,
et movet ipse suas et nati respicit alas.

Hos aliquis tremula dum captat arundine pisces,

aut pastor baculo, stivave innixus arator,

vidit, et obstupuit, quique aethera carpere possent,
credidit esse deos. Et jam Junonia laeva
parte Samos fuerat, Delosque Parosque relictae,
dextra Lebinthos erat, fecundaque melle Calymne,
cum puer audaci coepit gaudere volatu,
deseruitque ducem, caelique cupidine tractus

205

210

215

220

altius egit iter. Rapidi vicinia solis

mollit odoratas, pennarum vincula, ceras.
tabuerant cerae: nudos quatit ille lacertos,
remigioque carens non ullas percipit auras.
oraque caerulea patrium clamantia nomen
excipiuntur aqua, quae nomen traxit ab illo.
at pater infelix, nec jam pater, Icare,' dixit,
'Icare,' dixit' ubi es? qua te regione requiram?'
'Icare' dicebat, pennas aspexit in undis:
devovitque suas artes, corpusque sepulchro
condidit, et tellus a nomine dicta sepulti.

Hunc miseri tumulo ponentem corpora nati
garrula limoso prospexit ab elice perdix,'
et plausit pennis, testataque gaudia cantu est:
unica tunc volucris, nec visa prioribus annis,

225

230

235

factaque nuper avis, longum tibi, Daedale, crimen. 240 namque huic tradiderat, fatorum ignara, docendam progeniem germana suam, natalibus actis

bis puerum senis, animi ad praecepta capacis.
ille etiam medio spinas in pisce notatas
traxit in exemplum, ferroque incidit acuto
perpetuos dentes, et serrae repperit usum ;
primus et ex uno duo ferrea bracchia nodo
vinxit, ut aequali spatio distantibus illis
altera pars staret, pars altera duceret orbem.
Daedalus invidit, sacraque ex arce Minervae
praecipitem misit, lapsum mentitus; at illum
quae favet ingeniis, excepit Pallas, avemque
reddidit, et medio velavit in aëre pennis.
sed vigor ingenii quondam velocis in alas
inque pedes abiit; nomen quod et ante, remansit.
non tamen haec alte volucris sua corpora tollit,
nec facit in ramis altoque cacumine nidos:
propter humum volitat, ponitque in sepibus ova,
antiquique memor metuit sublimia casus.

245

250

255

VIII. 278.]

The Calydonian Hunt.

79

XI. THE CALYDONIAN HUNT.

[Book VIII.-260-545.]

DIANA, angry with king Eneus, because her sacrifice had been neglected, sent a fierce boar to ravage the country of Calydon (260-298). Meleager, son of Eneus, summons the bravest youth of Greece to hunt the monster; and among them comes Atalanta of Arcadia, whom Meleager beholds with love (299-328). After a difficult chase, Atalanta is first to wound the boar, which is finally killed by Meleager (329-439). He bestows the boar's head, as the prize of victory, on Atalanta; which being resented by the brothers of his mother Althæa, they are slain by him in the quarrel, and Althæa, incensed at their death, after long debate with herself, plunges into the flames the fatal brand on which the life of her son depends, so that he perishes miserably (440-525).

JAMQUE fatigatum tellus Aetnaea tenebat

Daedalon, et sumptis pro supplice Cocalus armis mitis habebatur. Jam lamentabile Athenae pendere desierant Thesea laude tributum ; templa coronantur, bellatricemque Minervam cum Jove disque vocant aliis, quos sanguine voto muneribusque datis et acerris turis adorant; sparserat Argolicas nomen vaga fama per urbes Theseos, et populi, quos dives Achaïa cepit, hujus opem magnis imploravere periclis.

265

Hujus opem Calydon, quamvis Meleagron haberet, sollicita supplex petiit prece. Causa petendi sus erat, infestae famulus vindexque Dianae. Oenea namque ferunt pleni successibus anni primitias frugum Cereri, sua vina Lyaeo, Palladios flavae latices libasse Minervae ; coeptus ab agricolis superos pervenit ad omnes ambitiosus honor: solas sine ture relictas

praeteritae cessasse ferunt Latoïdos aras.

275

280

285

290

295

Tangit et ira deos: At non impune feremus, quaeque inhonoratae, non et dicemur inultae' inquit; et Oeneos ultorem spreta per agros misit aprum, quanto majores herbida tauros. non habet Epiros, sed habent Sicula arva minores. sanguine et igne micant oculi, riget ardua cervix, et setae similes rigidis hastilibus horrent; fervida cum rauco latos stridore per armos spuma fluit; dentes aequantur dentibus Indis; fulmen ab ore venit; frondes adflatibus ardent. Is modo crescentes segetes proculcat in herba, nunc matura metit fleturi vota coloni, et Cererem in spicis intercipit. Area frustra, et frustra expectant promissas horrea messes. sternuntur gravidi longo cum palmite fetus, bacaque cum ramis semper frondentis olivae. saevit et in pecudes: non has pastorve canesve, non armenta truces possunt defendere tauri. Diffugiunt populi, nec se nisi moenibus urbis esse putant tutos: donec Meleagros et una lecta manus juvenum coïere cupidine laudis : Tyndaridae gemini, spectatus caestibus alter, alter equo; primaeque ratis molitor Iäson; et cum Pirithoö, felix concordia, Theseus ; et duo Thestiadae; proles Aphareïa, Lynceus et velox Idas; et jam non femina Caeneus; Leucippusque ferox, jaculoque insignis Acastus; Hippothousque, Dryasque, et cretus Amyntore Phoenix ; Actoridaeque pares, et missus ab Elide Phyleus; nec Telamon aberat, magnique creator Achillis ; cumque Pheretiade et Hyanteo Iolao impiger Eurytion, et cursu invictus Echion; Naryciusque Lelex, Panopeusque, Hyleusque, feroxque Hippasus, et primis etiamnum Nestor in annis;

300

305

310