Abbildungen der Seite
PDF
EPUB

Collige cum vultu mentem. Reparabile damnum est. Postmodo nativâ conspiciere comâ.

ELEGIA XV.

QUID mihi, Livor edax, ignavos objicis annos;
Ingeniique vocas carmen inertis opus?
Non me more patrum, dum strenua sustinet ætas,
Præmia militiæ pulverulenta sequi :

Nec me verbosas leges ediscere: nec me
Ingrato vocem prostituisse foro.

Mortale est, quod quæris, opus. Mihi fama perennís
Quæritur: in toto semper ut orbe canar.

Vivet Mæonides, Tenedos dum stabit et Ide:
Dum rapidas Simoïs in mare volvet aquas.
Vivet et Ascræus, dum mustis uva tumebit:
Dum cadet incurvâ falce resecta Ceres.
Battiades semper toto cantabitur orbe :
Quamvis ingenio non valet, arte valet.
Nulla Sophocleo veniet jactura cothurno.
Cum Sole et Lunâ semper Aratus erit.
Dum fallax servus, durus pater, improba lena
Vivent, dum meretrix blanda, Menandros erit.
Ennius arte carens, animosique Accius oris,
Casurum nullo tempore nomen habent.
Varronem primamque ratem quæ nesciat ætas,
Aureaque Esonio terga petita duci?
Carmina sublimis tunc sunt peritura Lucretî,
Exitio terras cùm dabit una dies.

Tityrus, et fruges, Æneïaque arma legentur,
Roma, triumphati dum caput orbis eris.
Donec erunt ignes arcusque Cupidinis arma,
Discentur numeri, culte Tibulle, tui.
Gallus et Hesperiis, et Gallus notus Eoïs,
Et sua cum Gallo nota Lycoris erit.
Ergo, cùm silices, cùm dens patientis aratri,
Depereant ævo, carmina morte carent.

10

20

30

Cedant carminibus Reges, Regumque triumphi :
Cedat et auriferi ripa beata Tagi.

Vilia miretur vulgus. Mihi flavus Apollo
Pocula Castaliæ plena ministret aquæ.
Sustineamque comâ metuentem frigora myrtum:
Atque à sollicito multus amante legar.
Pascitur in vivis Livor: post fata quiescit,
Cùm suus ex meirto quemque tuetur honos.
Ergo etiam, cùm me supremus adederit ignis,
Vivam: parsque mei multa superstes erit.

40

[graphic]
[ocr errors]
[ocr errors]
[ocr errors]
[ocr errors]
[ocr errors]
[graphic]

Regumque triumphi :

eata Tagi.
Lihi flavus Apollo
ministret aquæ.

entem frigora myrtum :
us amante legar.
post fata quiescit,

quemque tuetur honos.

40

[ocr errors]
[ocr errors]
[ocr errors]
[ocr errors]

P. OVIDII NASONIS

A MORUM

LIBER SECUNDUS.

ELEGIA I.

Hoc quoque composui, Pelignis natus aquosis,
Ille ego nequitiæ Naso poëta meæ.

Hoc quoque jussit Amor. Procul hinc, procul este

severæ :

Non estis teneris apta theatra modis.
Me legat in sponsi facie non frigida virgo:
Et rudis ignoto tactus amore puer.

Atque aliquis juvenum, quo nunc ego, saucius arcu,
Agnoscat flammæ conscia signa suæ:
Miratusque diu, Quo, dicat, ab indice doctus
Composuit casus iste poëta meos?

Ausus eram (memini) cœlestia dicere bella,
Centimanumque Gygen; et satis oris erat :
Cùm malè se Tellus ulta est, ingestaque Olympo
Ardua devexum Pelion Ossa tulit.

In manibus nimbos, et cum Jove fulmen habenti,
Quod bene pro cœlo mitteret ille suo,

Clausit amica fores. Ego cum Jove fulmen omisi.
Excidit ingenio Jupiter ipse meo.

Jupiter, ignoscas: nil me tua tela juvabant.
Clausa tuo majus janua fulmen erat.
Blanditias elegosque leves, mea tela, resumsi.
Mollierunt duras lenia verba fores.
Carmina sanguineæ deducunt cornua Lunæ ;
Et revocant niveos Solis euntis equos.

10

20

« ZurückWeiter »