CATVLLI VERONENSIS CARMINA SELECTA.
Qvor dono lepidum nouum libellum Arido modo pumice expolitum ? Corneli, tibi: namque tu solebas Meas esse aliquid putare nugas;
Iam tum cum ausus es unus Italorum Omne aeuum tribus explicare cartis Doctis, Iuppiter, et laboriosis. Quare habe tibi quicquid hoc libelli Qualecunque; quod o patrona uirgo, Plus uno maneat perenne saeclo.
PASSER, deliciae meae puellae, Quicum ludere, quem in sinu tenere, Quoi primum digitum dare atpetenti Et acris solet incitare morsus,
Cum desiderio meo nitenti
Karum nescio quid libet iocari Et solaciolum sui doloris,
Credo, et cum grauis acquiescit ardor:
Tecum ludere sicut ipsa possem
Et tristis animi leuare curas!
Tam gratum est mihi quam ferunt puellae Pernici aureolum fuisse malum,
Quod zonam soluit diu ligatam.
LVGETE, O Veneres Cupidinesque, Et quantum est hominum uenustiorum. Passer mortuus est meae puellae, Passer, deliciae meae puellae, Quem plus illa oculis suis amabat: Nam mellitus erat suamque norat Ipsam tam bene quam puella matrem. Nec sese a gremio illius mouebat, Sed circumsiliens modo huc modo illuc Ad solam dominam usque pipilabat. Qui nunc it per iter tenebricosum Illuc, unde negant redire quenquam. At uobis male sit, malae tenebrae Orci, quae omnia bella deuoratis : Tam bellum mihi passerem abstulistis. Vae factum male! uae miselle passer, Tua nunc opera meae puellae
Flendo turgiduli rubent ocelli.
PHASELVS ille, quem uidetis, hospites, Ait fuisse nauium celerrimus,
Neque ullius natantis impetum trabis
Nequisse praeterire, siue palmulis
Opus foret uolare siue linteo.
Et hoc negat minacis Adriatici
Negare litus insulasue Cycladas
Rhodumque nobilem horridamque Thraciam, Propontida trucemue Ponticum sinum, Vbi iste post phaselus antea fuit
Comata silua: nam Cytorio in iugo Loquente saepe sibilum edidit coma. Amastri Pontica et Cytore buxifer, Tibi haec fuisse et esse cognitissima Ait phaselus: ultima ex origine Tuo stetisse dicit in cacumine, Tuo imbuisse palmulas in aequore, Et inde tot per impotentia freta Herum tulisse, laeua siue dextera Vocaret aura, siue utrunque Iuppiter Simul secundus incidisset in pedem; Neque ulla uota litoralibus deis
Sibi esse facta, cum ueniret a marei Nouissimo hunc ad usque limpidum lacum. Sed haec prius fuere: nunc recondita Senet quiete seque dedicat tibi, Gemelle Castor et gemelle Castoris.
VIVAMVS, mea Lesbia, atque amemus, Rumoresque senum seueriorum Omnes unius aestimemus assis. Soles occidere et redire possunt:
Nobis cum semel occidit breuis lux, Nox est perpetua una dormienda. Da mi basia mille, deinde centum,
Dein mille altera, dein secunda centum, Deinde usque altera mille, deinde centum, Dein, cum milia multa fecerimus, Conturbabimus illa, ne sciamus,
Aut ne quis malus inuidere possit, Cum tantum sciat esse basiorum.
QVAERIS, quot mihi basiationes
Tuae, Lesbia, sint satis superque.
Quam magnus numerus Libyssae harenae Lasarpiciferis iacet Cyrenis,
Oraclum Iouis inter aestuosi
Et Batti ueteris sacrum sepulcrum ;
Aut quam sidera multa, cum tacet nox, Furtiuos hominum uident amores;
Tam te basia multa basiare
Vesano satis et super Catullo est,
Quae nec pernumerare curiosi Possint nec mala fascinare lingua.
VERANI, omnibus e meis amicis
Antistans mihi milibus trecentis, Venistine domum ad tuos Penates
Fratresque unanimos anumque matrem? Venisti. O mihi nuntii beati!
Visam te incolumem audiamque Hiberum Narrantem loca, facta, nationes,
Vt mos est tuus, applicansque collum
Omnia haec, quaecunque feret uoluntas
Caelitum, tentare simul parati,
Pauca nuntiate meae puellae
Non bona dicta.
Cum suis uiuat ualeatque moechis,
Quos simul complexa tenet trecentos,
Nullum amans uere, sed identidem omnium
Nec meum respectet, ut ante, amorem, Qui illius culpa cecidit uelut prati
Vltimi flos, praetereunte posquam Tactus aratro est.
« ZurückWeiter » |