Rure senex; Battum vicinia tota vocabant. Divitis hic saltus herbosaque pascua Nelei, Nobiliumque greges custos servabat equarum. Hunc timuit, blandaque manu seduxit: et illi, Quisquis es, hospes, ait, si forte armenta requiret Haec aliquis, vidisse nega: neu gratia facto Nulla rependatur, nitidam cape praemia vaccam. Et dedit. Accepta voces has reddidit hospes: Tutus eas; lapis iste prius tua furta loquatur: Et lapidem ostendit. Simulat Iove natus abire. Mox redit: et, versa pariter cum voce figura, Rustice, vidisti si quas hoc limite, dixit, Ire boves; fer opem, furtoque silentia deme. Juncta suo pretium dabitur tibi femina tauro. At senior, postquam merces geminata, Sub illis Montibus, inquit, erunt: et erant sub montibus illis. Risit Atlantiades, et, Me mihi, perfide, prodis? Me mihi prodis? ait: periuraque pectora vertit In durum silicem; qui nunc quoque dicitur Index: Inque nihil merito vetus est infamia saxo. Hinc se sustulerat paribus Caducifer alis:
Munychiosque volans agros, gratamque Minervae Despectabat humum, cultique arbusta Lycei. Illa forte die castae de more puellae.
Vertice supposito festas in Palladis arces
Pura coronatis portabant sacra canistris.
Inde revertentes deus adspicit ales: iterque
Non agit in rectum, sed in orbem curvat eundem.
Ut volucris visis rapidissima miliius extis,
Dum timet, et densi circumstant sacra ministri, Flectitur in gyrum, nec longius audet abire, Spemque suam motis avidus circumvolat alis; Sic super Actaeas agilis Cyllenius arces Inclinat cursus, et easdem circinat auras. Quanto splendidior, quam caetera sidera, fulget Lucifer, et quanto te, Lucifer, aurea Phoebe; Tanto virginibus praestantior omnibus Herse Ihat: eratque decus pompae, comitumque suarum. Obstupuit forma love natus: et aethere pendens Non secus exarsit, quam cum Balearica plumbum Funda iacit; volat illud, et incandescit eundo: Et quos non habuit, sub nubibus invenit, ignes. Vertit iter, coeloque petit diversa relicto: Nec se dissimulat: tanta est fiducia formae. OVID. II.
Quae quamquam iusta est; cura tamen adiuvat illam: Permulcetque comas, chlamydemque, ut pendeat apte, Collocat: ut limbus, totumque appareat aurum: 735 Ut teres in dextra, qua somnos ducit, et arcet, Virga sit: ut tersis niteant talaria plantis.
Pars secreta domus ebore et testudine cultos Tres habuit thalamos: quorum tu, Pandrose, dextrum, Aglauros laevum, medium possederat Herse. 740 Quae tenuit laevum, venientem prima notavit Mercurium: nomenque dei scitarier ausa est, Et causam adventus. Cui sic respondit Atlantis Pleïonesque nepos: Ego sum, qui iussa per auras Verba patris porto: pater est mihi Iupiter ipse. 745 Nec fingam causas: tu tantum fida sorori Esse velis, prolisque meae matertera dici. Herse causa viae; faveas oramus amanti. Adspicit hunc oculis isdem, quibus abdita nuper Viderat Aglauros flavae secreta Minervae, 750 Proque ministerio magni sibi ponderis aurum Postulat. Interea tectis excedere cogit.
Vertit ad hanc torvi dea bellica luminis orbem, Et tanto penitus traxit suspiria motu,
Ut pariter pectus, positamque in pectore forti 755 Aegida concuteret. Subit, hanc arcana profana Detexisse manu tum, cum sine matre creatam Lemnicolae stirpem contra data foedera vidit: Et gratamque deo fore iam, gratamque sorori: Et ditem sumto, quod avara poposcerit, auro. 760 Protinus Invidiae, nigro squalentia tabo, Tecta petit. Domus est imis in vallibus antri Abdita, sole carens, non ulli pervia vento; Tristis, et ignavi plenissima frigoris, et quae Igne vacet semper, caligine semper abundet. 765 Huc ubi pervenit belli metuenda virago; Constitit ante domum, neque enim succedere tectis Fas habet, et postes extrema cuspide pulsat. Concussae patuere fores. Videt intus edentem Vipereas carnes, vitiorum alimenta suorum, 770 Invidiam: visaque oculos avertit. At illa Surgit humo pigre, semesarumque relinquit Corpora serpentum: passuque incedit inerti. Utque deam vidit, formaque armisque decoram; Ingemuit, vultumque ima ad suspiria duxit. 775 Pallor in ore sedet: macies in corpore toto:
Nusquam recta acies: livent rubigine dentes: Pectora felle virent: lingua est suffusa veneno. Risus abest; nisi quem visi movere dolores, Nec fruitur somno, vigilacibus excita curis; Sed videt ingratos, intabescitque videndo,
Successus hominum: carpitque et carpitur una;
Suppliciumque suum est. Quamvis tamen oderat illam, Talibus adfata est breviter Tritonia dictis: Infice tabe tua natarum Cecropis unam:
Sic opus est: Aglauros ea est. Haud plura locuta Fugit, et impressa tellurem repulit hasta. Illa, deam obliquo fugientem lumine cernens, Murmura parva dedit: successurumque Minervae Indoluit: baculumque capit, quod spinea totum Vincula cingebant: adopertaque nubibus atris, Quacunque ingreditur, florentia proterit arva, Exuritque herbas, et summa cacumina carpit: Afflatuque suo populos, urbesque, domosque Polluit et tandem Tritonida conspicit arcem, Ingeniis, opibusque, et festa pace virentem: Vixque tenet lacrimas, quia nil lacrimabile cernit. Sed postquam thalamos intravit Cecrope natae; Jussa facit, pectusque manu ferrugine tincta Tangit, et hamatis praecordia sentibus implet: Inspiratque nocens virus, piceumque per ossa Dissipat, et medio spargit pulmone venenum. Neve mali spatium causae per latius errent, Germanam ante oculos, fortunatumque sororis Coniugium, pulcraque deum sub imagine ponit: Cunctaque magna facit, quibus irritata, dolore Cecropis occulto mordetur; et anxia nocte, Anxia luce gemit; lentaque miserrima tabe Liquitur, ut glacies incerto saucia sole. Felicisque bonis non secius uritur Herses;
Quam cum spinosis ignis supponitur herbis,
Quae neque dant flammas, lenique vapore cremantur.
Saepe mori voluit, ne quidquam tale videret:
Saepe, velut crimen, rigido narrare parenti. Denique in adverso venientem limine sedit Exclusura déum. Cui blandimenta, precesque, Verbaque iactanti mitissima, Desine, dixit: Hinc ego me non sum nisi te motura repulso. Stemus, ait, pacto, velox Cyllenius, isto: Caelatasque fores virga patefecit. At illi
820 Surgere conanti partes, quascunque sedendo Flectimur, ignava nequeunt gravitate moveri. Illa quidem recto pugnat se attollere trunco : Sed genuum iunctura riget, frigusque per artus Labitur, et pallent amisso sanguine venae. 825 Utque malum late solet immedicabile cancer Serpere, et illaesas vitiatis addere partes; Sic letalis hiems paullatim in pectora venit, Vitalesque vias, et respiramina clausit.
Nec conata loqui est; nec, si conata fuisset, 830 Vocis haberet iter. Saxum iam colla tenebat, Oraque duruerant, signumque exsangue sedebat. Nec lapis albus erat: sua mens infecerat illam.
Has ubi verborum poenas mentisque profanae Cepit Atlantiades; dictas a Pallade terras 835 Linquit, et ingreditur iactatis aethera pennis. Sevocat hunc genitor; nec causam fassus amoris, Fide minister, ait, iussorum, nate, meorum, Pelle moram, solitoque celer delabere cursu: Quaeque tuam matrem tellus a parte sinistra 840 Suspicit, indigenae Sidonida nomine dicunt, Hanc pete: quodque procul montano gramine pasci Armentum regale vides, ad littora verte. Dixit: et expulsi iamdudum monte iuvenci Littora iussa petunt, ubi magni filia-regis 845 Ludere, virginibus Tyriis comitata, solebat. Non bene conveniunt, nec in una sede morantur Maiestas et amor. Sceptri gravitate relicta, Ille pater rectorque deum, cui dextra trisulcis Ignibus armata est, qui nutu concutit orbem, 850 Induitur tauri faciem: mistusque iuvencis Mugit, et in teneris formosus obambulat herbis. Quippe color nivis est, quam nec vestigia duri Calcavere pedis, nec solvit aquaticus Auster. Colla toris exstant: armis palearia pendent: 855 Cornua parva quidem, sed quae contendere possis Facta manu, puraque magis perlucida gemma. Nullae in fronte minae, nec formidabile lumen: Pacem vultus habet. Miratur Agenore nata, Quod tam formosus, quod praelia nulla minetur. 860 Sed, quamvis mitem, metuit contingere primo: Mox adit, et flores ad candida porrigit ora. Gaudet amans, et, dum veniat sperata voluptas, Oscula dat manibus: vix, ah! vix caetera differt.
Et nunc alludit, viridique exsultat in herba: Nunc latus in fulvis niveum deponit arenis. Paullatimque metu demto, modo pectora praebet Virginea plaudenda manu, modo cornua sertis Impedienda novis. Ausa est quoque regia virgo, Nescia quem premeret, tergo considere tauri. Cum deus a terra, siccoque a littore, sensim Falsa pedum primis vestigia ponit in andis. Inde abit ulterius, mediique per aequora ponti Fert praedam. Pavet haec, littusque ablata relictum Respicit, et dextra cornum tenet, altera dorso Imposita est: tremulae sinuantur flamine vestes.
« ZurückWeiter » |