et mens, et rediit verus in ora color. Jurgit; et oppositas agitato corpore frondes movit, in amplexus uxor itura viri.

lle, feram sonuisse ratus, iuveniliter arcum corripit: in dextra tela fuere manu.

730

740

Quid facis, infelix? Non est fera: supprime tela. 735
Me miserum! iaculo fixa puella tuo est.
Hei mihi! conclamat, fixisti pectus amicum.
Hic locus a Cephalo vulnera semper habet.
Ante diem morior, sed nulla pellice laesa:
hoc faciet positae te mihi, terra, levem.
Nomine suspectam iam spiritus exit in auram :
iam morior: cara lumina conde manu.
Ille sinu dominae morientia pectora moesto
sustinet; et lacrimis vulnera saeva lavat.
Exit, et, incauto paulatim pectore lapsus,
excipitur miseri spiritus ore viri.

Sed repetamus iter. Nudis mihi rebus agendum est,
ut tangat portus fessa carina suos.
Scilicet expectas, ut te in convivia ducam,

et quaeris monitus hac quoque parte meos? Sera veni; positaque decens incede lucerna.

Grata mora est Veneri: maxima lena mora est. Etsi turpis eris, formosa videbere potis:

et latebras vitiis nox dabit ipsa tuis. Carpe cibos digitis; est quidam gestus edendi : ora nec immunda tota perunge manu. Neve diu praesume dapes; sed desine, citra quam cupias paulo, quam potes, esse minus. Priamides Helenen avide si spectet edentem, oderit, et dicat, Stulta rapina mea est. Aptius est, deceatque magis potare puellas. Cum Veneris puero non male, Bacche, facis.

745

750

755

760

Hoc quoque, qua patiens caput est; animusque pedesque

constent: nec, quae sint singula, bina vide. 765 Turpe iacens mulier, multo madefacta Lyaeo: digna est concubitus quoslibet illa pati. Nec somno tutum est posita succumbere mensa: per somnos fieri multa pudenda solent. Ulteriora pudet docuisse: sed alma Dione,

770

Praecipue nostrum est, quod pudet, inquit, opus. Nota sibi sit quaeque: modos ad corpora certos sumite. Non omnes una figura decet. Quae facie praesignis eris, resupina iaceto: spectetur tergo, cui sua terga placent.

775 Milanion humeris Atalantes crura ferebat: si bona sunt, hoc sunt adspicienda modo. Parva vehatur equo: quod erat longissima, nunquam Thebais Hectoreo nupta resedit equo.

780

Strata premat genibus, paullum cervice reflexa, femina per longum conspicienda latus.

Cui femur est iuvenile, carent quoque cetera menda,
semper in obliquo fusa sit illa toro.

Nec tibi turpe puta crinem, ut Phylleïa mater,
solvere et effusis colla reflecte comis.

785 Tu quoque, cui rugis uterum Lucina notavit,
ut celer aversis utere Parthus equis.

790

Mille modi Veneris. Simplex minimique laboris,
quum iacet in dextrum semisupina latus.
Sed neque Phoebei tripodes nec corniger Ammon
vera magis vobis, quam mea Musa, canet.
Si qua fides arti, quam longo fecimus usu;

credite praestabunt carmina nostra fidem.
Sentiat ex imis Venerem resoluta medullis

femina; et ex aequo res iuvet ista duos :

nec blandae voces, iocundaque murmura cessent: 795 nec taceant mediis improba verba iocis.

Tu quoque, cui Veneris sensum natura negavit, dulcia mendaci gaudia finge sono,

800

Infelix, cui torpet hebes locus ille, puella;
quo pariter debent femina virque frui.
Tantum, quum finges, ne sis manifesta caveto:
effice per motum luminaque ipsa fidem.
Quod iuvet, et voces et anhelitus arguat oris.
Ah pudet! arcanas pars habet ista notas.
Gaudia post Veneris quae poscit munus amantem, 805
illa suas nolit pondus habere preces.

Nec lucem in thalamos totis admitte fenestris.
Aptius in vestro corpore multa latent.

Lusus habet finem: cycnis descendere tempus,
duxerunt collo qui iuga nostra suo.

Ut quondam iuvenes, ita nunc, mea turba, puellae inscribant spoliis, Naso magister erat.

810

P. OVIDII NASONIS

REMEDIORUM AMORIS

LIBER UNUS.

5

10

Legerat huius Amor titulum nomenque libelli :
Bella mihi, video, bella parantur, ait.
Parce tuum vatem sceleris damnare, Cupido:
tradita qui toties, te duce, signa tuli.
Non ego Tydides, a quo tua saucia mater

in liquidum rediit aethera Martis equis.
Saepe tepent alii iuvenes: ego semper amavi :

et si, quid faciam nunc quoque, quaeris, amo. Quin etiam docui, qua posses arte parari:

et quod nunc ratio est, impetus ante fuit.
Nec te, blande puer, nec nostras prodimus artes:
nec nova praeteritum Musa retexit opus.

Si quis amat, quod amare iuvat, feliciter ardet.
Gaudeat, et vento naviget ille suo.

15 At, si quis male fert indignae regna puellae,
ne pereat, nostrae sentiat artis opem.
Cur aliquis, laqueo collum nodatus, amator,
e trabe sublimi triste pependit onus?
Cur aliquis rigido fodit sua viscera ferro?
Invidiam caedis, pacis amator, habes.

20

Qui, nisi desierit, misero periturus amore est; desinat: et nulli funeris auctor eris.

Et puer es; nec te quicquam, nisi ludere, oportet.
Lude: decent annos mollia regna tuos.
Nam poteras uti nudis ad bella sagittis :
sed tua mortifero sanguine tela carent.
Vitricus et gladiis et acuta dimicet hasta :
et victor multa caede cruentus eat.

Tu cole maternas, tuto quibus utimur, artes:
et quarum vitio nulla fit orba parens.
Effice nocturna frangatur ianua rixa,

et tegat ornatas multa corona fores,

Fac coëant furtim iuvenes, timidaeque puellae ; verbaque dent cauto qualibet arte viro:

rogos.

et modo blanditias, rigido modo iurgia posti
dicat, et exclusus flebile cantet amans.
His lacrimis contentus eris sine crimine mortis:
nec tua fax avidos digna subire
Haec ego. Movit Amor gemmatas aureus alas;
et mihi, Propositum perfice, dixit, opus,
Ad mea, decepti iuvenes, praecepta venite,
quos suus ex omni parte fefellit amor.
Discite sanari, per quem didicistis amare:
una manus vobis vulnus opemque feret.
Terra salutiferas herbas, eademque nocentes
nutrit; et urticae proxima saepe rosa est.
Vulnus Achilleo quae quondam fecerat hosti,
vulneris auxilium Pelias hasta tulit.

Sed quaecunque viris, vobis quoque dicta, puellae,
credite. Diversis partibus arma damus.
De quibus ad vestros si quid non pertinet usus ;
attamen exemplo multa docere potest.

Utile propositum est, saevas extinguere flammas;

25

30

35

40

45

50