Non habet infelix quae matri brachia tendat: Trunca sed ostendens disjectis corpora membris, Adspice mater , ait. Visis ululavit Agave;

725 Collaque jactavit, movitque per aèra crinem, Avulsumque caput digitis complexa cruentis Clamat: Iö comites, opus haec victoria nostrum est. Non citius frondes autumno frigore tactas Jamque male haerentes alta rapit arbore ventus, 730 Quam sunt membra viri manibus direpta nefandis.