Nyctimenen ? avis illa quidem : sed conscia culpae
Conspectum lucemque fugit, tenebrisque pudorem
Celat; et a cunctis expellitur aethere toto. 595
Talia dicenti, Tibi, ait , revocamina, corvus ,
Sint precor ista malo : nos vanum spernimus omen.
Nec coeptum dimittit iter: dominoque jacentem
Cum juvene Haemonio vidisse Coronida narrat,
Laurea delapsa est audito crimine amantis: 600
Et pariter vultusque Deo, plectrumque, colorque
Excidit. Utque animus tumida fervebat ab ira,

Arma assueta capit; flexumque a cornibus arcum T'endit: et illa suo toties cum pectore juncta Indevitato trajecit pectora telo.

605 Icta dedit gemitum , tractoque a vulnere ferro, Candida puniceo perfudit membra cruore; Et dixit: Potui poenas tibi, Phoebe, dedisse; Sed peperisse prius : duo nunc moriemur in una. Hactenus; et pariter vitam cum sanguine fudit. 610 Corpus inane animae frigus letale secutum est. Paenitet heu serò poenae crudelis amantem: Seque, quod audierit, quod sic exarserit , odit : Odit avem , per quam crimen caussamque dolendi Scire coactus erat: nervumque, arcumque, manumque Odit, cumque manu temeraria tela, sagittas. 616 Collapsamque fovet : seraque ope vincere fata Nititur; et '

THE NEW YORK PUBLIC LITARY

ASTOR, LENOX AVD
TILDEN! VATIONS.