LONDINI:

SUMPTIBUS RODWELL ET MARTIN;

J. CUTHELL; LAW ET WHITTAKER; J. BOOKER; BALDWIN, CRADOCK, ET JOY; WALKER ET EDWARDS;

J. ROBINSON; ET B. REYNOLDS:

EXCUDIT S. HAMILTON.

KC 16901(2),

Harvard College Library
Norton Collection,

Feb. 8, 1909

BOUND OCT 25 1909

P. OVIDII NASONIS

METAMORPHOSEON

LIBRI QUINDECIM.

VOL. II.

B

NASONIS EPIGRAΜΜΑ.

ORBA parente suo quicumque volumina tangis,
His saltem vestrâ detur in urbe locus.
Quóque magis faveas, non sunt hæc edita ab illo,
Sed quasi de Domini funere rapta sui.
Quidquid in his igitur vitii rude carmen habebit,
Emendaturus, si licuisset, erat.

P. OVIDII NASONIS

METAMORPHOSEON

LIBER PRIMUS.

In nova fert animus mutatas dicere formas
Corpora. Dî cœptis (nam vos mutâstis et illas)
Adspirate meis; primâque ab origine mundi
Ad mea perpetuum deducite tempora carmen.

Antè, mare et tellus, et, quod tegit omnia, cœlum,

10

Unus erat toto Naturæ vultus in orbe, Quem dixere Chaos; rudis indigestaque moles; Nec quidquam, nisi pondus iners; congestaque eódem Non bene junctarum discordia semina rerum. Nullus adhuc mundo præbebat lumina Titan; Nec nova crescendo reparabat cornua Phœbe; Nec circumfuso pendebat in aëre tellus Ponderibus librata suis: nec brachia lengo Margine terrarum porrexerat Amphitrite. Quâque fuit tellus, illic et pontus et aër: Sic erat instabilis tellus, innabilis unda, Lucis egens aër: nulli sua forma manebat. Obstabatque aliis aliud: quia corpore in uno Frigida pugnabant calidis, humentia siccis, Mollia cum duris, sine pondere habentia pondus. 20 Hanc Deus et melior litem Natura diremit: Nam cælo terras, et terris abscidit undas, Et liquidum spisso secrevit ab aëre cælum. Quæ postquam evolvit, cæcoque exemit acervo, Dissociata locis concordi pace ligavit. Ignea convexi vis et sine pondere cœli