Cùm pigeat tentâsse, libet tentare: modumque 630 Exit; et infelix committit sæpe repelli.
Mox ubi finis abest; patriam fugit ille, nefasque: Inque peregrinâ ponit nova monia terrâ. Tum verò mostam totâ Miletida mente Defecisse ferunt: tum verò à pectore vestem Deripuit; planxitque suos furibunda lacertos. Jamque palàm est demens; inconcessamque fatetur Spem Veneris, sine quâ patriam, invisosque penates Deserit; et profugi sequitur vestigia fratris. Utque tuo motæ, proles Semeleïa thyrso Ismariæ celebrant repetita triennia Baccha; Byblida non aliter latos ululâsse per agros Bubasides vidêre nurus: quibus illa relictis Caras, et armiferos Lelegas, Lyciamque pererrat. Jam Cragon, et Lymiren, Xanthique reliquerat undas, Quoque Chimæra jugo mediis in partibus ignem, Pectus et ora leæ, caudam serpentis habebat. Deficiunt silvæ: cùm tu lassata sequendo Procidis; et, durâ positis tellure capillis,
Bybli taces; frondesque tuo premis ore caducas. 650 Sæpe etiam Nymphæ teneris Lelegeïdes ulnis Tollere conantur: sæpe, ut moderetur amori, Præcipiunt; surdæque adhibent solatia menti. Muta jacet viridesque suis terit unguibus herbas Byblis et humectat lacrimarum gramina rivo. Naïdas his venam, quæ numquam arescere posset, Supposuisse ferunt. Quid enim dare majus habebant? Protinus, ut secto picea de cortice guttæ, Utve tenax gravidâ manat tellure bitumen; Utve sub adventum spirantis lenè Favonî Sole remollescit, quæ frigore constitit unda: Sic lacrimis consumta suis Phoebeïa Byblis Vertitur in fontem, qui nunc quoque vallibus illis Nomen habet domina; nigrâque sub ilice manat. Fama novi centum Cretæas forsitan urbes Implêsset monstri; si non miracula nuper Iphide mutatâ Crete propiora tulisset.
Proxima Gnosiaco nam quondam Phæstia regno Progenuit tellus, ignoto nomine Ligdum; Ingenuâ de plebe virum. Nec census in illo Nobilitate suâ major: sed vita fidesque Inculpata fuit. Gravide qui conjugis aures Vocibus his movit, cùm jam propè partus adesset: Quæ voveam duo sunt: minimo ut relevere labore; Utque marem parias. Onerosior altera sors est: Et vires fortuna negat. Quod abominor, ergo Edita fortè tuo fuerit si femina partu; (Invitus mando: pietas, ignosce) necetur. Dixerat: et lacrimis vultum lavêre profusis, Tam qui mandabat, quàm cui mandata dabantur. 680 Sed tamen usque suum vanis Telethusa maritum Sollicitat precibus; ne spem sibi ponat in arto. Certa sua est Ligdo sententia. Jamque ferendo Vix erat illa gravem maturo pondere ventrem ; Cùm medio noctis spatio, sub imagine somni, Inachis ante torum, pompâ comitata suorum, Aut stetit, aut visa est. Inerant lunaria fronti Cornua, cum spicis nitido flaventibus auro, Et regale decus; cum quâ latrator Anubis, Sanctaque Bubastis, variusque coloribus Apis: 690 Quique premit vocem, digitoque silentia suadet; Sistraque erant, numquamque satis quæsitus Osiris, Plenaque somniferi serpens peregrina veneni. Cùm, velut excussam somno, et manifesta videntem Sic adfata Dea est: Pars, ô Telethusa, mearum, Pone graves curas; mandataque falle mariti. Nec dubita, cùm te partu Lucina levârit, Tollere quidquid erit. Dea sum auxiliaris, opemque Exorata fero. Nec te coluisse quereris
Ingratum numen. Monuit, thalamoque recessit. 700 Læta toro surgit, purasque ad sidera supplex Cressa manus tollens, rata sint sua visa precatur. Ut dolor increvit, seque ipsum pondus in auras Expulit, et nata est ignaro femina patri; Jussit ali mater, puerum mentita; fidemque
Res habuit: neque erat facti nisi conscia nutrix. Vota pater solvit, nomenque imponit avitum. *** Iphis avus fuerat. Gavisa est nomine mater, Quod commune foret, nec quemquam falleret illo. Impercepta piâ mendacia fraude latebant. Cultus erat pueri: facies, quam sive puellæ, Şive dares puero, fieret formosus uterque. Tertius interea decimo successerat annus; Cùm pater, Iphi, tibi flavam despondet Iänthen: Inter Phæstiadas quæ laudatissima formæ Dote fuit virgo, Dictao nata Teleste.
Par ætas, par forma fuit: primasque magistris, Accepere artes, elementa ætatis, ab isdem.
Hinc amor ambarum tetigit rude pectus, et æquum Vulnus utrique tulit. Sed erat fiducia dispar. Conjugii pactæque exspectat tempora tædæ, Quamque virum putat esse, suum fore credit Iänthe. Iphis amat, quâ posse frui desperat, et auget Hoc ipsum flammas: ardetque in virgine virgo. Vixque tenens lacrimas, Quis me manet exitus, inquit, Cognita quam nulli, quam prodigiosa, novæque Cura tenet Veneris? Si Dî mihi parcere vellent: [Perdere debuerant: si non et perdere vellent;} Naturale malum saltem et de more dedissent. Nec vaccam vaccæ, nec equas amor urit equarum. Urit oves aries: sequitur sua femina cervum. Sic et aves coëunt; interque animalia cuncta Femina femineo correpta cupidine nulla est. Vellem nulla forem. Ne non tamen omnia Crete Monstra ferat; taurum dilexit filia Solis, Femina nempe marem. Meus est furiosior illo, Si verum profitemur, amor. Tamen illa secuta est Spem Veneris: tamen illa dolis, et imagine vaccæ, Passa bovem est: et erat, qui deciperetur, adulter. Huc licèt è toto sollertia confluat orbe, Ipse licèt revolet ceratis Dædalus alis; Quid faciet? num me puerum de virgine doctis Artibus efficiet? num te mutabit Iänthe?
Quin animum firmas, teque ipsa recolligis, Iphi: Consiliique inopes et stultos excutis ignes? Quid sis nata vide: (nisi te quoque decipis ipsam) Et pete quod fas est: et ama, quod femina debes. [Spes est quæ capiat: spes est quæ pascat amorem.] Hanc tibi res adimit: non te custodia caro Arcet ab amplexu, nec cauti cura magistri. Non patris asperitas, non se negat ipsa roganti. Nec tamen est potiunda tibi: nec, ut omnia fiant, Esse potes felix; ut Dîque hominesque laborent. Nunc quoque votorum pars una est vana meorum; Dîque mihi faciles, quidquid valuere, dederunt. Quodque ego, vult genitor, vult ipsa, socerque futurus; At non vult Natura, potentior omnibus istis ; Quæ mihi sola nocet. Venit ecce optabile tempus: Luxque jugalis adest: ut jam mea fiat Iänthe; Nec mihi continget. Mediis sitiemus in undis. 760 Pronuba quid Juno, quid ad hæc, Hymenæe, venitis Sacra; quibus qui ducat abest, ubi nubimus ambæ ? Pressit ab his vocem. Nec leniùs altera virgo Estuat: utque celer venias, Hymenæe, precatur. Quod petit hæc, Telethusa timens, modò tempora differt:
Nunc ficto languore moram trahit. Omina sæpe, Visaque caussatur. Sed jam consumserat omnem Materiam ficti: dilataque tempora tædæ Institerant; unusque dies restabat. At illa Crinalem capiti vittam natæque sibique Detrahit; et passis aram complexa capillis, Isi, Parætonium, Mareoticaque arva, Pharonque Quæ colis, et septem digestum in cornua Nilum ; Fer, precor, inquit, opem: nostroque medere timori. Te Dea, te quondam, tuaque hæc insignia vidi : Cunctaque cognovi; comitesque, facesque, sonumque Sistrorum: memorique animo tua jussa notavi. Quòd videt hæc lucem, quòd non ego punior ipsa; Consilium, monitumque tuum est. Miserere duarum, Auxilioque juva. Lacrimæ sunt verba secutæ, 780
Visa Dea est movisse suas (et moverat) aras. Et templi tremuere fores, imitataque Lunam Cornua fulserunt; crepuitque sonabile sistrum. Non secura quidem, fausto tamen omine læta Mater abit templo. Sequitur comes Iphis euntern Quàm solita est, majore gradu: nec candor in ore Permanet; et vires augentur; et acrior ipse est Vultus: et incomtis brevior mensura capillis. Plusque vigoris adest, habuit quàm femina. Jam, quæ Femina nuper eras, puer es. Date munera templis : Nec timidâ gaudete fide. Dant munera templis. 791 Addunt et titulum: titulus breve carmen habebat : Dona puer solvit, quæ femina voverat, Iphis.th Postera lux radiis latum patefecerat orbem; ausak Cùm Venus, et Juno, sociosque Hymenæus ad ignes Conveniunt: potiturque suâ puer Iphis Länthe.
« ZurückWeiter » |