« ZurückWeiter »
A Coke they hadden with hem for the nones',
To boile the chikenes and the marie bones,
And poudre? marchant, tart and galingale'.
Wel coude he knowe a draught of London ale.
He coudè roste, and sethe, and broile, and frie,
Maken mortrewès ", and wel bake a pie.
But gret harm was it, as it thoughtè me,
That on his shinne a mormal" hadde he.
For blanc manger that made he with the best.
A Shipman was ther, woned fer6 by West:
For ought I wote, he was of Dertèmouth.
He rode upon a rouncie ?, as he couthe,
All in a goune of falding to the knee.
A dagger hanging by a las 8 hadde hee
About his nekke under his arm adoun.
The hote sommer hadde made his hewe al broun.
And certainly he was a good felaw.
Ful many a draught of win he hadde draw
From Burdeux ward, while that the chapman slepe.
Of nicè conscience toke he no kepe.
If that he faught, and hadde the higher hand,
By water he sent hem home to every land.
But of his craft to reken wel his tides,
His stremès and his strandès him besides,
For the purpose. The meaning not ascertained.
3 Sweet cyperus. * A dish of rich broth, in which the meat was stamped and the substance strained.
5 A gangrene. Lived. 7 Hack-horse. Lace.
His herberwe', his mone, and his lodemanage",
Ther was non swiche, from Hull unto Cartage.
Hardy he was, and wise, I undertake:
With many a tempest hadde his berd be shake.
He knew wel alle the havens, as they were,
Fro Gotland, to the Cape de finistere,
And every creke in Bretagne and in Spaine :
His barge ycleped was the Magdelaine.
With us ther was a Doctour of Phisike,
In all this world ne was ther non him like
To speke of phisike, and of surgerie:
For he was grounded in astronomie.
He kept his patient a ful gret del
In hourès by his magike naturel.
Wel coude he fortunen4 the ascendents
Of his images for his patient.
He knew the cause of every maladie,
Were it of cold, or hote, or moist, or drie,
And wher engendred, and of what humour,
He was a veray parfite practisour.
The cause yknowe, and of his harm the rote,
Anon he gave to the sikè man his bote?.
Ful redy hadde he his apothecaries
To send him draggès 8, and his lettuaries?,
For eche of hem made other for to winne;
Hir frendship n'as not newè to beginne.
1 Place of the Sun.
% Moon. fortunate. 5 The ascendant. Drugs. 9 Electuaries.
Wel knew he the old Esculapius,
And Dioscorides, and eke Rufds;
Old Hippocras, Hali, and Gallien,
Serapion, Rasis, and Avicen;
Averrois, Damascene, and Constantin;
Bernard, and Gatisden, and Gilbertin.
Of his diete mesurable was he,
For it was of no superfluitee,
But of gret nourishing, and digestible.
His studie was but litel on the Bible.
In sanguin and in perse ? he clad was alle
Lined with taffata, and with sendalle ".
And yet he was but esy of dispence:
He kepte that he wan in the pestilence.
For golde in phisike is a cordial ;
Therefore he loved gold in special.
A good Wif was ther of beside Bathe,
But she was som del defe, and that was scathe.
Of cloth making she haddè swiche an haunt,
She passed hem of lpres, and of Gaunt.
In all the parish wif ne was ther non,
That to the offring before hire shulde gon,
And if ther did, certain so wroth was she,
That she was out of allé charitee.
Hire coverchiefs weren ful fine of ground;
I dorstè swere, they weyeden? a pound;
* Blood-red colour. 3 Thin silk. 4 Expense. 7 Weighed.
• Sky-coloured, or blueish grey. Gained, got. Misfortune.
That on the Sonday were upon
Hire hosen weren of fine scarlet rede,
Ful streite yteyed', and shoon ful moist and newe.
Bold was hire face, and fayre and rede of hew.
She was a worthy woman all hire live,
Housbondes at the chirche dore had she had five,
Withouten other compagnie in youthe.
But therof nedeth not to speke as nouthe’.
And thries hadde she ben at Jerusaleme.
She haddè passed many a strangè streme.
At Rome she haddè ben, and at Boloine,
In Galice at Seint James, and at Coloine.
She coudes moche of wandring by the way.
Gat-tothed was she, sothly for to say.
Upon an ambler esily she sat,
Ywimpled wel, and on hire hede an hat,
As brode as is a bokeler, or a targe.
A fote-mantel* about hire hippès large,
And on hire fete a pair of sporres sharpe.
In felawship wel coude she laughe and carpes
Of remedies of love she knew parchance,
For of that arte she coude the oldè dance.
A good man ther was of religioun,
That was a pourè Persone of a toun :
But riche he was of holy thought and werk,
He was also a lerned man, a clerk,
That Cristès gospel trewely woldè preche.
His parishens devoutly wolde he teche.
Tied. 2 Now; adv. 3 Knew,
Benigne he was, and wonder diligent,
And in adversite ful patient :
And swiche he was ypreved often sithes ?.
Ful loth were him to cursen for his tithes,
But rather wolde he yeven 3 out of doute,
Unto his pourè parishens aboute,
Of his offring, and eke of his substance.
He coude in litel thing have suffisance.
Wide was his parish, and houses fer asоnder,
But he ne left nought for no rain ne thonder,
In sikenesse and in mischief to visite
The ferrest in his parish, moche and lite",
Upon his fete, and in his hand a staf.
This noble ensample to his shepe he yaf",
That first he wrought, and afterward he taught.
Out of the gospel he the wordès caught,
And this figure he added yet therto.
That if golde rustè, what shuld iren do?
For if a preest be foule, on whom we trust,
No wonder is a lewèd man to rust:
And shame it is, if that a preest take kepe,
To see a shitten shepherd, and clene shepe :
Wel ought a preest ensample for to yeve,
By his clenenessè, how his shepe shulde live.
He settè not his benefice to hire,
And lette his shepe accombred in the mire,
And ran unto London, unto Seint Poules,
To seken him a chanterie for soules,