currentem ilignis potare canalibus undam; aestibus at mediis umbrosam exquirere vallem, sicubi magna lovis antiquo robore quercus ingentis tendat ramos, aut sicubi nigrum ilicibus crebris sacra nemus accubet umbra; tum tenuis dare rursus aquas, et pascere rursus solis ad occasum, cum frigidus aěra vesper temperat, et saltus reficit iam roscida luna, litoraque alcyonem resonant, acalanthida dumi. Quid tibi pastores Libyae, quid pascua versu prosequar et raris habitata mapalia tectis?
saepe diem noctemque et totum ex ordine mensem pascitur itque pecus longa in deserta sine ullis
hospitiis: tantum campi iacet.
armentarius Afer agit, tectumque laremque
armaque Amyclaeumque canem Cressamque pharetram; 345 non secus ac patriis acer Romanus in armis iniusto sub fasce viam quom carpit, et hosti ante expectatum positis stat in agmina castris. At non qua Scythiae gentes Maeotiaque unda, curbidus et torquens flaventis Hister harenas, quaque redit medium Rhodope porrecta sub axem. illic clausa tenent stabulis armenta, neque ullae aut herbae campo apparent aut arbore frondes; sed iacet aggeribus niveis informis et alto terra gelu late, septemque adsurgit in ulnas. semper hiemps, semper spirantes frigora cauri. tum sol pallentis haut umquam discutit umbras,
nec cum invectus equis altum petit aethera, nec cum praecipitem Oceani rubro lavit aequore currum. concrescunt subitae currenti in flumine crustae,
undaque iam tergo ferratos sustinet orbis,
puppibus illa prius, patulis nunc hospita plaustris; aeraque dissiliunt volgo, vestesque rigescunt
indutae, caeduntque securibus umida vina, et totae solidam in glaciem vertere lucunae, stiriaque inpexis induruit horrida barbis.. interea toto non setius aëre ninguit:
intereunt pecudes, stant circumfusa pruinis corpora magnà boum, confertoque agmine cervi torpent mole nova et summis vix cornibus extant. hos non immissis canibus, non cassibus ullis puniceaeve agitant pavidos formidine pinnae, sed frustra oppositum trudentis pectore montem comminus obtruncant ferro, graviterque rudentis caedunt, et magno laeti clamore reportant. ipsi in defossis specubus secura sub alta otia agunt terra, congestaque robora totasque advolvere focis ulmos ignique dedere. hic noctem ludo ducunt, et pocula laeti fermento atque acidis imitantur vitea sorbis. talis hyperboreo septem subiecta trioni gens effrena virum Riphaeo tunditur euro, et pecudum fulvis velatur corpora saetis.
Si tibi lanitium curae, primum aspera silva lappaeque tribolique absint; fuge pabula laeta. continuoque greges villis lege mollibus albos. illum autem, quamvis aries sit candidus ipse, nigra subest udo tantum cui lingua palat, reice, ne maculis infuscet vellera pullis nascentum, plenoque alium circumspice campo. munere sic niveo lanae, si credere dignum est, Pan deus Arcadiae captam te, Luna, fefellit in nemora alta vocans; nec tu aspernata vecantem. At cui lactis amor, cytisum lotosque frequentis
ipse manu salsasque ferat praesepibus herbas.
hinc et amant fluvios magis, et magis ubera tendunt, et salis occultum referunt in lacte saporem. multi etiam excretos prohibent a matribus haedos, primaque ferratis praefigunt ora capistris. quod surgente die mulsere horisque diurnis, nocte premunt; quod iam tenebris et sole cadente, sub lucem exportans calathis adit oppida pastor; aut parco sale contingunt hiemique reponunt.
Nec tibi cura canum fuerit postrema, sed una velocis Spartae catulos acremque Molossum
pasce sero pingui. numquam custodibus illis nocturnum stabulis furem incursusque luporum aut inpacatos a tergo horrebis Hiberos. saepe etiam cursu timidos agitabis onagros, et canibus leporem, canibus venabere dammas; saepe volutabris pulsos silvestribus apros latratu turbabis agens, montisque per altos ingentem clamore premes ad retia cervom.
Disce et odoratam stabulis accendere cedrum, galbaneoque agitare gravis nidore chelydros. saepe sub immotis praesepibus aut mala tactu vipera delituit caelumque exterrita fugit,
aut tecto adsuetus coluber succedere et umbrae, (pestis acerba boum) pecorique aspergere virus,
fovit humum. cape saxa manu, cape robora, pastor, 420 tollentemque minas et sibila colla tumentem deice. iamque fuga timidum caput abdidit alte, cum medii nexus extremaeque agmina caudae solvontur, tardosque trahit sinus ultimus orbis. est etiam ille malus Calabris in saltibus anguis, squamea convolvens sublato pectore terga atque notis longam maculosus grandibus alvom, qui, dum amnes ulli rumpuntur fontibus et dum vere madent udo terrae ac pluvialibus austris, stagna colit, ripisque habitans sibi piscibus atram improbus ingluviem ranisque loquacibus explet; postquam exusta palus, terraeque ardore dehiscunt, exsulit in siccum, et flammantia lumina torquens saevit agris asperque siti atque exterritus aestu. ne mihi tum mollis sub divo carpere somnos neu dorso nemoris libeat iacuisse per herbas, cum positis novos exuviis nitidusque iuventa volvitur aut catulos tectis aut ova relinquens arduus ad solem, et linguis micat ore trisulcis.
Morborum quoque te causas et signa docebo. turpis ovis temptat scabies, ubi frigidus imber altius ad vivom persedit et horrida cano bruma gelu, vel cum tonsis inlautus adhaesit
sudor, et hirsuti secuerunt corpora vepres. dulcibus idcirco fluviis pecus omne magistri perfundunt, udisque aries in gurgite villis mersatur, missusque secundo defluit amni; aut tonsum tristi contingunt corpus amurca, et spumas miscent argenti et sulpura viva Idaeasque pices et pinguis unguine ceras scillamque elleborosque gravis nigrumque bitumen. non tamen ulla magis praesens fortuna laborumst, quam siquis ferro potuit rescindere summum ulceris os alitur vitium vivitque tegendo, dum medicas adhibere manus ad volnera pastor abnegat, et meliora deos sedet omnia poscens. quin etiam, ima dolor balantum lapsus ad ossa cum furit atque artus depascitur árida febris, profuit incensos aestus avertere et inter ima ferire pedis salientem sanguine venam, Bisaltae quo more solent acerque Gelonus, cum fugit in Rhodopen atque in deserta Getarum, et lac concretum cum sanguine potat equino. quam procul aut molli succedere saepius umbrae videris aut summas carpentem ignavius herbas, extremamque sequi aut medio procumbere campo pascentem et serae solam decedere nocti, continuo culpam ferro compesce prius quam dira per incautum serpant contagia volgus.
non tam creber agens hiemem ruit aequore turbo,
quam multae pecudum pestes. nec singula morbi corpora corripiunt, sed tota aestiva repente,
spemque gregemque simul cunctamque ab origine gentem. tum sciat, aërias Alpis et Norica siquis castella in tumulis et Iapydis arva Timavi
nunc quoque post tanto videat desertaque régna
pastorum et longe saltus lateque vacantis.
Hic quondam morbo caeli miseranda coortast
tempestas totoque autumni incanduit aestu,
et genus omne neci pecudum dedit, omne ferarum, corrupitque lacus, infecit pabula tabe.
nec via mortis erat simplex, sed ubi ignea venis omnibus acta sitis miseros adduxerat artus, rursus abundabat fluvidus liquor omniaque in se ossa minutatim morbo conlapsa trahebat.
saepe in honore deum medio stans hostia ad aram, lanea dum nivea circumdatur infula vitta, inter cunctantis cecidit moribunda ministros. aut siquam ferro mactaverat ante sacerdos, inde neque impositis ardent altaria fibris, nec responsa potest consultus reddere vates, ac vix suppositi tinguntur sanguine cultri summaque ieiuna sanie infuscatur harena. hinc laetis vituli volgo moriuntur in herbis, et dulcis animas plena ad praesepia reddunt; hinc canibus blandis rabies venit, et quatit aegros tussis anhela sues ac faucibus angit obesis.
labitur infelix studiorum atque immemor herbae victor equos fontisque avertitur et pede terram crebra ferit; demissae aures, incertus ibidem sudor et ille quidem morituris frigidus, aret pellis et ad tactum tractanti dura resistit. haec ante exitium primis dant signa diebus; sin in processu coepit crudescere morbus,
tum vero ardentes oculi atque attractus ab alto spiritus, interdum gemitu gravis, imaque longo ilia singultu tendunt, it naribus ater
sanguis, et obsessas fauces premit aspera lingua. profuit inserto latices infundere cornu Lenaeos; ea visa salus morientibus una; mox erat hoc ipsum exitio, furiisque refecti ardebant, ipsique suos iam morte sub aegra (di meliora piis erroremque hostibus illum!) discissos nudis laniabant dentibus artus. ecce autem duro fumans sub vomere taurus concidit et mixtum spumis vomit ore cruorem extremosque ciet gemitus. it tristis arator maerentem abiungens fraterna morte iuvencum, atque opere in medio defixa relinquit aratra.
« ZurückWeiter » |