Egen hinnanthin vsrichten vnd geben das er von reht ge-. ben sol, vnd sol das vns die vorgenante frovw Claren nüt an gan, vnd föllent des nüze gebunden sin ze gebende, ane alle geuerde. Dis vorgenante herschaft mit aller irre zugehörde als da vor geschriben stat, haben wir frovm. Clare von Tüwingen, Grafen Egen von Friburg, dem vorgenanten, gegeben vmb drű tusent mark, vnd aht hundert mark, vnd zwengig mark filbers löttiges vnd gebes Friburger brandes vnd geweges. Vnd ist ze wiffende, das desselben silbers, der vorgenant Graf Egen gegeben het drittehalb tusent mark silbers, so hant die wisen vnd bescheiden, der burgermeister vnd der rat der stat ze Friburg im Brisgöwe, die vorgenanten, durch gemeinen nuge, der herschaft vnd der stat ze Friburg vnd ovch des landes, ze versehende vnd ze wendende künftigen schaden, vnd ze volLebringende künftigen nuge, des vorgeschriben silbers, an dem vorgenanten kovffe gegeben, drügehen hundert mark vnd zwengig mark filbers, vnd sint ovch wir frovw Clare von Tüwingen, des vorgenanten filbers gar vnd ganglich gewert, von dem vorgenanten Graf Egen, vnd ovch von dem rate vnd der stat ze Friburg, damit vns wol benüget, ane alle geuerde. Es ist ovch berett, were das wir der vorgenante Graf Egen abgiengen vnd sturben ane libes erben, so fol die vorgenant herschaft von Friburg, vallen an die vorgenante frovw Claren von Tűwingen, vnser muomen ob sie wölte, were aber, das si der herschaft nüt enwölte, oder ob si enwere, so sol die herschaft vallen, an irű kint, an Graf Cuonraten von Tüwingen, ob die die herschaft wölten. Wer denne herre ze Friburg vnder denen werden wölte vnd fölte, der sol· vorhin, e das in der rate vnd die stat ze Friburg, ze Herren nemen, vnsern des vorgenanten Graf Egens erben, oder wem wir es denne besezet vnd gegeben hettin, geben vnd volgen lassen, die zwei hundert pfunt pfenninge geltes Friburger münke, von den hundert marken filber geltes die der rat ze Friburg git, dieselben zwei hundert

pfunt geltes widerkovffig fint mit tusent marken löttiges filbers, vnd sol ovch denne denen lassen volgen vnd geben, die hundert pfunt vnd vierzig pfunt pfenninge geltes ovch Friburger münge, von den wiltbennen in Brisgöwe, die widerkovffig fint mit siebenhundert marken löttiges filbers, vnd die sechzig pfunt pfenninge geltes ovch Friburger münge, von dem guot ze Herdern, die widerkovffig fint mit drin hundert marken löttiges filbers, mit allen den briefen, rehten vnd gewarsami, als si`die hant vnd die brief dar über sagent. Vnd sol ouch die schulde, die fünf hündert marke von dem Abbet von Sant Peter wider an sich nemen, were ob si da zwüschent nüt vergolten vnd gelidiget were, vnd sol ovch dar zuo den vorgenanten, dem rate vnd der stat ze Friburg das vorgeschriben guot das si an disen kovffe gabent, geben vnd vsrichten. Were aber das wir Graf Egen der vorgenant, dis vorgenanten geltes, oder dirre vorgeschribenen stucken deheines bi vnserem lebende abgelöset hettin, sü gar oder iro ein teil, so sol vnser muome von Tuwingen die vorgenante, ob si die herschaft nemen wölte, oder irű kint ob die die herschaft nemen wöltent, vnfern des vorgenanten Grafen Egens erben, oder wem wir es denne gegeben oder geschaffet hetten, so vil guotes versichern vnd vfrichten mit gelte oder mit barem guot, so vil als denne abgelöset vnd vergolten were, Wölten aber weder vnser muome von Tuwingen, noch irü kint ob si nüt were, der herschaft nüt, so söllent si bi irem vorgenanten gelt vnd bi irem pfantschag beliben, ung es von inen erlöset wirt. Were ovch das das beschehe, das vnser muome von Tuwingen noch irü kint, der herschaft nüt enwöltent, oder were das fü vnd irü kint abgiengent, so mag der rate vnd die stat ze Friburg, ze herren nemen wen sü wellent, wen aber fü ze herren nemen wellent, der sol ovch vorhin, vnfern des egenanten Grafen Egens erben, oder wem wir es geschaffet hettin, vnd ovch dem rat vnd der stat ze Friburg, das gelte vnd guot volgen lassen vnd vollefüren, vnd tuon vmb das gelt vnd guot, alf da vor geschriben stat, ze gelicher wise, als die vorgenan

te vnser muome von Tüwingen, oder irü fint tuon föllent, ob fi die herschaft nemen wöltent, nach dem als da vor geschriben stat ane alle geuerde. Were aber das der rat vnd die stat ze Friburg, in der jarfrist nieman ze herren nemen wöltent, were denne das si sich der herschaft vnderziehen wöltent, so föllent si vnfern des egenanten Graf Egens erben, oder dem wir es geschaffet hettin, die vor genanten drittehalbe tusent mark filbers geben vnd vsrichten, wöltent aber fü sich der herrschaft nüt vnderziehen, so möchtent sich vnser erben oder die denen wir es geschaffet hettin, der herschaft vnderziehen, für die selben drittehalb tusent mark silbers, vnd möchte sich ovch denne der rat vnd die stat ze Friburg, der herschaft ovch vnderziehen, für iro guot das sü dar geben hant, als da vorgeschriben stat ane alle geuerde. Har über zuo einem offen waren vrkunde vnd ewig bestetegunge, das die vorgeschribenen ding eweklich war vnd ftet beliben, für vns vnd alle vnser erben vnd nachkomen, so haben wir, frovm Clare Pfallensgrefin von Tüwingen vnd Graf Egen von Friburg, die vorge= nanten, vnseri eigenen ingesigele gehenket an disen gegenwertigen brief. Vnd haben ovch gebetten, die vorgenanten wisen lüte, den burgermeister vnd den rat der stat ze Friburg, wand die vorgeschriben ding, mit irre wissend, gunst vnd willen beschehen fint, das fü irre ftette ingesigel zuo einem vrkünde, ovch hant gehenket an difen brief. Wir der burgermeister vnd der rat ze Friburg, die vorgenanten, veriehent, das die vorgeschriben dinge mit vnser wissend gunft vnd willen beschehen sint, vnd haben dar vmb durch bette willen, der vorgenanten edeln frovw Claren PfalLenggrefinnen von Züwingen, vnd Grafen Egen von Friburg, vnser stette gemein ingesigel zuo einem vrkünd gehenket an disen brief. Dis geschach vnd wart dirre brief gegeben ze Friburg, da man zalt von Christus geburte, drügehen hundert jare, dar nach in dem ehtüwe vnd fünfzigesten jare, an dem nehsten samstag vor sant Barnabas tag eins zwelf botten.

CCXLIV.

Gråfin Klara entläßt die Stadt Freiburg ihres Eides.

(20. Juni 1358)

Wir Clare Pfallensgrefin von Tüwingen tuont

kunt allen den, die disen brief sehent oder hörent lesen. Als vns die vesten wisen lüte, vnser lieben getrüwen burgere, die alten vier vnd zweinzig, der burgermeister, der rat, die burgere vnd die gemeinde gemeinlichen, der stette ze Friburg in Brisgöw, für ir vrovwen gehüldet vnd gesworn hattent, vnd wir vrovwe derselben stat ze Friburg warent, vnd wir inen hin wider vmb ovch gesworen hattent, nach der briefe bewifunge die zwüschent vns vnd inen bedesit dar über gemachet wurdent. Da vergehent wir die vorgenante vrov w Clare offenlichen an disem briefe, das wir die obgenanten, die alten vier vnd zweinzig, den burgermeister, den rat, die burgere, vnd die gemeinde gemeinlichen der selben ftette ze Friburg rich vnd arm, der selben irre eide, vnbetwüngenlichen lidig vnd ler verlassen haben, vnd lassent sü iro lidig vnd los, mit vrkünde des gegenwertigen briefes luterlichen vnd genglichen, ane alle geuerde. Vnd heissent sü ovch mit disem gegenwertigen briefe, das sü dem edeln, Graf Egen von Friburg vnserm lieben vettern, dem ovch wir die selben herschaft von Friburg mit allem rehte vnd mit aller irre zuogehörde vngeuarlichen ze kovffende hant gegeben vnd uf gegeben, nach der briefe bewisunge die darüber gegeben fint, das ovch sú dem selben Graf Egen hülden vnd sweren, als fü eime herren ze Friburg billichen tuon föllent nach dem als es her ist kommen, ane alle geuerde. Her über ze eime offen waren vrkünde dirre dinge so hant wir vrovw Clare von Tüwingen vorgenant, disen brief besigelt offenlichen mit vnserm eigen ingefigel. Der gegeben ist ze

Friburg, des jars da man zalte von gottes gebürte drűzehenhundert jar vnd ehtü vnd fünfzig jar, an der nehsten mittewochen vor sant Johannes tag des torffers ze füngihten.

CCXLV. CCXLVI.

Gelöbnisse des Grafen Egon beim Antritt der Herrschaft.

(20). und 21. Juni 13,58.)

Wir Graf Egen herre zuo Friburg vnd Lantgraf in Brisgów, tuont font allen den, die disen brief ansehent oder hörent lesen. Das wir gelobt vnd gesworn haben ein gelerten eide zuo den heiligen, mit vfgehabter hande vnd mit gelerten worten, vnsern lieben getrüwen burgern, den alten vieryndzwenzigen, dem burgermeister, dem rate, den burgern vnd der gemeinde, richen vnd armen der stette zuo Friburg in Brisgöw, trüwe vnd warheit ze leistend vnd ze haltend, als ein herre ze Friburg finen burgern billich sol, vnd das wir inen allű irű reht, ir friheit vnd gewonheit lassen, vnd inen die bessern vnd in keinen weg swechern föllen, ane alle geuerde. Vnd das wir inen disen brief, vnd alle die brief, so sű von vnsern vordern hant, oder von vns, e wir herre wurdent, oder die fü noch gewinnent, stete vnd veste söllen lassen, mit allen stucken, allen artickeln vnd penen, so daran geschriben ftant. Das wir noch kein vnser erbe oder nachkomme dawider niemer nüt getvon föllen noch mögen, lügel oder vil, an deheinen ftucken deheinwis ane alle geuerde. Dis haben wir alles gesworn, ftete ze habend getrüwelichen, vnd verbinden ovch darzuo eweklich alle vnser erben vnd nachkommen, ane alle geuerde. Wir die alten viervndzwengig, der burgermeister, der rate, die burgere, vnd die gemeinde gemeinlich rich vnd arme zuo Friburg, hant ovch gelobt vnd gesworn, dem vor