schribenen zilen. Weri, daz fü ieman vfwendig den selben vorgenanten ziln, doch in den kreissen so hie nach bescheiden vnd geschriben sint, angriffe vnd geschadigete, vnd die vorgenanten amptlüte oder die an ir stat werin, sich erkanten, daz man inen vnrecht tete, vnd vns darvmbe ze manende hetten, do söllen wir inen beholfen sin, vnd ze helfe komen. fürderliche, wenne wir dar vmb gemant werdent, mit hundert gewaffenten mannen mit bechinhuben ze ros, vnd mit hundert gewaffenten mannen ze fuosse mit armbrösten, vnd nüt me, vmb minre mögent fü vns wol manen. Vnd fint dis dieselben vswendige zil, in den wir die vorgenanten drie stette inen mit zwein hundert gewaffenten mannen beraten vnd beholfen sin fullent, als hie vorgeschriben stat. Von Stalhouen durch den Swarzwalt gen Rotwil, von Rotwil gen Mülnheim, von dannant gen Stockach, von Stockach gen Buochorn, von Buochorn an den Arlen, von dannant an den Setmen, von dem Setmen ze fant Got harzberg, als der sne do har in smilget gen dem Rine, vnd von fant Gotharzberg, daz gebirge obenan hin onze gen Friburg in Öchtelant, als der sne har in smilget gen dem Rine vnd der Are, von dannan vnge an Nüwenburger se, vnd die richte über gen Goldenuels, vnd dannent hin vswendig demselben vnd den andern vorgeschribenen iren zilen, als fü gegen der vorgenanten vnser frovwen der herzogin vnd der herschaft landen, abe begriffen fint vier mile, vnd also die richte abe an den vorst ze Hagenöw vnd wider über gen Stalhouen. Wir die vorgenanten amptlüte ze eim teil, vnd wir die egenanten drie stette zem andern teil fint ovch bedenthalb gemeinlich über ein komen, vmbe den grossen gewalt vnd daz vnrecht, als die von Zürich, vnser von Strasburg, vnd von Basel burgere vnd lüte geuangen hant, daz wir darvmbe einander geraten vnd beholfen füllent sin mit macht, als vnsern eren wol anstat,

vnd were, daz wir darvmbe einen gezog für fi würdent tuonde, do föllen wir nüt von dannen scheiden, wir komen fin denne gemeinlich vnd einhelliclich über ein. Weri ovch, daz wir mit gemeinem rate von dannan ziehende würden, so föllent wir zuo enander sizen vnd gemeinlich ze rate werden, wie wir den crieg vnd die sache besezent vnd besorgent, nach vnser aller nuß vnd ere, vnd nach notdurft vnser herschaft von Österich vnd des landes, e wir dannan komen, ane alle geuerde, aber die von Friburg fint nüt gebunden, ieman ze lantweri da ze lassende, si tuon es denne gerne. Waz ovch criege vnd misfehelle von der fache wegen vmb die von Zürich of stan möchte, es were von inen oder von irn eitgenossen, vnd helfern, in dirre verbuntnisse zit, vnd dar nach, dar vmbe füllent wir ovch iemer enander beholfen vnd geraten sin ewiclich mit macht, gen allen dien, so sich von derfelben sachen wegen wider vns iemer saften, vnd vns darvmbe angriffen vnd nötigen wolten, wie verre vnd wie nach die gesessen werint. Es ist ovch betegedinget vnd beret zwischent vns den vorgenanten amptlüten vnd vns den egenenten drien stetten, daz deweder teil den andern manen sol, wand vmb die sachen, dar vmb sich der teil so da manet bi dem eide erkennet, daz er dieselben sache, ane des andern teiles helff nüt alleine überkomen, noch überwinden müge, denne, daz er des andern teiles hilfe darzuo notdürftig si vnd bedörf. Waz ovch wir die vorgenanten amptlüte mit hilfe der egenanten drier stetten einer, vnd wir dieselben drie stette mit hilf der obgenanten vögten eins, überkomen vnd vftragen möhtent, da füllen wir ze deweder siten einander nüt fürbasser manen, wir erkanden denne bi dem eide, daz es notdürftig weri, vnd ovch der andern hilff bedörftent, ane alle geuerde. Waz ovch andrer criege vnd missehelle in dirre verbuntnisse zit vfftunde, dar vmb gemant weri, do füllen wir ovch enander vmbe beholfen sin, den crieg vs, ovch nach der verbuntnisse zit, ane alle geuerde, vnge daz der crieg vnd die missehelle verrichtet wirt, vnd verfünet. Wir sint och des bedenthalb über ein komen, daz wir vmb ein snellen vflovff einander

ovch snelleklich vnd früntlich beholfen füllent fin, als vns vnfer früntliche bescheidenheit denne wiset, vnd dem vfflovff zvo gehört, vnd gelegen ist, e noch darombe gemant wurde. Wir füllent osch in dise verbuntnisse niemant nemen noch enphahen, wir komen fin denne gemeinlich über ein, werdent wir ovch deheinest dehein tegedinge oder tag, sament leisten, daz füllent wir tuon, der lantvogt von Elsasse vnd von Suntgöw mit den von Strasburg vnd von Friburg ze Nüwenburg, vnd mit den von Basel ze Rinuelden, vnd der lantvogt ze Ergöw vnd ze Thurgőw, mit den von Strasburg vnd von Friburg, ze Basel, vnd mit den von Basel ze Rinuelden. Wir behaben ovch zuo beden siten in dirre verbuntnisse vor, den stuol ze Rome, vnd alles geistlichs gerichte, ein römisch riche, vnfern herren Chüng Karlen römschen küng, vnd wen wir für einen römschen küng oder keyser hant, wer ovch, daz vns ieman vnrecht wolte tuon, wer der weri, vnd deweder teil erkante, daz man im vnrecht tete, vnd dar vmbe ze manende hette, des füllent wir enander vor fin, vnd beholfen vnd in den zilen, als die verbuntnisse stat. Wir die vorgenanten amptlüte behabent ovch vnserer vorgenanten herschaft in dirre verbuntnisse sunderlich vor, den hocherbornen fürsten den Herzogen von Lutringen iren Öhein Herzog Ruodolfs feiligen sun, die erwirdigen herren Bischof Berchtolt von Strasburg vnd Bischof Johansen von Basel, die edelen herren Grafe Eberhart vnd Graf Volrich von Wirtenberg, die stette von Berne vnd von Soloturn, als die buntbriefe stant, die sü mit vnser herschaft hant, vnd darzuo alle derselben vnser herschaft dienstmanne, manne, burgmanne, vnd dienere, die vor vns, daz ist vor dem, vnder des ampt oder phlegnisse si gesessen sint, wellent rechtes gehorsam fin, wel aber des nüt woltent tuon, wider die föllent wir den vorgenanten drien stetten beholfen fin, als wider ander. Wir die vorgenanten vögte, an der egenanten vnser herschaft stat, vnd ovch wir die obgenanten drie stette, füllent

bi vnsern rechten, friheiten vnd gewonheiten beliben, vnd fol vns die verbuntnisse einkein schade dar an sin. Ovch behaben wir drie stette gemeinlich vor, vnser verbuntniffe, als wir drie stette, vnd die von Brisach zesamen verbunden fint, daz wir die lengern mügent, so wir wellent, vnd vns dise verbuntnisse daran enhein schade sol sin. Darzvo behabent wir die vorgenanten von Strasburg fünderlich vor, vnfern herren den Bischof von Strasburg, vnd den lantfriden ze nidern Elsasse, als wir zvo den ieß verbunden sint, oder nach fürbaffer verbunden werden. Were och, daz der lantfride ze Niderlant gemacht vnd bestetiget würde, vnd vns fuogete dar in ze komende, daz mügent wir ovch wol tuon, vnd wurden wir ovch von demselben nideren lantfride, oder von dem lantfride ze nideren Elsasse vmb ein vsgezog gemant, vnd von den vorgenanten amptlüten, von welen wir denne e gemant sint, den sollent wir ovch zvo dem vsgezoge beholfen sin, wenne wir ovch des vsgezoges entladen wurdent, so füllent wir fürderlich vnd ane fürzog, den die anderen manung getan hant, heholfen sin ane alle geuerde. Vnd aber wir, die von Basel, behabent ovch vor, in dirre fürbuntnisse fünderlich, vnsern herren den Bischof von Basel, vnsern herren Bischof Berchtolt von Strasburg. So denne wir die von Friburg, hant ovch funderlich vorbehebt, vnd psgelassen in dirre verbuntnisse, vnsern herren den Grauen von Friburg, vnd sine süne Graf Friderich vnd Graue Egen, Margraue Heinrich von Hach perg, vnd jungher Friderich von Üsenberg vnd die von Kentzingen, jungher Henselin von Üsenberg vnd die von Endingen, jungher Henselin von Swarzenberg vnd die von Waltkilch. Weri aber, daz die, so wir die vorgenanten amptlüte vnd die drie stette bedenthalb vorbehebt hant, mit vns icht ze schaffende gewunnen, vnd wir erkanten, daz dieselben so wir also vsgelassen hant vns vnrecht teten, vnd vf fi ze manende hetten, vf die füllent wir einander gebunden sin ze helfende als wider ander. Wir sint ovch des

bedenthalb gemeinlich über ein komen, daz wir einander gebunden füllent fin ze helfende, ze schirmende alles daz wir inne hant, vnd des wir sigent in nugelicher gewer, also daz nieman des quotes so er inne hat ane recht entwert werde. Es ist ovch ze wissende, were, daz ieman die egenante vnser herschaft von Österich gewonlich phante vmb foliche schulde, dar vmb er derselben herschaft offene besigelte briefe hette, an den ime phandunge erlovbt were, wider die, fin wir die vorgenanten drie stette nüt gebunden ze helfende, wir tuon es denne gerne. Were aber, daz die vorgenante herschaft, oder ir amptlüte, vor den reten vnser drier stetten deheiner, wa fü denne wellent, kuntlich machtent, als den rat denne bescheidenlich vnd recht dunchte, daz die schuldbrieff erlöset weren, oder daz si die herschaft deheins weges nüt binden solten, wider die füllen wir inen beholfen sin, als gegen andern. Were ovch zvo gelicher wise, daz ieman vns die vorgenanten stette, oder vnser burgere gewonliche phante, vmb folich schuld dar vmb er der stette deheiner briefe hette, dar an ime phandunge erlovbt were, dar vmb ist vns och vnser vorgenant herschaft, noch ir amptlüte, nüt gebunden ze helfende, fi tuon es denne gerne. Möhten aber wir küntlich gemachen vor den vorgenanten vögten eim, vnd den vieren, die er zvo ime sehen sol, alse die fünfe denne bescheidenlich vnd rechte dunchte, daz die schuldbrieff erlöset werin, vnd vns deheins weges nüt binden fölten, wider die füllent fü vns ovch beholfen sin, als gegen andern. Wenne ovch ein alter rat abe gat vnder vns den vorgenanten drien stetten, der fol dem nuwen rate in den eit geben, dise verbuntnisse stete ze hande vnd ze vollefürende als vorgeschriben stat, ane alle geuerde. Wir sint ovch über ein komen, daz wir deste früntlicher in dirre verbuntnisse geleben mögent, daz nieman, der in dirre verbuntnisse ist, vnd noch dar in kunt, den andern höften, noch befümbern sol, denne ie den man vor sime richter, es were denne rechter gelte oder burge. In dirre verbuntnisse söllent sin, vnser herren Herzog Albreht von Öfterich, vnser frovwe sin Herzogin vnd ire kint, vnd