Abbildungen der Seite
PDF
EPUB

müli vnd von allem dem, so darzuo höret, alle machen vnd bruchen. Har über ze einem urkünde, so ift dirre brief mit der stette ze Friburg ingefigel besigelt.. Hiebi waren dise gezüge, Ruodolf der Turner, Heinzi zem Jude ein brotbeke, Rüschi der brotbeke, Kuonrat Sneuweli Sneuwelins fremers fun, vnd ander erber lüte genuog. Dis beschach ze Friburg, in dem iare, do man zalte von gottes gebürte, drüßehen hundert iare vnd fünf vnd drifsig iare, an dem nechsten mendag vor sant Johans dag Baptist.

CLX.

Bundbrief des Eberhard von Bergheim.

(18. Mai 1336.)

Ich Eberhart von Berghein ein edelkneht, tuon kunt

allen den, die disen brief sehent oder hörent lesen, vnd vergihe offenlich an disem briefe, das ich mich verbunden han mit gelertem eide, den ich darumb getan han, mit vferhebter hand zuo den heiligen, dem rate, den burgern vnd der gemeinde gemeinlich der stat zuo Friburg in Brisgöw, der burger ich ovch bin, also, das ich inen mit mir selb, mit den minen, mit libe, vnd mit guote, vnd mit minem teil der vesti zuo Limperg beholfen vnd geraten sol fin, wenne vnd wie es der rate von Friburg, oder der merteil des rates erkennent bi ir eide ane alle geuerde.. Vnd sol noch mag mir aber nieman vmb fein alt schulde von minen vordern har, vftegdingen noch triben von miner vorgenanten burgschaft ze Friburg, denne vmb schulde, die ich selbe gelobt hetti, oder warumb ich min briefe mit minem ingesigel besigelt gegeben hetti, vnd were, das ich dannan von oder dekein weg von der burgschaft keme, so sol ich doch die nehsten zchen iare dar nach inen beholfen vnd geraten fin, als da vor bi minem

geswornen eide, den ich darvmb getan han zuo den heiligen mit vferhabter hande, vnd fü mir, als hie nach geschriben stat, das ist also.. Were das ich ir bedörfte darnach vnd fű maneti, so sol die helfe, die fü mir tuon föllent, stan an dem rate zuo Friburg, alse wie der rat oder der merteil des rates erkennent, bi ir eiden, ob sü, vnd wie fü mir behelfen föllen, vnd was fü bi ir eide dar vmb erkennent, damit sol mich benügen ane alle geuerde. Harüber ze einem offen vrkünde, das dis war vnd stete belibe, ist dirre brief mit minem des vorgenanten Eberhartes von Bergh ein eigenem ingefigel befigelt. Der gegeben ist zuo Friburg des iares, do man zalte von gottes geburt drüßehenhundert iar vnd fehs vnd driffig iar, an dem nehsten samstage vor sant Vrbans tage in dem meigen.

Nach einer gleichzeitigen Abschrift.

CLXI.

Schirmbrief für zwei Lombarden.

(17. Juli 1336.)

Wir Graue Cuonrat herre ze Friburg.. tuon kunt

allen, die disen brief sehent oder hörent lesen, das wir erneftlich erbetten han, die bescheiden wisen lüte, den rat vnd die burgere von Friburg, das fü durch vnser bette in iren schirn hant genomen, Wient Isnart Toman Jsnarg fun von Warfener, vnd Wilhelmen Cornella von Wingnar Lampartere, also das fü die gelobt hant ze schirmende als ir seldere ane alle geuerde, mit dem gedinge und dienste, alse fü ovch mit in überein fint komen, und sol der schirm weren zwengig iar nu nach einander, Dü nehsten, die ze sant Jacobs tag nu nehst anevahent, öb fü fo lange in ir stat seshaft fint, varent aber fü e dannan, so font fü si fürbas nit benoten ane alle geuerde. Har über ze

eim urkünde ist dirre brief mit unserm eigenen ingesigel befigelt. Der gegeben ist ze Friburg, des iares, do man zalte von got gebürte drügehen hundert iar, vnd sehs vnd drißig jar, an der mitwochen nach sant Margareten tag.

[blocks in formation]

Pfandschaft der Schlösser Endingen, Riegel, Höhingen u. s. w.

(30. Juli und 25. September 1336.)

Ich Margraf Heinrich von Hachberg, wissenthaft

pfleger der kinde des edeln herren, herr Burcartes seligen von Üsenberg mines swehers, tuon kont allen den, die disen brief sehent oder hörent lesen. Das ich mit wissend, gunst gehellvng vnd rate, der edeln herren, Graf Cuonrag herren zuo Friburg, herr Heinrichs von Rapolzstein herren zuo Hohennacke, vnd herr Huges herren von Üsemberg, der vorgenanten kinde vatter mag, durch kontlichen nvt vnd notdurft der vorgenanten kinde, über ein bin kommen, mit den bescheiden lüten, dem rate vnd der gemeinde von Endingen, der ding als hie nachgeschriben stat, das ist also.. Ich han den vorgenanten wisen vnd bescheiden, dem rate vnd der gemeinde von Endingen, vnd ovch dem rate vnd den burgern gemeinlich der Stette zuo Friburg in Brisgöw, ingeentwürtet vnd vfgegeben Höhingen die vesti vnd was darzuo höret, mit allen rehten, nugen vnd gewonheiten, als es die herschaft von Üsenberg har het bracht, Ryegel die vesti vnd das dorf, mit lüte, mit güte, geriht, gebiete, düpp vnd freuel, zwing vnd banne, wunne vnd weide, holz vnd velt, den hofe, die müli, vnd gemeinlich alles so darzuo höret, wie man das genemmen kan oder mag, reht als es ovch die herschaft har het braht, Eystat das dorf, mit lüten, mit guot, ge

riht vnd gebiet, düpp vnd freuel, zwing vnd ban, wunne vnd weide, holz vnd veit, vnd gemeinlich allen den rehten nyzen vnd gewonheiten, ovch als es die herschaft har braht het. Die lüte zuo Baldingen, vnd ze Forcheim, vnd wa si gesessen fint anderswa, ovch mit allen rehten vnd nøgen, vnd gemeinlich alles das guot vnd gelt, lüte vnd was zuó der vorgenanten herschaft höret, wa das alles gelegen, genemmet oder geschaffen ist, es sie genemmet oder vngenemmet, han ich inen alles vfgegeben vnd ingeentwurtet lideklich, für sehs vnd zwengig hundert march silbers lötiges vnd gebes friburger brandes vnd geweges, die si darvf gewunnen, erlehent vnd gegeben hant, vnd an der vorgenanten kinde von Üsenberg schulde föllent gelten, vnd föllend si die vorgenanten güter allü darvmb haben vnd nieffen, angriffen, versezen vnd verpfenden, alle die wil, vnge dieselben sehs vnd zwengig hundert march silbers gangelichen da von werdent vergolten, als hie nach geschriben stat, daß ist also . . Si föllent allü iare zwei hundert march filbers von den nøgen davon gelten, ist das es da wirt ane geuerde. Were aber, das sich das nüt davon geziehen möhte, in welen weg das were, so fönt si die herschaft vnd güter mit allen rehten inne han vnd nogen, alle die wil vnge das die schulde gangelichen davon wirt vergolten. Ovch ist beredet, das man der vestinen Endingen, Ryegel, Höhingen, keine verkovffen, versezen, verpfenden, oder verwehseln sol, noch suff hin gen, noch in keinen weg veruerwen sol noch mag, dekeinen wege, damit die kinde davon möhten kommen, denne, das fi den vorgenanten kinden, vnd iren erben föllent beliben ane alle geuerde. Vnd wenne die kinde zuo iren tagen komment, so sönt si den vorgenanten von Endingen vnd von Friburg, föllich sicherheit vnd brief geben, als si notdürftig fint, das si bi den vestinen beliben. Vnd fönt sich damit das mit verbinden zuo denen von Friburg, in alle wege als sich die von Endingen zuo inen verbunden hant, vnd fol die verbontnuße ewig fin ane alle geuerde. Viele es ovch an mich, den vorgenanten Margraf Heinrichen, so sol ich

das selbe tuon ane alle geuerde, vnd fönt die von Endingen vnd von Friburg, die vestinen vnd die herschaft, als da vor geschriben stat, inne han, alle die wil vnge das geschiht, ob ovch die schulde e were vergolten. Ich der vorgenante Margraf Heinrich pfleger, vnd wir die vorgenanten Grafe Cuonrat herre zuo Friburg, Heinrich von Rapolstein herre zuo Hohennack, vnd Hug herre von üfenberg, der vorgenanten kinde vattermage, veriehen ovch, das wir darvmb gefeit han, ieglicher vf sinen eyde, das vns dis den kinden weger getan doncket denne vermitten. Vnd haben ovch gelobt für die vorgenanten kinde, bi guoten trüwen, das wir schaffen, wenne si zuo iren tagen komment, das sü stete hant vnd vollefürent, allű die vorgeschribenen dinge ane alle geuerde, als verre wir können vnd mögen. Vnd were, das die vorgenanten von Endingen vnd von Friburg ieman irreti oder fomti, an den vorgenanten gü tern deheinen wege, dawider föllent wir fin, vnd sön inen darzuo beholfen vnd geraten fin, getrülich ane alle geuerde. Harüber zuo eime offen vrkonde, das dis alles war vnd stete belibe, han wir die vorgenanten herren alle, ich Margraf Heinrich von Hachberg, wir Graf Cuonrat herre zuo Friburg, Heinrich von Rapolzstein, herre zuo Hohennacke, vnd hug herre von üfenberg, disen brief mit vnfern eigenen ingesigeln besigelt, vnd habent ovch mit ernst erbetten, die vorgenanten bescheiden wisen, burgere vnd rete zuo Friburg vnd zuo Endingen, das fi fich dis vnderwunden hant vnd vnderzogen. Dis geschach vnd wart dirre brief gegeben zuo Friburg, in dem iare, do man zalte von Gottes gebort drüzchenhundert iar, vnd sehs vnd drissig iar, an dem nehsten zinstag nach sant Jacobes tage des zweilfbotten.

Wir der rate, vnd die gemeinde gemeinlich der stette zus Endingen.. tuon kunt allen, die disen brief sehent oder hörent lesen. Das wir mit wissend, gunste, willen vnd geheiffe,

« ZurückWeiter »