kovfen, noch verwihselen, noch hin lihen, noch veruerwen, noch verwandelen, noch in defeinen weg vertuon, da mitte wir oder vnser nahkomenden, da von komen mugin, gerwe, oder ein teil, an defeinem stucke, so ieman erdenken kan, eder mag, defeinwis, funderlich oder gemeinlich, ane alle geuerbe. Wurdi ovch dehein guot, das wir von iemanne in pfandes wis haben, wider gekovfet, das guot, daß vns dar vmbe wirt, das füln wir mit vnferre burgere von Friburg rate, anlegen an ander guot, vnd sol denne das guot ligen in allem dem rehte, alse das ander, alse davor geschriben stat. Die zweihundert marke silbers, die vns die burgere iergeliches gebent, swas der versezzet ist, das füln wir nüt türer versezzen, swas sin ovch lidig ist, das füln wir nut verkümberen dekeinwis, vnd allü dü guot, dü vnser herre felige, graue Egen vnd wir, versezzet haben, der füln wir enfeines türer versezzen, noch verkovfen, noch veruerwen, noch verwandeln, dekeinwis. Wir der vorgenante graue Cuonrat, füln ovch ze Friburg herre sin, vnzint an vnfern tot, vnd füln vnf nit endern von der herschaft, wan mit def rates ze Friburg wissende vnd willen, oder des meren teiles des rates. Desselben verbinde ich, der vorgenante graue Friderich mich, in demselben rehte. Wir die vorgenanten graue Cuonrat, vnd graue Friderich sin sun, end vnser erben, vnd vnser nahkomenden, füln ovch enkein onfer tohter berraten, wan mit der alten vier vnd zwenziger wissende vnd willen, oder des meren teiles vnder in. Wir füllen ovch enkeinen eigenen frieg, mit niemanne anvahen, noch haben, wan mit des rates wissende vnd willen, oder def meren teiles des rates, erkennet aber der raté oder der merteil des rates, das man vns vnreht tuot, so sol man vnf gebunden sin, alfe die alten brieue stant. Wir füllen ovch niemannes helfere werden, wider das riche, ane def rates willen, oder des meren teiles des rates, aber vnseren fründen vnd vnseren dieneren, den mugin wir wol raten vnd helfen, ane wider das riche. Wir haben ovch beide sament erlovbet, onferen vorgenanten burgeren von Friburg, vnd in den vollen gewalt gegeben, sich, swenne si wellent, ze verbindende, ze swem si wellent, also, das fi vns das vs behaben. Were das wir iemannes helfere werin, oder hinnanthin helfere wurdin, dar wider ir verbuntnüsse were, dem möhtin wir wol helfen, mit solicher bescheidenheit, wurdin wir von iemanne gemant vnsers eides, des helfere wir denne weren, so sol vns enkein burger von Friburg, oder den si ze gebietende hant darzvo beholfen fin, vnd füln die von Friburg das verwaren of den eit, alse verre f kunnen oder mugen, ane geuerde, vnd füln doch die von Friburg iren eitgenossen, zuo den si sich denne verbunden hant, beholfen sin, of die die vf si zogent. Swenne aber wir, von vnferre eitgenos= fen gezog, wider hein komen, dar vmbe süln vns die von Friburg nüt angrifen. Wöltin aber wir, die vorgenanten herren, fundrige getete tuon vf ir eitgenossen, zuo den si sich denne verbunden hant, so füln in die von Friburg of vnf beholfen fin, vnf an ze grifende, ane alle geuerde. Die burgere vnd der rat süln ovch der münze gewaltig fin, sie ze besezzende, vnd ze entsezzende, vnd ze slahende, swenne si wellent, vnd swie sie wellent, vnd füllen wir fü daran nüt irren, vnd swas nuzzes davon komet, das sol man geben den, die brieue darüber hant. Wirt über die üt über, das sol man vnf gelten. Swenne ovch wir, oder vnser nahkomenden, die nach vns ze Friburg herren werdent, vns enderen ze der e, so sol vnser enkeiner, finer frovwen me widemen vf die herschaft, denne tusent marke silbers, ane alle geuerde. Swas ovch wir hinnanhin, iemanne brieue geben, oder schulde geloben, da füln wir alle wege, vnser burgere von Friburg, vnd die iren, of nemen, vnd machen mit gedinge, das man fü darombe nüt pfende noch angrife. Der fü dar vmbe oder die iren pfende, oder angrife, das wir denne der fchulde, vnd der gelübede, ganzliche lidig fin, vnd das ovch dü gelübede, vnd der brief der schulde, ganzliche tot, vnd vnkreftig fin. Vnd allü dü ding, vnd sazzunge, vnd stucke, dü da vor an disem brieue von stuce ze stucke geschriben ftant, die haben wir, der vorgenante graue Cuonrat herre ze Friburg, vnd ich graue Friderich sin sun, allüs sament, vür vns vnd vür alle vnser erben, vnd vnser nahko menden gesworn, stete ze habende, gestabete eide ze den heiligen, ane alle geuerde. Weri ovch, das got wende, daf wir derselbe graue Cuonrat, oder ich graue Friderich fin fun, oder dekein vnser erben, oder vnser nahkomenden, dekeines dirre vorgeschribenen dinge, gerwe, oder an dekeinem stucke brechin, mit dekeinen dingen, swer düs also brichet, der ist meineide vnd rehtelos, und elos, vnd füln finü lehen lidig sin den herren, vnd sol sin von allem rehte, an eigen vnd an erbe, swie es gelegen ist, vnd swas er rehtes dar zuo het, vnd ist denne dü herschaft ze Friburg, gar vnd ganzliche, den burgeren von Friburg lidig vnd geuallen, vnd füllen vnd mugen fü denne, swenne si wellent, einen herren nemen, swellen si wellent, vnd sol der herre ze Friburg sin, ane alle irrunge, vnd süln wir, noch vnser erben, noch vnser nahkomenden, an der herschaft ze Friburg, niemer reht, noch vorderunge, noch ansprache me gewinnen, mit gerrihte, noch ane gerrihte, mit worten noch mit werken, dekeinwis, bi vnsern vorgenanten geswornen eiden. Harüber ze einem waren vrkünde, vnd ze einer ewigen bestetegunge, so han wir die vorgenanten herren, graue Cuonrat vnd graue Friderich, vnser beider ingesigele gehenket an disen brief. Wir haben ovch gebetten, vnsern herren den Tuomprobist von Strasburg, vnd vnser lieben fründe, herrn Hugen herren von Üsenberg, Marcgrauen Heinrichen von Hahberg, vnd Heinrichen herren von Swarzenberg, das si irű ingefigele zuo vnser beider ingefigelen, hant gehenket an disen brief, ze einem vrkünde dis vorgeschribenen dinges. Wir, die vorgenanten Gebehart von Friburg Tuomprobist ze Strasburg, Hug herre von Üsenberg, Marcgraue Heinrich von Hahberg, vnd Heinrich herre von Swarzenberg, haben durch der vorgenanten beider herren, grauen Cuonrates, vnd grauen Frideriches bette, vnserü ingesigele zuo iren ingesigelen gehenket an disen brief, ze einem vrkün de dis vorgeschribenen dinges. Dis geschach, vnd wart dirre brief gegeben, ze Friburg, in dem iare, 'do man zalte von gottes gebürte, drüzehen hundert iar, vnd fiben vnd zwenzig jar, an fante Volriches tage, eines bischoffes. Wir graue Cuonrat herre ze Friburg, vnd ich graue Friderich sin son, tuon tunt allen den, die disen brief sehent oder hörent lesen. Das wir beidesament einhellekliche, vür vns vnd vür vnser erben vnd nahkomenden, willeklichen haben erlovbet, vnd den vollen gewalt gegeben, vnseren borgeren vnd dem rate ze Friburg, das fi vnd alle ir nahkomenden, der münze ze Friburg füllen gewaltig sin, fi ze befezzende, vnd ze entfezzende, vnd si ze slahende, lihte, vnd swere, swenne si wellent, vnd swie si wellent, vnd füllen wir fü daran nüt irren, vnd swas nyzzes davon komet, das sol man geben den, die brieue dar über hant. Wirt über die üşüt über, das sol man vns geben. Vnd haben wir beidesament dis vorgeschriben ding gesworn, stete ze habende, geftabete eide ze den heiligen. Harüber ze einem waren vrkünde, vnd ze einer ewigun bestetegunge, so haben wir vnser beider ingesigele, gehenket an disen gegenwertigen brief. Dis geschach, vnd wart dirre brief gegeben, ze Friburg, in dem rathuse vor offenem rate, in dem iare, do man zalte von gottes gebürte, drüzehenhundert iar, vnd siben vnd zwenzig iar, an fante Volriches tage eines bischoffes. Wir graue Evonrat herre je Friburg, vnd ich graue Friderich fin sun, tuon kunt allen den, die disen brief sehent oder hörent lesen. Alse wir vns, vnd alle vnser erben vnd nahkomenden, vnd vnser herschaft ze Friburg, vnd alles das zuo der herfchaft höret, vnd øvch mit andren menigualtigen sachen, vnd gelübeden, vnd verbuntnüssen, vnd friheiten, vnd gnaden, vnd erlovbende, gegen vnseren burgeren von Friburg vereimbert vnd verbunden haben, alse als lef von stucke ze stucke, vnd von worte ze worte, bescheidenlichen an den verbuntnüsse brieuen, die wir in darüber gegeben haben, mit vnser beider, vnd mit vnsers herren des Tuomprobistes von Strasburg, vnd mit vnferre lieben fründe, herrn Huges herren von Üsenberg, Marcgrauen Heinriches von Hahberg, vnd Hein, riches herren von Swarzenberg ingesigelen besigelt,ganzlichen vnd völlekliche geschriben stat, das vmbe die selbun verbuntnüsse, vnd vmbe dü selben stucke vnd gelübede, vnd gnade, vnd erlovbende, so wir in an den selben verbuntnüsse brieuen getan haben, vnser vorgenanten burgere von Friburg, vns gegeben hant, vierzig hundert marke silbers lötiges friburger geweges, vnd fin wir def selben filbers gar vnd ganzliche von in gewert, vnd haben es in vnferre herschaft ze Friburg nuz vnd frommen bekeret. Har über ze einem ewigen vrkünde, vnd das dis vorgeschriben ding war ist, so haben wir vnser beider ingesigele gehenket an disen gegenwertigen brief. Dis geschach, vnd wart dirre brief gegeben, ze Friburg, in dem rathuse vor offenem rate, in dem iare, do man zalte von gottes gebürte, drüzehen hundert iar vnd fiben vnd zwenzig iar, an sante Volriches tage eines bischoffes. Un allen drei Urkunden sind die Siegel wohl erhalten. Jenes des Domvrobstes stellt den englischen Gruß vor, mit der Umschrift: +. S. GEBHAR(DI). DE. FRIB(VR)C. P(RE)POSITI, ECC(LESI)E. ARGENT(INENSIS). Die übrigen Siegel fiad die gewöhnlichen. CXXXVIII. Der alte Runs und der Dietenbach bei Haslach. (4. Juli 1327.) Wir graue Evonrat herre ze Friburg, und ich graue Friderich fin sun, tuon kunt allen den, die disen brief sehent |