Abbildungen der Seite
PDF
EPUB

brief sehent oder hörent lesen. Das wir haben gelobet, vnd geloben mit diseme brieue, den edelen vnseren gnedigen herren grauen Cuonrate herren ze Friburg, vnd grauen Frideriche sinem sone, vnd den burgern von Friburg. Were, da vor got si, das herr Götfrit von Stovfen, oder sine erben, oder sine nahkomenden, oder deheiner finer fründe, oder der finen, oder finer diener, oder finer helfere, oder ieman von sinen wegen, die suone, die er mit in gemachet het, vmbe die getat, daß er in ir burgere vieng, mit defeinen sachen brechin, an dekeinen stucken, vmbe die getat, ane alle geuerde, an der herschefte, oder an den burgern von Friburg, oder an den iren, oder an iren die. nern oder helfern, das der herschefte, vnd der stette, vnd dem lande, kuntliche wirt gemachet, das ez vmbe die getat geschehen fi, da süln wir wider herren Götfriden von Stovfen, vnd wider alle fine erben vnd nahkomenden sin, die denne sint, mit vnseren vestinen, mit vnseren lüten, mit libe vnd mit guote, mit der herschaft vnd mit den burgern von Friburg, mit guoten trűwen ane alle geuerde, vnd haben wir alle drü dis vorgeschriben ding gesworn stete ze habende, gestabete eide ze den heiligen. Har über ze einem waren vrkünde, vnd ze einer ewigun bestetegunge, so han wir vnserű ingesigele gehenket an disen gegenwertigen brief. Dis geschach vnd wart dirre brief gegeben, ze Friburg, in dem rathuse, vor herrn Arnolte von Grünenberg, vnd vor offenem rate, in dem iare, do man zalte von gottes gebürte, drüzehen hundert iar, vnd sehs vnd zwenzig iar, an der nehstun mittewochun, nach fante Michelf tage.

An beiden urkunden fehlen die Siegel.

CXXXII.

Rechnungen der Stadt.

(1. März und 8. Nov. 1326.)

Aus dem Bruchstücke eines Rathsbüchleins auf Pergament, von den Jahren 1326 bis 1330.

Die burgere sint schuldig dis guot: Johannese dem Maltrer C. marke,

und demselben von Jungherren Wernhere CC. marke, Tegelin C. marke.

Süskinde CC. marke V. marke minre.

Fromolte 90 marke,

und aber Fromolte 93 marke.

Mannen 40 marke.

Jacobe von Brisach 20 marke.
Salmannes wibe 20 marke.
Joliebe 10 marke.

Meiggere Spiesses fune 20 marke.
Der summe ist 1121 marke.

Difü rechenunge geschach anno dni. 1326. sabbato post Matthie.

Die burgere fint alles dinges schuldig vür sich selber, mit schulde, und mit zinsen dis iares zwelftehalp hundert mark. Disü rechenunge geschach anno dni. 1326. sabbato proximo ante Martini.

Die Summe ist wohl nur deßhalb unrichtig angegeben, weil ein von derselben Hand wieder ausgestrichener und unleserlich ges wordener Posten noch dazu gerechnet wurde.

CXXXIII.

Bundbrief der Städte Strasburg, Basel und Freiburg.

(22. November 1326.)

In Gottes namen amen. Wir die rete, vnd die burgere

gemeinlichen, der stette Strazburg, Basel, vnd Friburg, tuont kunt allen den, die disen brief sehent vnd gehören lesen. Daz wir durch nug, notdorft, friden, vnd fromene, vnsere, vnferre ftette, vnd burgere gemeinlichen, vns zesamene hant gemaht, vnd gebunden, mit dem eide, den wir dar vmbe getan hant, vnk zuo der lichtmesse so nu zenehst komet, vnd von derselben lichtmesse ane vnderlaz zwei ganzű iar, mit folicher bescheidenheit, alse hienach geschriben stat. Daz wir einander getruwelichen geraten, vnd beholfen füllent fin, zuo allen den criegen, die wir in dem vorgenanten zil gewinnent, oder vns anvallent, von dem Howenstein vng an Burnentrut, vnd dannen vnk an Rotenburg die flihte herabe vng uffe die Selfze, vnd andersite dez Rynes, von der obern Murge, vng uffe die nidern Murge, vnd da zwischent von eime gebirge vng an daz andere, alse die snesleiffe gat wider den Ryn, ane alle geuerde. Geschehe aber, daz wir die vorgenanten ftette, in den vorgenanten ziln, iemanne angriffent, der vns alle, oder dekeine stat vnder vns, vor dirre verbüntnisse geschadiget hette, vnd wir alle die vorgenanten stette, oder dekeine vnder vns, von dez selben angriffes wegen widervmbe angegriffen wurdent, von den, die vns vor der vorgeschriben verbüntnisse geschadiget hettent, oder ane daz, die vorgenanten stette angegriffen wurdent in dem vorgenanten zil, von den, die sie von dirre verbüntnisse geschadiget hant, uffe den, vnd uffe die, füllent die vorgenanten stette uffe den eit beholfen fin, in alle wise, alfe zuo den criegen, die sie in den vorgenanten ziln gewinnent, vnd ensol noch enmag sich keine stat da mitte geschirmen, daz fie spreche, ez si von eins alten crieges wegen, ane alle geuerde.

So ist ovch beret vnd überein komen, wer daz dekeine stat vnder vns geschadiget wurde, in den vorgenanten ziln oder vzwendig den ziln, von iemanne, der innewendig den vorgenanten ziln gesessen weri, vnd daz der rat der stette, oder daz merreteil in dem rate uffe den eit erkantent, daz sie geschadiget weri wider dem rehten, vnd daz man ir vnreht dete, vnd daz reht von in verspreche, der füllent die andern stette beholfen sin, vffe den eit, gelicher wife, alfe in daz vnreht oder schade widervarn weri. Doch sol die stat, die da geschadiget ist, verbotscheften der nehsten stette, da der schade geschehen ist, daz si geschadiget sie, vnd sol denne die stat, der ez verbotscheft wirt, alse da vor geschriben stat, vürderlichen, vnd ane vürzog, uffe den eit, die angriffen, die den schaden hant getan, daz ez gerihtet werde ane alle geuerde, vnd sol ovch die stat, der ez verbotscheft wirt, alse da vorgeschriben stat, defeine der andern stette darzuo manen, fi erkenne dans ne uffe den eit, daz si ez alleine nüt betwingen enmüge, vnd wenne si daz erkennet, weliche stat sie danne manet, die sol darzuo uffe den eit beholfen sin, alse da vorgeschriben stat, ane alle geuerde. Wer ovch, daz ieman der vorgenanten stette ́dekeinre schaden dete in den vorgenanten ziln, dem sol man in den vorgenanten stetten keinen veilen kovf geben, vnd keime ovch einre in der vorgenanten stette defeine, der eine derselben stette geschadiget hette, den sol die stat angriffen da er in fomet, in alle wise, alfe in der schade geschehen weri, da nach, so ez ir verkundet wirt von der stat, die da geschadis det ist. Geschehe ovch, daz ieman, er si ritter, herre oder kneht, oder wer er ist, der vorgenanten stette einre schaden dete in dem vorgenanten zil, vnd im verbotscheft wurde, von der stat die er geschadiget het, daz er wider dete, widerdete er danne nüt, uffe den, vnd uffe die, sol man beholfen sin, alse da vor geschriben stat, vnd wer in enthaltet, huset, oder houet, oder im ratet oder hilfet, mit worten oder mit wergs gen, uffe den, vnd uffe die, fullent die vorgenanten stette beholfen fin, uffe den eit in alle wife, alfe uffe den, der den schaden het getan, vnd uffe alle die so die stat erkennet, der Schreibers Urk. Buch.

18

der schade geschehen ist zuo den si reht hant. Waz crieges ovch in den vorgenanten ziln uferstünde, vnd die wile dise verbüntnisse wert, vnd von einre der vorgenanten ftette angeuangen, oder begriffen wurde, der stette sol man beholfen sin, alse lange vng der crieg versuonet wirt. Ez ist ovch nemmelichen beret, daz dekeine stat der vorgenanten stette, dekeime künige noch herren beholfen sol fin, von dirre verbüntnisse wegen, sie tuont ez danne gerne, wer aber, daz dekeine stat der vorgenanten stette, dekeime künige, oder herren dienen wolte, waz der stat in dem dienste geschehe, darzuo füllent die andern stette nüt beholfen sin, sie tuont ez danne gerne. Man ensol ovch dekeinen herren noch stat in dise verbüntnisse enpfahen, die vorgenanten stette fint ez danne einhelleclichen überein komen, vnd trument, daz ez nüge vnd guot si. Wurde ovch eine stat der vorgenanten die andern manen, daz sie ir ein gesinde lühe zuo lantwere, der fol man nüt me lihen, danne vierzig helme, man tüge ez danne gerne, vmbe minre mag si ovch wol manen, und weliche stat die andern also manti vmbe ein gesinde, die sol dem gesinde halben kosten vnd schaden geben, die wil ez in irme dienste ist, obe dem gesinde dekein schade geschit an sinre habe, die ez darbringet, vnd sol ovch der, der da geschadiget ist, den schaden mit fines einiges hant beheben, vnd sol man dem ovch dar vmbe geloben ane alle geuerde. Wurde man aber ze felde ligen, so sol ie die stat iren fundern kosten haben, ane geuerde. Weliche stat die andern manet zuo eime fesze, eine vesten ze gewinnende oder ze schadende, den kosten, den man vor der vesten habende wirt, mit grebern, mit dumbelern, mit werggen, mit werglüten, oder mit anderm buwe, der darzuo gehört, sol die stat liden, die da gemant het. Doch wurde ein sesz an den stetten, daz einre stat gelegen weri, die nűt gemant hette, so sol doch die stat, die dem sesze gelegen ist, alse da vor geschriben stat, irü werg, vnd andern iren gezüg dar schicken, obe man sin bedarf, alse iren eren wol anstat, ane geuerde. Mante ovch eine stat die andern zuo eime vfzoge, oder zuo eime sesze, da sol die stat, die da gemant

« ZurückWeiter »