Abbildungen der Seite
PDF
EPUB

alse da vorgeschriben stat. Ist ovch den vorgenanten herren von Üsenberg, oder den iren, kein schade beschehen, von den vorgenanten von Friburg, oder von den iren, emals, e, si einander widerseitin, das sol ovch stan an den drin, waf die heissent, oder der mer teil vnder in, das füllen si stete han, ane alle widerrede. Es ist ovch berret, obe der vorgenanten drier dekeiner sturbe, oder abe gienge, in dekeinen weg, das got wende, so sol der teil, von deswegen er dar ist gegeben, einen andern alse guoten dar geben, in den nehsten ahte tagen ane alle geuerde, an des stat, der da abe gegangen ist, vnd sol sich der dar zuo binden, in allewis, alse · der vorder getan hatte. Vnd def zuo eime offenen vrkunde, so han wir vnser ingesigel gehenket an disen brief. Wir die vorgenanten, graue Cuonrat herre ze Friburg, Friderich sin sun, Dietrich von Endingen ein ritter, Johannes vnd Walther, gebruodere von Endingen, veriehen mit disem gegenwertigem brieue allef, das da vor von vns geschriben stat, das wir das gesworn haben zuo den heiligen, vür vns, vnd alle vnsere fründe, dienere vnd helfere, stete ze haltende, ane alle geuerde. Vnd das dis war vnd stete belibe, so han wir ovch vnserü ingefigele, mit des vorgenanten vnsers herren, des herzogen ingefigele, gehenket an disen brief. Wir Burcart vnd Gebehart gebruodere, herren von Üsenberg, die vorgenanten, verichen mit disem gegenwertigem brieue alles, das hie vor von vnf geschriben stat, das wir das gesworn haben zuo den heiligen, vür vns, vnd alle vnser fründe, die ner vnd helfere, siete ze haltende, ane alle geuerde. Brechin wir das, da vor got si, so sin wir erlof, vnd meineidig, vnd das dif war, vnd stete belibe, so han wir ovch vnserü ingefigele, mit des vorgenanten vnsers herren, des herzogen ingefigel, gehenket an difen brief. Wir der vorgenante burgermeister, der rat, vnd die burger gemeinliche, der stette ze Friburg, geloben mit disem brieue, stete ze habende, allü dü ding, dü da vor von vns geschriben sint, mit guoten trümen, ane alle geuerde, vnd das dif war vnd stete belibe,

so han ivir vnferre stette ingesigel, mit der vorgenanten hers ren ingesigele, gehenket an disen brief. Wir ovch, die vors geschribenen teile, bitten beiderfite, den erwirdigen her. ren, vnsern herren, bischof Johannesen von Strasburg, die edeln herren, graue Ruodolfen von Nidovwe, vnd herren Otten herren von Ohfenstein, lant voget ze Elsasse, wand si bi disen tegedingen fint gesin, das fi irü ingefigele zuo eime vrkünde an disen brief henkent. Wir der vorgenante bischof Johannes von Strasburg, graue Ruodolf von Nidovwe, vnd Otte herre von Ohsenstein, han durch bette der vorgenanten herren, vnd teile, vnserü ingesigele, ze eime vrkunde der vorgeschribenen dinge gehenket an disen brief. Der wart gegeben, ze Kenzingen, an dem nehsten cinstage vor sante Georien tage, do man zalte von kristes gebürte.. drüzehen hundert iar.. dar nach in dem zwei vnd zwenzigostem iare.

Wir tüpolt von gottes gnaden herzoge ze Öfter,

riche, vnd ze Styre, tuon kunt, mit disem gegenwertigem brieue, allen den, die in lesent.. oder hörent lesen. Daf wir getröstet hant, vnd ovch tröstent, die edeln vnser lieben Öheime, grafen Cuonraten, herren von Friburg, Friderichen sinen sun, ir dienere, vnd ir helfere, den burgermeister, den schultheissen, den rat, die burgere, die stat ze Friburg in Brisgöwe, vnd die iren gemeinlichen, Dietrichen von Endingen einen ritter, Johannesen vnd Walthern gebruödere von Endingen, ir fründe, ir helfere, vnd ir dienere, vür vns, vür herzogen Albrechten, herzogen Heinrichen, herzogen Otten, vnser lieben bruodere, vnd vür alle die vnseren diener vnd helfere. Obe es ge= schehe, das got wende, das die edeln, Burch art, vnd Gebehart herren von Üsenberg, vnser getrüwen, ir helfere, diener, vnd ir lüte, die fuone, die wir zwis

schent den vorgenanten grauen Cuonrate vnd Frideriche, der stat von Friburg, den von Endingen, iren fründen, vnd allen iren helfern, dienern, vnd den iren, den vorgenannten, Burcharte vnd Gebeharte, iren fründen, helfern, dienern vnd lüten gemachet hant, alse die brieue ftant, die darüber gemachet vnd geschriben fint, vnd verfigelt mit vnferme ingesigel, vnd anderre herren die da bi waren, brechint an keinem ende, oder da wider tetint, oder nüt stete hettint, allü dü ding vnd dü stucke, die an den vorgenanten brieuen ftant, vnd die drie heissent, oder der merteil vnder in, die an denselben brieuen benemet sint, so füln wir, noch vnser vorgenanten bruodere, vnser helfere, vnser dienere, noch die vnsern, den vorgenanten, von Üsenberg, vnd den iren, helfern vnd dienern, in enkeinen weg beholfen fin, mit vns selber, noch mit den vnse ren in enkein wis, ane alle geuerde. Vnd des ze einer bestetegunge, so hant wir disen brief mit vnserm ingesigel be figelt. Der wart gegeben ze Colmer, an fante Georien tage, do man zalte von gottes gebürte, drüzehen hundert iar, dar nach in dem zwei vnd zwenzigesten iare.

Wir Fridereich von gottes gnaden romischer chunig alle

zit ein merer des riches, tuon chunt mit disem gegenwertigen brief, allen den die in lesent, oder horent lesen, daz wir getröstet hant, vnd auch trösten die edeln, vnser lieben Öheime grauen Chuonraten herren von Friburg, Friderichen seinen fun, ir diener, vnd ir helfere. . den purgermeister.. den schultheis.. den rat.. die purger, vnd die stat ze Friburg in Brisgowe, vnd die iren gemeinlichen, Dietrichen von Endingen einen ritter, Johansen vnd Walthern gebrüder von Endingen, ir fründe, ir helfere vnd ir diener, ob ez geschehe, daz got wende, daz die edeln Burchhart vnd Gebhart gebrüder herren von üfenberg, vnser getruwen, ir helfer diener vnd ir lüte, die fuone, die der hohe fürste hers

Bog küpolt ze Osterrich, vnd ze Steyr vnser lie ber bruder, zwischent den vorgenanten, graue Chuonraten vnd Friderichen, der stat von Friburg, den von Endingen, iren fründen vnd ir aller helfern, dienern vnd den iren, den vorgenanten Burcharten vnd Gebeharten, iren fründen, helferen, dienern vnd lüten gemachet het, also die brief stant, die dar vber gemachet sint, vnd versigelt, mit vnsers vorgenanten bruder herzog Lüpoldes insigel, vnd mit ander herren insigel, di da bi waren, brechin an chainem ende, oder da wider tetin, oder nicht stete heten daz, also die vorgenanten brief stant, vnd die drie haissent, oder der merteil vnder in, die an denselben briefen benennet fint, so sullen wir den vorgenanten von Üsenberg, iren helferen vnd den iren, in enkeinen weg, mit vns, noch mit den vnsern beholfen nach beraten sin, ane alle geuerde. Vnd dig ze einem offenem vrchunde haben wir disen brief verfigelt mit vnserm insigel. Der ist geben ze Cholmaren, do man zalt von Christes geburde, dreuzehen hundert iar, zwai vnd zwaingig iar, an sant Görgen tag. Vnsers riches in dem achten iar.

An allen drei Urkunden mangeln die Siegel.

CXVIII.

Ausspruch der Schiedsrichter im Uesenberger Kriege.

(19. Juni 1322.)

Alen die disen brief sehend, oder hörend lesen, künde vnd

vürgih ich herr Lütold von Krenkingen, ain früer herre, vmb die misshellunge, so der edel herre graue Cvonrat von Friburg, vnd die burger gümainlich von Friburg, vnd die edeln lüte von Endingen, herr

Dietrich, vnd Johans vnd Walther, hatten gegen den edeln herren, herrn Burchart, vnd Gebhart sinem bruoder von Üsenberg, güsezzüt hatton vf mich, den vorgünanden herrn Lütold von Krenkingen, vnd an den Waffeler von Eggrich, vnd an den erbern ritter herren Heinrich von Munzingen. Dar vmb sprich ich der vorgüschriben herr Lütold, vmbe den tötslag der da büschach an herrn Thomanne von Endingen, vnd Johanse vnd Brudder Walther von Endingen. das die von Üsenberg, der ieglichem, die da vor güschriben stand von Endingen, vnd erslagen find, ain ewig messe vnd ain ewig licht machen son, vnd füln die drüe messen vnd dü drű liehter gümachot werden, in dem lande zvó Brifgowe, swa es die vorgünanden von Endingen günämend, also das fü ewig fin. Vnd füln ovch die vorgüschribenen von Üsenberg, ufgeben ain guot, das drühundert march werd ist, vnd ir aigen ist, dem edeln herren grauen Cuonrat von Friburg, vnd ze lehen von im wider en phahen, vnd sol der vorgünande herr Gebhart von Üfenberg, varn über das engelsche mer inrend iares frist, vnd niemer her wider kommen, e das in graue Cvonrat von Friburg der vorgünande haissüt her wider varn. Wär aber, das er in niht har wider laden wolte, swenne er danné ainen manod da bülibüt, so hat er güwalt har wider ze varnde. So heisse ich ovch, der vorgünande herr Lütold, die vorgünanden von Üsenberg vnd ir burger von Endingen, den vorgünanden, herren Dietriche, vnd Johansen, vnd Walthern, von Endingen, zvo befferünge geben, drühundert march filbers friburger güwihtüs, zuo sant Martis tag, der nu nähst kuműt hundert march, Darnah über ain iar hundert march, vnd darnah aber über ain iar hundert march, vnzind das fü ganzlich güwert werdent. Ich der vorgüschriben herr Lütold erkenne mich vmb den schaden, der den burgern von Friburg güschehen ist, das die von Üsenberg befferon und wider tuon füln, des müllers fun von Zürich, der ir burger ist, vmb fin förn,

« ZurückWeiter »