Abbildungen der Seite
PDF
EPUB

vnserm gotteshuse des vorgenanten spitals nüt mvgen gewarten. alse wir gerne tetin oder alse daz gotteshus notdürftig weri. so besezzen wir nv das mit einhelligem bedahtem rate.

Daf vier burgere. von dem rate. des spitals pfleger hinnanhin ewecliche. heissen vnd sin svn. vnd sol die der gemeine rat fezzen vnd entsezzen. vnd swenne einer enist. so sol der gemeine rat in eime manode einen andern der dem spitale wol füge an des stat sezzen. vnd sol der gemeine rat oder die vier pflegere einen burger von dem rate ze Friburg der des spitals meister heiffe vnd si. erwellen. sezzen. vnd entsezzen. der sü denne dunket mit guoten trüwen ane alle geuerde dem spitale aller beste vnd aller nüzzest.

Mit dirre fünver rate vnd willen oder des merteiles von in sullen alle grosse vnd endeliche sachen berrihtet werden. ze dem spitale steteclich.

Dirre obroste meister sol mit der vier pfleger willen vnd rate einen schaffener oder einen vndermeister in dem spitale von den bruodern die in dem spitale stete pfruonde vnd wanunge hant erwellen. fezzen. vnd entsezzen.

Dis selbe sezzen vnd entsezzen. sol derselbe meister tuon getrülich. mit guoten trüwen ane geuerde. niemanne ze liebe noch ze leide. alse es denne den dürftigen vnd dem spitale aller beste füget mit allen ametlüten in dem spitale vnd of den höuen.

Dirre selbe obroste meister sol alleine des spitals ingestgel han. vnd sol das an enheinen brief vmbe gelt oder vmbe lipgedinge oder vmbe dehein redelich fache leggen ane der vier pfleger willen vnd rate.

Die vorgenanten vier pfleger füln den gewalt han. das si stete pfruonda. priestern. frovwen. vnd mannen. fiechen vnd gefunden in dem spitale geben mugen. vnd ane sü oder Den meren teil von inen sol das nieman tvon.

Dieselben pfleger mugen ovch verkovfen vnd kovfen dur besserunge oder notdurft des spitals. eigen. vnd erbe. lipgedinge. vnd gelt. vnd ane iren willen oder rat sol das nieman tuon, Swem ovch die pfleger stete pfruonde in vnserm

gotteshuse des spitals gebent. er fi pfaffe oder leye. man oder frovwe. der sol geloben das er den pflegern. vnd der meisterschaft die si in dem spitale gesezzet hant die wile er lebet gehorsam ze finde aller guoter erberer dinge. vnd sol ovch geloben bi finer trüwe. vnd vf fine sele den spital vnd alle fine fachen ze werbende vnd ze fürdernde. mit räten. mit worten. vnd mit werken mit guoten trüwen ane alle geuerde. vnd swas er guotes het ligendes vnd varendes das sin ist. das sol dannanhin so er in den spital kumet. des spitals eigenliche fin. vnd sol er ane der pfleger vnd der meisterschaft vrlop nït da mitte tuon kovfen noch verkovfen.

Die meisterschaft sol ovch dem. swem man in dem spitale ewige pfruonde gelobet. er si pfaffe oder leye. man oder frovwe. gewant vnd spise die notdurft alse denne gewonlich vnd zimlich ist nach siner masse iegelichem geben. Die vier pfleger füllen ovch ze dem minnesten einest oder zwirunt in dem iare mit dem obrosten meistere vnd mit dem schaffenere vor den ametlüten vnd der bruoderschaft vmbe korngelt. wingelt. pfenninggelt. zinse. vnd lipgedinge. vmbe koste dü vf den bu gat. vnd koste dü in dem spitale ist. rechenunge han, vnd hören.

Der obroste meister sol disen gewalt in dem spitale han swer denne meister da ist. das er sol alle manode einest rechnunge hören. von dem schaffener von dem bruche vnd der koste die des manodes vf den spital vnd vf des spitats höuen an baren pfenningen gegangen ist.

Vnd swenne der meister rechenon wil. so sol er der pfle ger ettelichen da bi ime han ob er mag. vnd von dem spitale ovch pfaffen vnd leyen. die da stete pfruonde hant. das fi die rechenunge hören.

Der meister sol ovch dü iargezit di man in dem spitale sol began eime beuelhen er si pfaffe oder leye. der ime gebe rechenunge ze dem manode. vor den vorgenanten da von dem das er enpfangen vnd vs gegeben het. vnd derselbe sol geloben. dem meistere mit finer trüwe. vnd of sine sele allü dü iargezit ze begande dü da befezzet fint oder noch

befezzet werdent. oder dü der spital gelobet het ze begande. dü sol er began. alse es denne den dürftigen aller nüzzest ist mit guoten trüwen ane geuerde. vnd swem dű iargezit beuolhen werdent dem sol man alle die baren pfenninge antwürten, die von der obrun badestubun vnd von dem oppfer das vf dem spitale wirt koment. vnd swa da gebristet da sol der meister von dem kelre. vnd von dem kornhuse. dü iariargezit heiffen vollezügen mit rehter rechenunge ane alle geuerde.

Man sol ovch alleine dü iargezit began dű kuntlich sint von lebenden lüten oder von besigelten brieuen. das si also ze begande besezzet fint.

Swem ovch der obrost meister des spitals dehein ambet beuilhet der sol es ane widersprechen enpfahen. und lan. vnd sol dem meistere bi finer trüwe vnd bi finer sele geloben die wile er an dem ambte si des spitals gemeine nuz ze werbende mit worten vnd mit werken mit rehten trüwen ane ge= ̈ uerde. vnd fol ime selber nüt werben ane der pfleger oder des obrosten meisters funderlich vrlop vnd gunst.

Der obrost meister sol ovch alleine gewalt han ze enpfahende arme fiechen in den spital. vnd vrlop ze gebende. so fi gefunt werdent.

Der meister sol ovch fragen swen er in den spital enpfahet ob er wileclich dem spitale welle geben swas er het. ist das er in dem spitale stirbet.

Der obrost meister sol ovch der siechmeistrinun. dem kelner. dem kuchimeistere. dem brotmeistere. die ligenden siechen in dem spitale stetecliche beuelhen. also. das si mit dem so fi denne vnder handen hant. den dürftigen das beste tvon nach irre notdurft mit guoten trüwen ane geuerde. vnd vf ir sele. alse vil si kunnen vnd mugen.

Swer ovch in dem spitale ze ewiger pfruonde enpfangen wirt er si pfaffe. frovwe oder man. der fol an gewande zimlichen erbern schin nüt ze kostbern nach der pfleger willen vnd rate ftetecliche tragen. vnd sol sinü cristanü reht in dem spitale empfahen nach der cristenheit gebot vnd sol gottes

diencst da hören. vnd sol des spitals meisterschaft gebunden vnd gehorsam sin stetecliche. aller guoter erberer dinge. vnd sol ovch die buosse liden getultecliche die ime die meisterschaft. vmbe deheine missetat vf sezzet. mit folichem vnderscheit das man mit der pfleger rate grosse buofse sezzen sol alse vmbe vnküschekeit. vmbe schedilichü ding dem spitale. oder vmbe grosse missetat. dü vnuertregenlich sol fin. dar vmbe du meisterschaft einen man oder ein frovwen ein iar. oder ein halp iar. oder einen manot in einen kerker legen sol nach der pflegere heissunge. vnd rate. aber vmbe andrü minrü ding sol der obrost meister vnd der capplan den die pfleger darzuo von den andern erwellet hant buofse sezzen swenne si es verschuldent. Es si man oder frovwe. die in dem spitale stete pfruonde hant. alse vmbe schedelich liegen oder hefsigen zorn. oder freuel. vngehorsami. swern. schelten. fluochen. oder andrü vnzimlichü schedelichü ding. dü wider got oder wider den spital oder wider die meisterschaft oder wider erber guote fitten fint. dar vmbe man eime. fleisch. oder win. einen tag. oder zwene. oder ein wochun verbieten sol oder me. nach finer schulde. oder sin buosse sol sin. das er in der kinde stubun esse einen tag. oder zwene. oder ein wochen. oder me. nach finer schulde. vnd sol man dise buosse gemeinliche liden.

Man sol ovch die capplane die in den spital ze steter pfruonde vnd wanunge enpfangen fint mit vnsers herren. des Bischoffes von Coftence oder fines. officiales wissende vnd rate vmbe redeliche sache die wider got. oder wider den spital ist. ze buoffe sezzen.

Swaf ovch deheine capplane vf des spitals cappellun. barer pfenninge wirt so er ze der messe gegerwet ist die füln zuo dem oppfer hören das der dürftigen ist. Swaf ovch deheinem cappelane von gefunden oder von siechen über einen driffigosten wirt das sol er der siechmeistrinun an der siechen stat entwürten das si die siechen damitte tröste. flissecliche.

Der schaffener. vnd der schriber füllen des spitals zinse

empfahen beide vnd enwedre ane den andern. vnd füllen dem obrosten meistere da von rechenunge geben.

Man sol ovch mit anschribende der zal win vnd korn ze ernen vnd ze herbeste iergelich empfahen.

Swer ovch in den spital varn wil. ewecliche da ze belibende er fi pfaffe oder leye. man oder frovwe. der so vil guotes dem spitale lidecliche git oder sicherlich machet, das er da mag sin ane des spitals schaden den mugen die vorgenanten pfleger der vorgeschribenun gesezzede alse sü dunket bi guoten trüwen das dem spitale ane schaden si vnd besser getan denne vermitten. vnd swes sich denne der spital also gegen iemanne verbindet. oder ieman gegen dem spitale. da sol man brieue besigelt mit der burger ingesigel geben vnd

nemen.

Man sol ovch ze dem spitale stete vnd war lan swas ieman da gelobet ist. des er brieue oder lebende gezüge het.

Wir nemen ovch den spital in vnsern funderlichen schirm. rat. vnd helfe. hinnanhin ewecliche. vnd swas da vor geschriben stat. Das han wir. der vorgenante rat maht ze wandelende vnd ze endernde swenne wir wellen. vnd ze einem vrkünde allef dis vorgeschribenen dinges. so han wir vnferre vorgenanten gemeinde ingesigel gehenket an disen gegenwertigen brief.

Dis geschach vnd wart dirre brief gegeben ze Friburg in dem rathuse vor offenem rate. in dem iare, do man zalte von gottes gebürte. drüzehen hundert iar. vnd ahtzehen iar. an sante michelf tag.

Heinricus de Werdemberg, prepositus sancti Johan

nis et canonicus maioris ecclesiarum Constantiensium, vicarius reverendi in Christo patris domini Gerhardi Dei gratia Constantiensis Episcopi in spiritualibus et temporalibus generalis, dilectis in Christo appatibus, prepositis, prioribus, decanis, camerariis, ceterisque ecclesiarum et capellarum rectoribus, eorum

1

« ZurückWeiter »