mihi, quam doctas nunc habet ille manus! pecudes, velut ante, petit: fixisse puellas restit et audaces perdomuisse viros.
c iuveni detraxit opes, hic dicere iussit Limen ad iratae verba pudenda senem:
75 Hoc duce custodes furtim transgressa iacentes Ad iuvenem tenebris sola puella venit Et pedibus praetemptat iter suspensa timore, Explorat caecas cui manus ante vias.
A miseri, quos hic graviter deus urget! at ille Felix, cui placidus leniter adflat Amor. Sancte, veni dapibus festis, sed pone sagittas
Et procul ardentes hinc precor abde faces. Vos celebrem cantate deum pecorique vocate. Voce palam pecori, clam sibi quisque vocet. $5 Aut etiam sibi quisque palam: nam turba iocosa Obstrepit et Phrygio tibia curva sono.
Ludite: iam Nox iungit equos, currumque secuntur Matris lascivo sidera fulva choro,
Postque venit tacitus furvis circumdatus alis Somnus et incerto Somnia nigra pede.
Quisquis ades, lingua, vir mulierque, fave. Vrantur pia tura focis, urantur odores, Quos tener e terra divite mittit Arabs. 5 Ipse suos Genius adsit visurus honores, Cui decorent sanctas mollia serta comas. Illius puro destillent tempora nardo,
Atque satur libo sit madeatque mero, Adnuat et, Cornute, tibi, quodcumque rogabis. 10 En age, quid cessas? adnuit ille: roga. Auguror, uxoris fidos optabis amores:
Iam reor hoc ipsos edidicisse deos.
Nec tibi malueris, totum quaecumque per orbem Fortis arat valido rusticus arva bove,
Nec tibi, gemmarum quidquid felicibus Indis Nascitur, Eoi qua maris unda rubet.
Vota cadunt. viden ut strepitantibus advolet alis Flavaque coniugio vincula portet Amor,
Vincula, quae maneant semper, dum tarda senectus Inducat rugas inficiatque comas.
Hac veniat natalis avi prolemque ministret, Ludat et ante tuos turba novella pedes.
Rura meam, Cornute, tenent villaeque puellam: Ferreus est, heu heu, quisquis in urbe manet. Ipsa Venus laetos iam nunc migravit in agros, Verbaque aratoris rustica discit Amor. O ego, cum aspicerem dominam, quam fortiter illic 5 Versarem valido pingue bidente solum Agricolaeque modo curvum sectarer aratrum, Dum subigunt steriles arva serenda boves! Nec quererer, quod sol graciles exureret artus, Laederet et teneras pussula rupta manus. Pavit et Admeti tauros formosus Apollo,
Nec cithara intonsae profueruntve comae, Nec potuit curas sanare salubribus herbis: Quidquid erat medicae vicerat artis amor. Ipse deus solitus stabulis expellere vaccas
Et miscere novo docuisse coagula lacte,
[Lacteus et mixtus obriguisse liquor.] Tum fiscella levi detextast vimine iunci, Raraque per nexus est via facta sero. C quotiens illo vitulum gestante per agros Dicitur occurrens erubuisse soror!
O quotiens ausae, caneret dum valle sub alta, Rumpere mugitu carmina docta boves! Saepe duces trepidis petiere oracula rebus, Venit et a templis irrita turba domum:
Saepe horrere sacros doluit Latona capillos, Quos admiratast ipsa noverca prius.
25 Quisquis inornatumque caput crinesque solutos Aspiceret, Phoebi quaereret ille comam. Delos ubi nunc, Phoebe, tuast, ubi Delphica Python? Nempe amor in parva te iubet esse casa. Felices olim, Veneri cum fertur aperte Servire aeternos non puduisse deos.
Fabula nunc illest: sed cui sua cura puellast, Fabula sit mavolt quam sine amore deus. At tu, quisquis is es, cui tristi fronte Cupido Imperitat, nostra sint tua castra domo,
35 Ferrea non Venerem, sed praedam, saecula laudant: Praeda tamen multis est operata malis. Praeda feras acies cinxit discordibus armis : Hinc cruor, hinc caedes mors propiorque venit. Praeda vago iussit geminare pericula ponto, Bellica cum dubiis rostra dedit ratibus. Praedator cupit inmensos obsidere campos, Vt multo innumeram iugere pascat ovem; Cui lapis externus curaest, urbisque tumultus Portatur validis mille columna iugis,
45 Claudit et indomitum moles mare, lentus ut intra Neglegat hibernas piscis adesse minas. At tibi laeta trahant Samiae convivia testae Fictaque Cumana lubrica terra rota.
Heu heu divitibus video gaudere puellas:
Iam veniant praedae, si Venus optat opes; Vt mea luxuria Nemesis fluat utque per urbem Incedat donis conspicienda meis.
Illa gerat vestes tenues, quas femina Coa Texuit, auratas disposuitque vias:
55 Illi sint comites fusci, quos India torret, Solis et admotis inficit ignis equis: Illi selectos certent praebere colores Africa puniceum purpureumque Tyros.
Nota loquor: regnum iste tenet, quem saepe coegit Barbara gypsatos ferre catasta pedes. At tibi dura Ceres, Nemesim qui abducis ab urbe, Persolvat nulla semina certa fide. Et tu, Bacche tener, iucundae consitor uvae, Tu quoque devotos, Bacche, relinque lacus. Haud inpune licet formosas tristibus agris Abdere: non tanti sunt tua musta, pater. O valeant fruges, ne sint modo rure puellae: Glans alat, et prisco more bibantur aquae. Glans aluit veteres, et passim semper amarunt: Quid nocuit sulcos non habuisse satos? Tum, quibus aspirabat Amor, praebebat aperte Mitis in umbrosa gaudia valle Venus. Nullus erat custos, nulla exclusura dolentes Ianua: si fas est, mos precor ille redi.
Horrida villosa corpora veste tegant. Nunc si clausa meast, si copia rara videndi, Heu miserum, laxam quid iuvat esse togam? Ducite: ad imperium dominae sulcabimus agros: Non ego me vinclis verberibusque nego.
Hic mihi servitium video dominamque paratam: Iam mihi, libertas illa paterna, vale. Servitium sed triste datur, teneorque catenis, Et numquam misero vincla remittit Amor, Et seu quid merui, seu quid peccavimus, urit. Vror io: remove, saeva puella, faces. O ego ne possim tales sentire dolores,
Quam mallem in gelidis montibus esse lapis, Stare vel insanis cautes obnoxia ventis,
Naufraga quam vasti tunderet unda maris! Nunc et amara dies et noctis amarior umbrast: Omnia iam tristi tempora felle madent. Nec prosunt elegi nec carminis auctor Apollo:
Illa cava pretium flagitat usque manu. 15 Ite procul, Musae, si non prodestis amanti: Non ego vos, ut sint bella canenda, colo, Nec refero solisque vias et qualis, ubi orbem Conplevit, versis Luna recurrit equis.
Ad dominam faciles aditus per carmina quaero: Ite procul, Musae, si nihil ista valent.
A, mihi per caedem et facinus sunt dona paranda, Ne iaceam clausam flebilis ante domum: Aut rapiam suspensa sacris insignia fanis: Sed Venus ante alios est violanda mihi. 25 Illa malum facinus suadet dominamque rapacem Dat mihi: sacrilegas sentiat illa manus. O pereat, quicumque legit viridesque smaragdos Et niveam Tyrio murice tingit ovem. Hinc dat avaritiae causas et Coa puellis 30 Vestis et e rubro lucida concha mari. Haec fecere malas: hinc clavim ianua sensit Et coepit custos liminis esse canis.
Sed pretium si grande feras, custodia victast, Nec prohibent claves, et canis ipse tacet. 35 Heu quicumque dedit formam caelestis avarae, Quale bonum multis attulit ille malis!
Hinc fletus rixaeque sonant, haec denique causa Fecit ut infamis sic deus esset Amor. At tibi, quae pretio victos excludis amantes, Eripiant partas ventus et ignis opes: Quin tua tum iuvenes spectent incendia laeti, Nec quisquam flammae sedulus addat aquam. Seu veniet tibi mors, nec erit qui lugeat ullus, Nec qui det maestas munus in exequias.
45 At bona quae nec avara fuit, centum licet annos Vixerit, ardentem flebitur ante rogum:
Atque aliquis senior veteres veneratus amores Annua constructo serta dabit tumulo
Et bene' discedens dicet placideque quiescas, Terraque securae sit super ossa levis.'
Vera quidem moneo, sed prosunt quid mihi vera?
« ZurückWeiter » |