invento per fideles nostros regni nostri Jerosolimitani quos ad hoc sub juramento quo nobis tenentur astrinximus, quod supradictum cambium quod expressum non fuerat in privilegio dicti regis, illud videlicet quod Henfridus Juvenis pro Turono et Castro novo tenebat, quod cambium ipsum extiterat septem milia bisanciorum sarracenatorum, et cum Marono et omnibus pertinenciis suis et casalibus antedictis : nos tam Maronum cum pertinenciis suis et Quabrinquen, Belide, Cades, Lahare, Mees, et duo Megeras, quam et predictos septem milia bisancios sarracenatos, jam dictis magistro, et fratribus suis, ac eorum domui supradicte restituimus de nostre gratia majestatis. Quos bisancios statuimus eis recipiendos annis singulis in redditibus cathene et funde nostre Acconensis, medietatem videlicet in redditibus funde et aliam medietatem in redditibus cathene, vel omnes in redditibus funde, si de redditibus cathene deesset; vel omnes in redditibus cathene, si de redditibus funde deesset; vel in aliis redditibus regni nostri Jerosolimitani melius apparentibus, si de redditibus cathene et funde deesset, per quatuor terminos de tribus in tribus mensibus: videlicet per quoslibet tres menses bisancios sarracenatos mille septingentos et quinquaginta. Ad hujus autem rei evidenciam et robur perpetuo valiturum, presens privilegium fieri, et bulla aurea typario nostre majestatis impressa jussimus communiri.

Hujus autem rei testes sunt Raimundus (a) princeps Anthiochie et comes Tripolitanus, Oddo de Montebeliardo comestabulus regni Jerosolimitani, Balianus dominus Sydonis, Johannes de Ybelino, Gualterus de Cesarea, Guarnerius Alemannus, Aymo nepos ejus, Daniel de Talremunde, Helyas de Nazareth, Adam Costa senex, Adam Costa juvenis, et alii quam plures. Acta sunt hec anno dominice incarnationis millesimo ducentesimo vicesimo nono, mense aprilis, secunde indictionis, imperante domino nostro Frederico, Dei gratia invictissimo Romanorum imperatore, semper augusto, Jerusalem et Sicilie rege, anno romani imperii eius nono, regni Jerosolimitani quarto, regni vero Sicilie tricesimo primo, feliciter. Amen. Datum apud Acconem, anno, mense et indictione prescriptis.

(a) Sic in codice; sed legendum Boamundus.

Accon, aprili.

Fridericus, Romanorum imperator, Hermanno magistro et fratribus domus sanctae Mariae Theutonicorum concedit domum in civitate Jerusalem quae fuit quondam Balduini regis, sex carrucatas terrae in territorio ejusdem civitatis et domum cum omnibus pertinentiis quam habuerunt Theutonici ante amissionem terrae sanctae.

(Inedit. in archiv. Berolin., e libr. copiali ord. Theutonic.)

Fredericus, Dei gratia Romanorum imperator, semper augustus, Ierosolime et Sicilie rex. Imperialis excellencie redundat ad gloriam sacrosanctas ecclesias et loca religiosa diligere, et ea dignis beneficiis ampliare, per quod Deo dedicate persone jugiter in laudibus ejus persistant, a quo tam animarum quam corporum cuncta beneficia naciscuntur. Notum igitur esse volumus universis, tam presentibus quam futuris, quod nos meditatione piissima attendentes qualiter sacra domus hospitalis sancte Marie Theotonicorum in Ierosolima, a predecessoribus nostris Romanorum imperatoribus felicibus incohata principiis, per progenitores nostros divos augustos inclite recordationis susceperit incrementum, et per eos nonnullis extiterit beneficiis ampliata; considerantes insuper quod exibemus obsequium Deo dignum, si eorumdem predecessorum nostrorum vestigia prosequentes, circa profectum ipsius domus tam liberaliter intendimus quam libenter; de innata benignitatis nostre gratia et intuitu retributionis eterne ac pro remedio animarum divorum augustorum parentum et predecessorum nostrorum Jerosolimitanorum regum memorie recolende, pro salute quoque nostra, et exaltationis ac glorie incremento, damus et concedimus fratri Hermanno venerabili magistro, fratribus ipsius domus sancte Marie Theotonicorum et successoribus suis, ac eorum domui nominate, domum in civitate nostra Ierosolima, que fuit quondam

Balduini regis Jerosolimitani predecessoris nostri, memorie recolende, sitam in ruga Armeniorum prope ecclesiam sancti Thome, cum omni perprisio et pertinenciis suis et cum orto eidem domui conjuncto, necnon et sex carrucatas terre sive de excadenciis sive [de] demanio nostro civitatis ejusdem, si de excadenciis tantum non poterit inveniri, ubi per territorium civitatis ipsius conveniencius sit eis accipere et habere. Desuper habundanti quoque gratia nostra damus et concedimus prefato magistro, fratribus et eorum domui antedicte domum quam olim Theutonici ante amissionem terre sacre in civitate Jerosolimitana tenebant, cum omnibus pertinenciis suis, juribus et possessionibus et pertinenciis suis, ut ea omnia ab omni servicio libera semper teneant et exempta. Ad hujus autem donationis et concessionis nostre memoriam et robur perpetuo valiturum, presens privilegium fieri, et bulla aurea typario nostre majestatis impressa jussimus communiri.

Hujus autem rei testes sunt Balianus dominus Sydonis, Oddo de Monbeliardo, comestabulus regni Ierosolimitani, Johannes de Ibelino, Guarnerius Alamannus, et Aymo nepos ejus, Aymarus nepos fratris Aymari, de domo hospitalis sancti Johannis, et alii quam plures.

Acta sunt hec anno dominice incarnationis millesimo ducentesimo vicesimo nono, mense aprilis, secunde indictionis, imperante domino nostro Frederico, Dei gratia invictissimo Romanorum imperatore, semper augusto, Ierosolime et Sicilie rege, anno romani imperii eius nono, regni Ierosolime quarto, regni vero Sicilie tricesimo primo, feliciter. Amen.

Datum apud Accon, anno, mense et indictione prescriptis.

Fridericus, Romanorum imperator, Hermanno magistro domus [Accon], aprili. hospitalis Theutonicorum et fratribus ejus concedit et confirmat domum quam emerunt a Joanne de Chonchi pro sexcentis et viginti

marchis argenti et pro alia domo quam ultra marchas dederunt

eidem Johanni, necnon et barbacanam quam rex Johannes eidem domui dedit et terram quae consistit inter murum Acconis et mare cum licentia aedificandi.

(Inedit. in archiv. Berolin., e libro copiali ordin. Theuton.)

Fredericus, Dei gratia Romanorum imperator, semper augustus, Ierosolime et Sicilie rex. Si ad Ecclesias et loca Deo dicata benigne dirigimus aciem mentis nostre, et eorum prospectibus intendimus diligenter, nedum eterne retributionis merita, sed laudis preconia consequimur temporalis. Universis igitur tam presentibus quam futuris volumus esse notum quod nos considerantes honestam vitam et religionem laudabilem fratris Hermanni, venerabilis magistri et fratrum domus sancte Marie Theotonicorum in Ierosolima devotorum nostrorum; attendentes quidem quod quamcunque benignitatis gratiam ad ipsos effundimus, ipsi regi regum omnium exibemus de cujus munere feliciter vivimus et regnamus, de liberalitatis nostre gratia et intuitu retributionis eterne, ac pro remedio animarum divorum augustorum parentum et predecessorum nostrorum Ierosolimitanorum regum memorie recolende, pro salute quoque nostra et heredum nostrorum, concedimus et confirmamus prefato magistro et fratribus domus sancte Marie Theotonicorum et successoribus suis ac eorum domui memorate, domum quam emerunt a Johanne de Chonchi, pro sexcentis et viginti marchis argenti, et pro alia domo quam ultra marchas ipsas argenti dederunt eidem Johanni, sitam juxta ecclesiam Sancti Sepulcri cum omni proprisio et pertinenciis suis, dantes eis licenciam construendi woltam ab alia domo eorum quam prius habuerant, usque ad domum ipsam; ita tamen quod platea publica civitatis que dividit domos ipsas propter hoc nequeat impediri. Concedimus insuper et confirmamus eisdem barbacanam illam quam illustris rex Johannes olim predicte domui concessit et dedit, sicut in ejusdem regis privilegio plenius et apertius continetur, necnon et totam terram que consistit inter murum civitatis nostre Acconis et mare, videlicet a porta que dicitur Gaufridi Torti, usque ad locum illum ubi finit jamdicta barbacana predicte domus cum omnibus statio

nibus que sunt ibi, et ut liceat eis hedificare super eamdem terram quodcunque voluerint hedificium, sine contradictione et molestia alicujus; ita videlicet quod via publica pro omnibus euntibus et redeuntibus ibi debeat remanere. Ad hujus concessionis et confirmationis nostre memoriam et robur perpetuo valiturum, presens privilegium fieri et bulla aurea typario nostre majestatis impressa jussimus communiri.

Hujus autem rei testes sunt Balianus dominus Sydonis, Oddo de Montbaliardo, comestabulus regni Ierosolimitani, Johannes de Ybelino, Garnerius Alamannus, Aymo nepos ejus, Aymarus juvenis, nepos fratris Aymari de domo hospitalis sancti Johannis, et alii quam plures.

Acta sunt hec anno dominice incarnationis millesimo ducentesimo vicesimo nono, mense aprilis, secunde indictionis, imperante domino nostro Frederico, Romanorum imperatore, semper augusto, Ierosolime et Sicilie rege, anno romani imperii ejus nono, regni Ierosolime quarto, regni vero Sicilie tricesimo primo, feliciter. Amen.

Datum apud....., anno, mense et indictione prescriptis.

Fridericus, Romanorum imperator, emit a magistro et domo Accon, aprili. sanctae Mariae Theutonicorum castrum Messeniae et domum quondam Margariti supra portum Brundusii pro sex millibus et quadringentis besantiis saracenatis de cathena et funda Acconis annuatim percipiendis, hoc pacto ut, si solutio non fiat, ipse aliud excambium congruum exhibebit.

(Inedit. in arch. Berol., e lib. cop. supra laudato. Originale adest in arch. Reg. S. Severini apud Neapolim.)

Fridericus, Dei gratia Romanorum imperator, semper augustus, Jerusalem et Sicilie rex. Notum facimus universis tam presentibus quam futuris quod frater Hermannus venerabilis magister domus sancte Marie Theutonicorum in Jerusalem et fratres ejusdem domus devoti fideles nostri

III.

17