FRIDERICI SECUNDI SIVE CONSTITUTIONES, PRIVILEGIA, MANDATA, INSTRUMENTA QUÆ SUPERSUNT ACCEDUNT EPISTOLAE PAPARUM ET DOCUMENTA VARIA. COLLEGIT, AD FIDEM CHARTARUM ET CODICUM RECENSUIT, JUXTA SERIEM ANNORUM DISPOSUIT J.-L.-A. HUILLARD-BRÉHOLLES Gregorius IX papa Friderico Romanorum imperatori electionem de se ipso factam post mortem Honorii nuntiat, monetque ut efficaci studio negotium terrae sanctae peragere satagat; timeat alioquin ne in illa necessitate incidat unde forsan de facili non expediri posset. (Edid. partim RAYNALDI, Annal. eccles. ad ann. 1227, § XVIII. - Quam autem epistolam integram exhibemus ex Regestis a Laporte-du-Theil exaratis, et in Biblioth. Paris. Regia olim dicta asservatis, ann. I, epist. 2.) Gregorius, etc. Friderico illustri Romanorum imperatori, semper augusto, et regi Sicilie, etc. Alto illius qui est sacerdos in eternum, secundum ordinem Melchisedech, consilio agitur ut cum ejus vicarii sibi succedentes vicissim morte prohibeantur diutius permanere, interdum ad sponse ipsius regimen infirmitate circumdati assumantur, ut ex se ipsis cognoscant qualiter infirmis compati debeant et iis qui ignorant et errant valeant condolere, non sibi sumentes honorem, sed tanquam Aaron divinitus evocati, ac manifeste appareat quod non ab homine neque per hominem, sed ab ipso solo qui est benedictus in secula regitur sponsa sua. Sane bone me Laterani, 23 martii. |