Abbildungen der Seite
PDF
EPUB

firmum prebet testimonium veritati ad opinionem distantia, non ignoras. Nam ecce in regno predicto per ministros imperiales nudate privilegio libertatis ecclesie bonis sacris deputatis usibus spoliate flent, quia ipsarum pastores etiam et ministri patres et filii exulare coguntur, carceri mancipantur, et foro ecclesiastico derelicto, in examine vetito actiones suscipere, tallias solvere et bona compelluntur ecclesiastica ut se a vexationibus redimant, exhaurire; et si quando eas contingat pastoris solatio viduari, non permittuntur sibi sponsum eligere et viduitatis vestimenta deponere, donec adulterinis alicujus amplexibus qui non canonice, sed per impressionem electus aut alias intrusus fuerit, extiterint copulate. Ecce ibi catholica fides perit, ex eo heresis inibi precipue vires sumit quod in ecclesias et personas ecclesiasticas officialium oppressione seviente, eedem predicationis ex qua maxime confutantur heretici et catholici roborantur, exercere non possunt officium, quia necessario cetera pars edificii corruit cujus concutitur fundamentum. Ecce de ruina Hierusalem Babylonis menia, de acervo lapidum Sion Agarenorum gymnasia construuntur, et edificia in quibus divinum nomen excolitur, illuc migrare coguntur ubi Mahomet perditus adoratur. Super quo eo crudelio is nos doloris gladius percutit quo fortius incircumcisi quasi in regni medio positi levius fidem catholicam sue possunt infidelitatis veneno corrumpere, quo majora exinde contingunt pericula quod christiani commiscentur eisdem; paganorum contubernia ab ovili dominico greges fidelium abigunt, et Hebrei ab Egyptiis sic oppressi eorum quasi dominio subjugantur. Ecce in dicto regno contra pacis inter te et Ecclesiam reformate federa, quidam nobiles privati castris et aliis bonis suis, uxoribus et liberis captivatis, loca sua proscripti relinquere, domicilia in aliorum transferre coloniam et ad extremam coguntur inopiam devenire. Et dum similis premit afflictio pauperes, id tanto magis Deo displicere putamus quanto fortius ipsos credimus innocentes. Quid plura! in omnibus his Ecclesia tanto majori rubore perfunditur quanto probabilius premissis discordia causam dare preterita creditur, dum illi qui adheserunt Ecclesie plus ceteris contra justitiam opprimuntur. Utinam hec veritatis essent destituta subsidio et mendax inyeniretur quilibet hec

dicendo, ut et audita non credere ac fidem cogeremur a creditis removere! Sed si verius loquimur, jam pro majori parte ista non credimus, de quibus opinione cessante certam scientiam obtinemus. Ceterum ex eo sibi tua serenitas titulum laudis acquirit quod, sicut asseris, mentientibus ut quicquam contra te in renovatione societatis Lombardie (1) in Tuscia vel Verone fuerit per Ecclesiam procuratum, credere dedigneris. Nam si Lombardi vel alii tue metu potentie sibi a futuris student casibus precavere et juxta sapientiam hujus mundi aliquid de Ecclesia pro sua parte disseminant, per quod sibi favorem acquirere moliantur; si Veronensibus ad bonum pacis per venerabiles fratres nostros Reginum et Trevisanum episcopos auctoritate nostra reductis, et nobili viro Johanne Fortibrachio sicut mandaveras ipsorum regimen recipere recusante, nobilem virum comitem Raynerum de Marzan (2) fidelem nostrum, ad nuntiorum utriusque partis instantiam, injuncto ei quod via procedens regia (a) nequaquam ad sinistram vel dextram declinaret, in potestatem duximus providendum, non est quod nobis valeat imputari. Verumtamen sustinere non possumus quin contra eos qui excommunicationum sententiis, juramentis et penis interpositis vilipensis, potestatem qui pure se habuit et de sinceritate fidei ab utraque parte publice commendatur, capere, et pacem non sunt veriti violare, sicut justitia exegit, procedamus. Ceterum si mentiatur iniquitas quod in ultramontanis et Italie partibus Ecclesie studium tuos procuret impedire processus, imperialis utilitatis res expetit ut cum opera contrarium protestentur, ora mentientium obstruas, et auditum eorum qui schismatum zizania seminant ut exinde iniquitatis lucra conquirant, oblocutionibus interdicas. Ad hec quia multiplicatus in aures Apostolice Sedis clamor de regno predicto veniens et usque in celum, sicut credimus, jam ascen(a) Sic in duobus. Verisimiliter per oscitantiam pro recta.

(1) Vide supra p. 796, §§ I et II.

(2) Verci, Stor. degli Ecelini, t. II, p. 100, hunc vocat Raynerus Bulgarellus de Perusia. Qui autem, licet rector pacificus, haud multo post ab Ecelino expulsus est. Cf. VERCI, Ibidem, t. II, p. 169 et seqq.

dens nos de preteriti silentii culpa redarguit et ad tuam excellentiam clamare compellit, ut nostro forsan excitata clamore lacrymas misericordie manu a maxillis abstergere, doloribus populi regni predicti medelam apponere ac plagas ipsius studeat sicut convenit alligare; celsitudinem tuam rogandam duximus attente et monendam quatenus diligenter attendens quantum fame imperiali expediat et ad tui nominis honorem accedat, sic, juxta quod nobis per tuas litteras pluries promisisti, premissa corrigi et ne in posterum similia presumantur facias interdici, quod ecclesie ac homines regni predicti, medela post vulnus habita, post fletum consolatione suscepta, se ab hujusmodi miseriis gaudeant respirare. Si enim volueris rationis diligenter examinare judicium apud tribunal tue mentis, aperte invenies diffinitum quod nos qui tibi hactenus plus justo forsitan deferentes ecclesiis et personis ecclesiasticis justitiam exhibere distulimus, id sine divine majestatis offensa, lesione fame et conscientie nostre dissimulare ulterius non valemus.

Datum Viterbii, II kalendas martii, pontificatus nostri anno IX.

Apud Argentinam, martio.

Fridericus, Romanorum imperator, controversiam inter se et Bertholdum Argentinensem episcopum diu agitatam-per compositionem terminat, qua ipse ab episcopo in feudum recipit civitatem Mulhausen cum aliis possessionibus, castris et advocatiis ibidem expressis, et vicissim eidem episcopo renuntiat in castris et possessionibus, scilicet Altentann, Egensheim, Bernstein, Girbaden, aliisque.

(Edid. SCHOEPFLIN, Alsat. diplomat., t. I, p. 374, ex apographo tabularii episcop. Tabernis.)

In nomine sancte et individue Trinitatis. Fridericus secundus, divina favente clementia Romanorum imperator et semper augustus, Jherusalem

[ocr errors]
[ocr errors]

quam

et Sicilie rex. Ad commune bonum pacis et pro sopienda. majestas simul et devotio juste conveniunt et non minus concordiam justitiam amplectuntur, ut digna sit regnantis majestas et principis devotionis provisio laudabilius per compositionem in his que jure feudali debentur...... serenis affectibus quam eminentia jurium convenire. Hinc est igitur quod cum diu controversia fuerit inter nos ex parte una et dilectum principem nostrum Bertholdum venerabilem Argentinensem episcopum pro parte sua et ecclesie sue ex altera de feudo quod nos pro parte progenitorum nostrorum in bonis ejusdem ecclesie contingebat, et multa fuisset pro tempore hinc inde turbatio, ut felici tempore nostro et diebus ejusdem episcopi pacaretur, dignati sumus inflectere animum, [nosque] et idem episcopus eadem consideratione ductus ad subscriptam compositionem de communi et gratuita voluntate debita solennitate convenimus, prout legitur in sequenti. Primo itaque idem episcopus pro parte sua et ecclesie sue una cum communi assensu fratrum suorum totius capituli, concessit nobis et masculinis heredibus nostris in perpetuum in rectum feudum civitatem Mulhausen cum jure patronatus ejusdem ecclesie, decimis, censibus, cum advocatia, judicio, nemoribus, agris, piscationibus, pratis, pascuis, terris cultis et incultis et cum omni utilitate apparente vel latente nunc existente vel futura, cum omnibus possessionibus, juribus et pertinentiis suis pleno jure nobis de cetero possidendam. Item concessit nobis in rectum feudum castrum et villam Newenburg cum advocatiis cenobiorum in Selden et in Vilmarscellen et cum jure patronatus ecclesiarum, villarum scilicet Anmutingen, Teningen et Newenburg, et quicquid juris habet in eisdem villis necnon cum omni jure, possessionibus et pertinentiis suis, ita plane et integre quemadmodum ipse et ecclesia sua ea usque modo tenuerint, exceptis ministerialibus utriusque sexus militaris conditionis. Item concessit nobis in Molsheim et Muzeche advocatias que debent teneri per nos et heredes nostros, ita videlicet quod quicquid vel qualitercumque ex ejus vel earum pertinentiis exactum fuerit vel acquisitum per nos vel per officiales nostros, inter nos et eumdem episcopum vel alium qui pro tempore fuerit equaliter dividetur. Reservavit insuper in eisdem villis sibi et successoribus suis jus patronatus, decimas, aliaque jura que sui prede

cessores episcopi hactenus perceperunt ibidem; officia vero villicationis ipsarum villarum persone cui volet locabit. Item sub eadem compositione facta est subscripta permutatio inter nos pro parte nostra et heredum nostrorum et eumdem episcopum pro parte sua et ecclesie sue: videlicet quod pro villa de Trenheim cum omnibus juribus et rationibus suis permutavimus vallem de Britztal cum omni jure suo. Item pro villa de Wasselnheim cum omnibus rationibus suis quam recepimus in permutationem ab eodem episcopo propter jus patronatus ecclesie et feuda vasallorum, permutavimus contra advocatiam de Bischovesheim cum honoribus ei pertinentibus ubicumque resideant. Item idem episcopus concessit nobis et heredibus nostris in rectum feudum omnes homines de Westhoven ad ecclesiam suam spectantes, similiter omnes homines in Rodesheim sibi et sue ecclesie pertinentes; etiam nos concessimus ei et ecclesie sue omnes homines apud Zaberniam commorantes. Item idem episcopus concessit nobis et heredibus nostris in feudum quidquid juris habuit in Offenburg, reservatis capitulo jure patronatus ecclesie et censibus que ad eorum prebendas ex antiquo pertinuerunt ibidem, et de predicto feudo investivit nos corporaliter ut est moris, et nos pro eadem compositione solvimus ei mille marcas argenti quas ipse a nobis integre recepisse fatebatur. Item proventus villarum comitie equaliter dividentur. Item pro nobis et heredibus nostris renuntiavimus eidem episcopo et ecclesie sue si quod jus habebamus in castris et possessionibus infra scriptis, videlicet Tanne veteri, Eigensheim, que fuit comitis Alberti de Tagesburg; item castrum Bernstein, Girbaden, Tagesburg, Rheinaw cum omnibus juribus et pertinentiis eorum, ita videlicet quod nulla etiam ratione donationis seu venditionis vel alia aliqua de causa eumdem episcopum aut aliquem successorem suum per nos vel per aliquem alium impediemus vel faciemus aliquatenus impediri. Item pro eo quod idem episcopus recognovit jus nostrum in subscriptis rebus, concessimus ei et ecclesie sue novum castrum Tanne et curtem sitam in Tambach et antiquum pedagium apud Tanne, in statu in quo fuit tempore domini augusti patris nostris imperatoris Henrici memorie recolende. Statutum est insuper generaliter in compositione predicta ut homines nostri et heredum nostrorum, ministeriales nostri et homines eorum non reci

« ZurückWeiter »