CXXII.

Polizeiverordnungen

(21. Jänner 1321.)

Alen den, die disen brief sehent oder hörent lesen, künden

wir.. der burgermeister . . der schultheis . . die vier vnd zweingig.. die zvnftmeister vnd . . der rat von Friburg. Das wir mit einander über ein fin komen, alse hie nach geschriben stat, das nieman, über den wir ze gebietende haben, sol pfenden noch angriffen niemännen, ane des rates urlöb, wan vmbe hürige zinse, tuot es ieman dar über, komen wir des in deheinen schaden, den sol er vns abe tuön, alse verre fin lip vnd sin guot gereichen mag. Nimet ovch ieman urlob vor dem. . rate, vnd wil hinnan varn kriegen, oder anders tuon, daß im füget, der sól, so er yf geuert, in eineni manode, dem ersten, nüt tuön. Vnd söl dar nach nüt me in die stat varn, noch in der stat sin, er noch sin wip,'noch sinű kint, noch fin gesinde, noch nieman der im darzuó hilfet, noch irű ros, noch ir meidene, vnd füln ovch nüt komen ze Klötzzelins tor über die swellun in, noch an den nidern wert, noch vür des Kürneggers wighus deweder gassun har in, nöch vür fant Peters tör über die swellun in, noch vür Buggenrütif tor über die swellun in, noch vür das tor bi den Rüwerinan und über die swellun in. Vnd füln ovch nüt komen of des hein brugge, die über die graven gant. Brichet das deheine; vf den sol der rat setzzen, alse vf ander vnzuht. Brechi er denne das, dar vmbe mag man im zwigülten, vnd drigülten, vnd rehtlos mächen älse vmbe ander vnzuht. Vnd alle die wile er brichet, vnd über die vorgenanten zil ritet oder gat, komen wir des in deheinen schaden, den sol er vns ovch abe tuon, bi der vorgenanten pene. Har über ze einem urkünd, vnd das dis war vnd stette belibe, so hån wir vnser ingesiget gehenket an disen brief. Dis geschach, vnd wart dirre brief

gegeben ze Friburg, in dem rathus vor offem rat, in dem iar, do man zalt von gottes geburtte, drüßenhundert jar vnd vier vnd zweinzig iar, an fant Glerins ahtonden tage.

CXXIII.

Sühne zwischen Breisach und Freiburg.

(25. mai 132 5.)

Auen den die diefen brief ansehent oder hörent lesen, künden wir, der schultheisse, der burgermeister, der rat, die burgere, vnd die gemeinde gemeinlichen von Brisach. Das wir einhelliklichen, früntlichen, lieplichen vnd gütlichen, über ein sint komen, mit den erberen, bescheidenen, vnsern guoten fründen, dem burgermeister, dem schultheis, dem rate, den burgern, vnd der gemeinde gemeinlichen von Friburg in Brifgovw, vnd fü mit vns, vmb alle die missehelle, widerwertekeit vnd ansprache, so wir von rovbe, von brande, oder von keiner hande sache sust oder so, so ieman genemmen kan, dekeine wis gegen in hatten oder haben mochten, ane alle geuerde, vngint hüte an disen dag, da dirre brief gegeben wart, also, das wir das allesament früntliche, vnd liepliche, vnd gütliche haben abgelassen, luterlichen, vnd lideklichen ewikliche, das wir niemer vorderunge noch ansprache me, gegen in darvmb föllen noch wellen haben, dekeine wis ane alle geuerde. Were aber, das gott wende, das dekein vnser burgere, oder vnser földere, oder ieman, über den wir ze gebietende haben, den von in schaden vngent har geschehen ist, das nüt stete wölti han, vnd dawider tuon wölte, vnd vns daronder vngeuölgit wolte fin, swer der were, den füllen wir von vns, von der stat ze Brisach, wisen vnd von vns rihten ane alle geuerde. Vnd sol von Brisach sin, vnd föllen wir wider den fin, mit den von Friburg, mit libe vnd mit guote,

ane alle geuerde, alle die wile, vngint er vmb die sache mit den von Friburg gar vnd genglichen verrihtet vnd vereinbert wirt, vnd so das geschiht, so sol er noch denne, swer er ist der das tuot, darnach innewendig zehen jaren den nehsten nach einander, ze Brisach niemer burger werden, vnd globen ovch wir, dis vorgeschribene ding stete ze habende, mit guoten trüwen ane alle geuerde. Herüber zuo eim vr künde, vnd das dis vorgeschriben ding war vnd stette blibe, so han wir vnsere vorgenanten gemeinde ingesigel gehenket an disen brief. Darzuo ist ovch dirre brief durch vnser bette bedenthalp, mit des edeln vnsers herren graf Cuonrat herren zuo Friburg lantuogtes ze Elsesse vnd ze Brisgovwe ingesigel besigelt, zuo eim vrkunde dis vorgeschri- benen dinges. Wir graf Cuonrat herre ze Friburg lantvogte ze Elsess vnd ze Brisgovw, haben durch der vorgenanten beder teil bette, vnser ingesigele ouch gehenket an disen brief, zuo eim vrkunde dis vorgeschribenen dinges, wand wir selber bi den tagedingen waren, vnd sahen vnd horten, das es also beschach. Dirre brief wart gegeben ze Mengen, im iare do man zalte von gottes geburt, drigehen hundert iar vnd fünf vnd zwenzig jar, an dem Pfingst abende.

CXXIV. und CXXV.

Friedrich von Uesenberg und Heinrich von Schwarzenberg treten in den Dienst der Stadt.

(24. Juli 1325.)

Ich Friderich von Üfenberg tuon kunt allen den, die

disen brief sehent oder hörent lesen. Das ich mit den burgern von Friburg über ein bin komen, vnd si mit mir, also, das ich ir diener worden bin, vnd sol ich in dienen, selbe ahtode, in minem kosten, hinnan ze vnferre frovmen tage

der erren, fo nu nehste komet, vnd von dannan über ein iar, des süln mir zwenne diener abe gan, ze ostren, so nu nehste komet, vnd sol ich in dannan hin dienen, vnzint ze vnferre frovwen mes der erren selbe sehste, wider aller mengelichem, ane wider minen bruøder, vnd die finen, vnd sol ich sizzen in minem kosten, fwa si wellent, in Brisgöwe, vnd sol riten swar si wellent. Har vmbe hant si mir gegeben vierzig marke vnd hundert marke filbers, lötiges friburger geweges, vnd bin ich des selben silbers ganzliche von in geweret, vnd han ich dis vorgeschriben ding gesworn stete ze haltende, einen gestabeten eit ze den heiligen. Har über ze einem vr künde, vnd das dis vorgeschriben ding war vnd stete belibe, so han ich mia ingesigel gehenket an disen brief. Dirre brief wart gegeben ze Friburg, in dem iare, do man zalte von gottes gebürte, drüzehen hundert iar, vnd vünf vnd zwenzig iar, an fante Jacobes des zwelfbotten abunde, in den

ernen.

ch Heinrich herre von Swarzenberg tuon kunt allen den, die difen brief fehent oder hörent lesen. Das ich über ein bin komen mit dem edeln minem herren, grauen Cuonrate herren ze Friborg, vnd mit den burgern von Friburg, vnd si mit mir, also, das ich ir diener wor den bin, vnd sol ich in dienen felbé zehende, mit minem koften, hinnan ze vnferre frowen mes der erren, so nu nehste komet, vnd von dannan über ein iar, wider aller mengelichen, ane wider den edeln minen herren herzogen Lüpolten von Österriche, vnd sol ich sizzen, fwa si wellent in Brifgöwe, mit minem kosten, vnd fol riten swar si wellent. Har vmbe hant si mir gegeben zweihundert marke silberg, lötigef Friburger gewegef, vnd bin ich def selben filbers ganzliche von in gewert, vnd han ich die vorgeschriben ding gesworn stete ze habende, einen gestabeten eit ze den heiligen. Har über ze einem vrkünde, vnd das dis vorgeschriben ding war vnd ftete belibe, so han ich min ingesigel gehenket an disen brief.

Dirre brief wart gegeben ze Friburg, in dem iare, do man zaltę von gottes gebürte, drüzehen hvndert iar, vnd vünf vnd zwenzig iar, an sante Jacobes des zwelf botten abunde in den ernen.

CXXVI.

Verordnung wegen der Gefangenen.

(10. Oktober 1325.)

Wir der burgermeister, der schultheisse, die vier vnd zwen

zig, der rat vnd die burgere gemeinliche von Friburg in Brifgöwe, tuon kunt allen den, die disen brief sehent oder hörent lesen. Das wir gemeinliche ze rate sin worden der dinge dü hie nach geschriben stant. Swer der vnseren geuangen wirt, oder iege geuangen ist, er si burger oder selder, oder swer er ist, über den wir ze gebietende haben, swer den vmbe deheinerslahte guot löset, oder schaffet, oder ratet, oder füget, oder wirbet, defeinwis das er erlöset wirt, das kuntliche wirt, er si burger oder felder, oder swer er ist, über den wir ze gebietende haben, der muos den burgern alse vil guotes geben, alse des guotes ist, dar vmbe der geuangen erlöset wirt, vnd sol dar zuo niemer ze Friburg burger werden. Har über ze einem vrkünde, vnd daf dis war vnd stete belibe, so han wir vnferre gemeinde ingesigel gehenket an disen brief. Dis geschach vnd wart dirre brief gegeben, ze Friburg, in dem rathuse vor offenem rate, in dem iare, do man zalte von gottes gebürte, drüzchen hundert jar, vnd vünf vnd zwenzig iar, an dem nehsten fritage vor sante Gallen tage.