penbach finer tohter man, die vorgenanten rittere, gesworn gestabete eide ze den heiligen, stete ze habende, ane alle geverde. Vnd haben ovch darvmbe gesworne bürgen gegeben, den vorgenanten hern Burcarte dem alten Turner, vnd sinen kinden, vnd den burgern von Friburg, vnd sint dis die bürgen. Her Walther der alte Coler, her Gerhart von Endingen, her Abreht von Valkenstein, her Dietrich von Tüselingen, Her Cvonrat Sneweli, her Herman von Wiswil, her Johannes von Tüselingen, her Cvonrat von Tüselingen, Rittere, vnd Dietrich der Brisger von Mengen, vnverscheidenliche, obe wir dirre vorgeschribenen dinge dekeines brechtin mit defeiner slahte sache. Swenne fi denne darombe gemant werdent, mit brieven oder mit botten, von dem vorgenanten hern Burcarte dem alten Turner, oder von sinen kinden, oder von den borgern von Friburg ane alle geverde, so füln si sich bi irn eiden, die si dar vmbe gestabet gesworn hant ze den heiligen, inwendig den nehsten ahte tagen nach der manonge, entwürten ze rehter giselschaft, alse hie nach geschriben stat. Her Walther der Coler, her Gerhart von Endingen, her Abreht von Valkenstein, her Herman von Wiswil, vnd Dietrich der, Brisger von Mengen, süln leisten ze Friburg inwendig der stat, vnd niemer für die stat komen. Her Dietrich von Tüselingen sol leisten, swa er wil, pfwendig fines huses, vnd sol die wile in sinem huse niemer mal geessen, vnd sol ovch niemer übernehtig dar inne werden. So füln her Cvonrat Sneweli, her Johannes von TüfeLingen, vnd her Cvonrat von Tüselingen leisten ofwendig Friburg der stat, vnd niemer in die stat komen. Alsuf füllent die vorgenanten bürgen die vorgenanton_giselschaft leisten, ane alle geverde, alle die wile, vnzint das ganzliche wirt widertan, alse sich die vorgenanten drie oder zwene von den drin dar vmbe erkennent, vnd heisent, vnd ovch das silber wirt gegeben, alse da vor geschriben stat. Sturbe ovch der vorgenanten drier dekeiner, so füln die zwene

einen andern an des stat nemen inwendig einem manode dem nehsten, vnd süln wir das stete han, vnd süln ime ovch gehorsam vnd gebonden sin alse dem erren, beidü wir vnd vnser bürgen. Stürbi ovch der vorgenanten bürgen dekeiner, so füln wir einen andern bürgen, alse gvoten alse der erre was, ane alle geverde an des stat geben, inwendig einem manode dem nehsten darnach, alse wir dar vmbe gemant werden, von dem vorgenanten hern Burcarte dem alten Turner, oder von sinen kinden, oder von den burgern von Friburg, oder von irem botten, tetin wir des nüt, so süln si vnser bürgen dar vmbe manen, vnd füln sich die dar vmbe entwürten, aber ze rehter giselschaft alse davor geschriben stat, vnd füllent alle alse lange leisten, vnzint wir einen andern bürgen, alse guoten alse der erre was, an des stat geben, ane alle geverde. Wir Walther der Coler, Gerhart von Endingen, Abreht von Valkenstein, Dietrich von Tüselingen, Cvonrat Sneweli, Herman von Wiswil, Johannes von Tüselingen, Cvonrat von Tüselingen, Rittere, vnd ich Dietrich der Brisger von Mengen, die vorgenanten bürgen veriehen alles des so da vor geschriben stat, das wir bürgen fin worden onverscheidenliche, alse da vor geschriben stat, vnd geloben an disem brieue, die vorgenantvn giselschaft, obe es ze schulden komet,' ze leistende vnd ze toonde, alse ovch da vor mit worten bescheiden ist, vnd haben das gesworn stete ze habende, gestabete eide ze den heiligen, ane alle geverde, hinnan ze ostran so no nehste komet, vnd dar nach zehen iar dü nehsten nacheinander, ze leistende vnd ze tvonde, alse da vor geschriben stat. Vnd ich Johannes von Wiswil, vnd ich Dietrich sin son, vnd ich Willeheln von Keppenbach finer tohter man, füln es stete haben iemerme, vnd schuldig fin ze tvonde, alse da vorgeschriben stat, ane alle geverde. Har über ze einem vrkünde, vnd dur das dif alles alse hie vor geschriben stat, war vnd stete belibe, vnd wir ef alles schuldig sin ze tvonde, so han ich Johannes von Wiswil, vnd, ich Dietrich fin son, vnd ich Willeheln von Keppenbach,

finer tohter man, vnd wir die vorgenanten bürgen alle ünferü ingesigele gehenket an disen gegenwertigen brief. Dis geschach vnd wart dirre brief gegeben ze Friburg in Brisgöwe in dem iare, do man zalte von Gottes gebürte drüzehen hvndert iar vnd drü iare, an dem nehsten cistage nach der alton vafenaht.

Sämmtliche Siegel sind noch unversehrt.

LXIX.

Die neue Stadt vor dem Norsinger (Breisacher) Thore.

(26. März 1303.)

Ich Grave Egen herre ze Vribvrch in Brisgőwe,

tvon font allen den, die disen brief an sehent oder hörent le sen, das ich durch bette miner borger ze Vriborch han gegeben, der nüwen stat vor nordinger tor alse dü mvrè vmbe̟ gat vnd dü flos befliesent, ellü dü reht vnd die vriheit die in der alten stat ze Vriborch fint ze niessende vnd ze hande, in allem dem rehte alfe in der alten stat ze Vribvrch, da dü vriheit e nüt enwas. Vnd her vber ze einem offenen waren vrkünde der vorgeschribenen dinge, das du war sin vnd stete beliben, so han ich Grave Egen herre ze Vribvrch min ingesigel an disen brief gehenfet, vnd wart dirre brief gegeben ze Vriborch in Brisgöwe, in dem jare do man zalte von Gottes gebürte drizehen hondert jar vnd drű jar, an dem nehsten zistage nach unser frowen tage in der faften.

LXX.

Verordnung wegen des Gerichtes.

(24. Juli 1303.)

Ich Grave Egen herre ze Bribvrch in Brisgőwe,

vnd wir der schultheisse vnd der borgermeister vnd die viervndzwenzeg, vnd der rat, vnd die borger gemeinlich von Vriborch in Brisgöwe, tvon kont allen den die disen brief ansehent oder hörent lesen. Das wir mit gemeinem rate vnd willen überein sin kommen alse hie nach geschriben stat vmbe daf gerithe, alse man ze hose vnd ze hove gieng vnze har, das man sol ellü dü gebot tvon, die man den borgern vnd den seldern vnd den gesten e tet, vnze har, das sol vnverwandelt sin, wan alleine ombe ze hose vnd ze hove gan, da mag der schvltheiffe die bvrchschaft frönen vnder der lovben, reht alfe ob er ze der borchschaft ze hvse vnd ze hove` gegangen were. Swenne es erteilet wirt, alse es har ist kommen, da zwene vier vnd zwenzeg ze dem minnesten zegegeni fint alse reth ist, vnd swenne das gerithe zergat vnd der scholtheisse vf gestat ane alle geverde, so sol dü borchschaft gefrönet sin, reth_alse der schultheisse vnd zwene vierondzwenzeg ze der bvrchschaft gegangen weren, vnd sol man iegelichem kleger, dem es denne erteilet ist, des gerithes brief geben ze einem offenen vrkünde, das man sin nith vergesse vnd mengelichem fürderlich vnd vnverzogenlich gerithet werde, mit der borger ingesigel besigelt, das dar über gemachet ist. Vnd sol an dem briefe stan, warvmbe der kleger geklaget hat, vnd vmbe wie vil, vnd der schvltheisse, der denne ze Vribvrch schvltheisse ist vnd gerithet hat, vnd wel vier vnd zwenzeg bi im an gerithe gewesen sin. Vnd sol dü borchschaft in gefrönde sehs woken stan, vnd mag ouch der schultheisse dem kleger die borchschaft ze anegüite an dem gerithe geben nach den sehf woken der gefrönde, vnd sol das in allem dem rethe sin, alse ob der schvltheiffe ze der borchschaft gegangen were, vnd sol der kleger die borchschaft

verkovffen, alse er ze rehte sol, vnd sol das dem schuldener konden alse reth ist, vnd es har ist kommen ane alle geverde. Tete aber des der kleger nüt, ond liesse die klage beliben jar vnd tag, das er fi nith vollefürte, so sol im des gerithef brief nach dem jare ́enkein gvot fürbas vmbe die selbe klage sin. Vnd were ovch daß, daß dekein børger in finer bvrchschaft gesef= sen were, vordert das der kleger, so sol der schultheiffe vnd zwene vier vnd zwenzeg, die denne bi im an gerithe sint, mit dem kleger dar gan, vnd sol im rihten von finem gvote, ob ef da ist. Vindet aber der kleger nüt des schyldeners gvotes in finer bvrchschaft, da er inne gesessen ist, so sol im der scholtheisse die borchschaft frönen, vnd sol dü in gefrönde sehf woken stan, alse ovch da vor geschriben stat. Vnd swem die borger def gerithes ingesigel enphelhent, derselbe sol ovch die briefe an dem gerithe geben, vnd sol man dem von iegelichem befigelten briefe vier phenninge briskere geben, vnd sol der schade vffen den schuldener vallen. Vnd her über ze einem offenen vrkünde der vor geschribenen dinge. daß dü stete beliben ane alle geverde, so han ich Grave Egen herre ze Vriborch in Brisgöwe, vnd wir die burger gemeinlich von Bribvrch in Brisgöwe, vnserü ingesigele an disen brief gehenket. Dis geschach vnd wart dirre brief gegeben ze Vriborch in Brisgöwe, in dem jare do man zalte von Gottes gebürte, drüzehen hondert jar vnd drü jar, an fante Jacobes abent des zwelfbotten.

von Strazburg grüßent och di erbern den.. schultheizen, den rat, vnd di gemeinde der burger von Friburg vnfir