Abbildungen der Seite
PDF
EPUB

WHY UNITE TU BANISH CARE.

Air-Let us taste the sparkling wine.
Why unite to banish Care ?
Let him come our joys to share ;
Doubly blest our cup shall flow,
When it soothes a brother's woe ;
'Twas for this the Pow'rs divine
Crown'd our board with generous wine.

Far be hence the sordid elf
Who'd claim enjoyment for himself ;
Come, the hardy seaman, lame,
The gallant soldier, robb’d of fame,
Welcome all who bear the woes
Of various kind that merit knows,

Patriot heroes, doom'd to sigh,
Idle 'neath corruption's eye ;
Honest tradesmen, credit worn,
Pining under fortune's scorn ;
Wanting wealth, or lacking fame,
Welcome all that worth can claim.

Come, the hoary-headed sage,
Suff'ring more from want than age ;
Come, the proud, tho' needy bard,
Starving ʼmidst a world's regard :
Welcome, welcome, one and all,
That feel on this unfeeling ball.

Robert Tannahill.

The following are those Fragments mentioned in pages 40 and 41 of the Essay

THE LASSIE O' MERRY EIGHTEEN.

My father wad hae me to marry the miller,

My mither wad hae me to marry the laird,
But brawly I ken it's the love o' the siller,

That heightens their fancy to ony regard ;

The miller is crooket, the miller is crabbet,

The laird, tho' he's wealthy, is lyart and lean, He's auld and he's cauld, and he's blin' and he's bald,

And he's no for a lassie o' merry eighteen.

O LADDIE, CAN YE LEAVE ME.
O laddie, can ye leave me!

Alas, 'twill break this constant heart,
There's nought on earth can grieve me

Like this, that we must part.
Think on the tender vow you made

Beneath the secret birken shade,
And can ye now deceive me !

Is a' your love but art ?

COME HAME TO YOUR LINGALS. Come hame to your lingals, ye ne'er-do-weel loon, Ye're the king o' the dyvors, the tauk o' the town; As often's the Munonday morning comes in, Your wearifu' daedling again maun begin. Gudewife, ye're a skillet, your tongue's just a bell, To the peace o’gude fellows, it rings the death-knell. But clack till ye deafen auld Barnaby's mill, The souter shall aye hae his Munonday's yill.

BRAVE LEWIE ROY WAS THE FLOW’R, &c. Brave Lewie Roy was the flow'r of our highlandmen,

Tall as the oak on the lofty Benvoirluch,
Fleet as the light-bounding tenants of Fillan-glen,

Dearer than life to his lovely Neen-voiuch ;
Lone was his biding, the cave of his hiding,

When forc'd to retire with our gallant Prince Charlie, Tho' manly and fearless, his bold heart was cheerless,

Away from the lady he aye lov'd so dearly.

I'LL LAY ME ON THE WINTRY LEE.
I'll lay me on the wintry lee,

And sleep amidst the wind and weet,
And ere another's bride I be,

O bring to me my winding sheet !

[ocr errors]

What can a hapless lassie do,

When ilka friend wad prove her foe,
Wad gar her break her dearest vow,

To wed wi' ane she canna' lo'e !

FAITHLESS NANNIE.
Full eighteen summers up life's brae,

I speeded on fu' canny, 0,
Till sleeky love threw in my way,

Young, bonnie fair-hair'd Nannie 0.
I wou'd her soon, I wan her syne,

Our vows o' love were mony 0,
And, O what happy days were mine,

Wi' bonnie fair-hair'à Nannie 0.

AND WAR YE AT DUNTOCHER BURN.

And war ye at Duntocher burn,

And did ye see them a', man!
And how's my wifie and the bairns ?

I ha'e been lang awa, man.
This hedger wark's a weary trarle,

It doesna suit ava, man,
Wi' lanely house, and lanely bed,

My comforts are but sma, man.

THOU CAULD GLOOMY FEBERWAR.

Thou cauld gloomy Feberwar,
· O gin thou wert awa',
I'm wae to hear thy sughing winds,

I'm wae to see thy snaw,
For my bonnie brave young Highlander,

The lad I lo'e sae dear,
Has vow'd to come and see me,

In the spring o' the year.

O HOW COULD YE GANG SAE TO GRIEVE ME.
O how can ye gang, lassie, how can ye gang,

O how can ye gang sae to grieve me
Wi' your beauty and your art, ye hae broken my heart,

For I never, never dreamt ye wad leave me !

MEG O' THE GLEN. Meg o' the glen set aff to the fair, Wi’ ruffles and ribbons, and meikle prepare, Her heart it was heavy, her head it was licht, For a' the lang way for a wooer she sicht; She spak' to the lads, but the lads slippet by, She spak’ to the lassies, the lassies were shy, She thought she might do, but she didna weel ken, For nane seemed to care for poor Meg o'the glen.

NOW MARION DRY YOUR TEARFU' E'E.
Now Marion dry your tearfu' e'e,

Gae break your rock in twa.
For soon your gallant sons ye'll see,

Returned in safety a'.
O wow, gudeman, my heart is fain!
And shall I see my bairns again ?
A' seated round our ain hearthstane,

Nae mair to gang awa ?

DAVIE TULLOCH'S BONNIE KATY.
Davie Tulloch's bonnie Katy,

Davie's bonnie blythsome Katy,
Tam the laird cam' down yestreen,

He socht her love, but gat her pity.
Wi' trembling grip he squeez'd her hand,

While his auld heart gae'd pitty-patty,
Aye he thought his gear and land

Wad win the love o' bonnie Katy ; Davie Tulloch's bonnie Katy,

Davie's bonnie blythsome Katy, Aye she smil'd as Davie wild,

Her smile was scorn, yet mixt wi' pity.

KISSED YESTREEN.
The lassies a' leugh, and the carlin flate,
But Maggie was sitten fu' owrie and blate,
The auld silly gawky, she couldna contain
How brawly she was kiss'd yestreen,

Kiss'd yestreen, kiss'd yestreen,
How brawly she was kiss'd yestreen,
She blether'd it round to her fae and her friend,
How brawly she was kiss'd yestreen.

HEY DONALD, HOW DONALD.
Tho'simmer smiles on bank and brae,
And nature bids the heart be gay,
Yet a' the joys o' flow'ry May,

Wi' pleasure ne'er can move me.
Hey Donald, how Donald !
Think upon your vow, Donald-
Mind the heather knowe, Donald,

Whare ye vow'd to love me.

KITTY O'CARROL.
Ye may boast of your charms, and be proud to be sure,
As if there was never such beauty before,
But, ere I got wedded to old Thady More,
I had dozens of wooers each night at my door,
With their, Och dear! O will you marry me,
Kitty O'Carrol, the joy of my soul !

MY DAYS HAE FLOWN WI' GLEESOME SPEED.

My days hae flown wi' gleesome speed,

Grief ne'er sat heavy on my mind,
Sae happy in my rural reed,

I lilted every care behind ;
I've whiles been vext, and sair perplext,

When friends provid false, or beauty shy,
But, like gude John O'Badenyon,

I crun'd my lilt, and car'd na by.

THE BANKS OF SPEY. Scenes of my childhood, your wanderer hails you, Wing'd with rude storms, tho' the winter assails you, Bleak and dreary as ye are, ye yet hae charms to cheer me, For here amidst my native hills, my bonnie lassie's near mo; 'Tis sad to see the withered lea, the drumly flooded fountain, The angry storm in awful form, that sweeps the moorand mountain; But frae the surly swelling blast, dear lassie, I'll defend her, And frae the bonnie banks of Spey I never more shall wander.

« ZurückWeiter »