Otium, Catulle, tibi molestum est:
Otio exultas nimiumque gestis.
Otium et reges prius et beatas
Perdidit urbes.

LII.

QVID est, Catulle? quid moraris emori?
Sella in curuli Struma Nonius sedet,
Per consulatum perierat Vatinius:
Quid est, Catulle? quid moraris emori?

LIII.

RISI nescio quem modo e corona,
Qui, cum mirifice Vatiniana

Meus crimina Caluos explicasset,
Admirans ait haec manusque tollens,
'Dii magni, salaputium disertum!'

LX.

NVM te leaena montibus Libystinis

Aut Scylla latrans infima inguinum parte
Tam mente dura procreauit ac tetra,
Vt supplicis uocem in nouissimo casu
Contemptam haberes, a nimis fero corde?

LXI.

COLLIS O Heliconiei

Cultor, Vraniae genus,

Qui rapis teneram ad uirum

15

5

5