ci à 44,000 écus d'or en principal, et 2,000 écus pour les dépenses faites pendant sa captivité au château de Taillebourg; autorisant Coëtivy à délivrer au comte et à ses gens les sauf-conduits nécessaires pour se procurer le montant de ladite rançon.

Charles, par la grâce de Dieu roy de France, à tous noz connestable, lieutenans, mareschaux, admiral et autres chiefs de guerre, séneschaulx, bailliz, prévostz, capitaines de gens d'armes et de trait, capitaines aussi gardes et gouverneurs de bonnes villes, citez, chasteaulx, forteresses, pons, perrez, passages, juridictions et destroictz, et à tous noz autres justiciers, officiers et subjectz, amis, aliez et bienveillans ausquelx ces présentes seront monstrées, salut et dilection.

Nostre amé et féal conseiller et chambellan Olivier, sire de Coictivy, séneschal de Guyenne, nous a faict remonstrer que, puis certain temps en çà, nous luy avons faict bailler en garde la personne de Jehan de Foix, chevalier anglois, conte de Candalle, nostre prisonnier, et luy avons donné pouvoir de le mectre à finance et rançon telle qu'il verroit estre convenable au bien de nous. Et depuys, ledit conte de Candalle estant en la garde d'icelluy nostre conseiller, expousant, il luy a faict parler de sa délivrance, en le requérant qu'il le voulsist mectre à finance; et tellement y a procédé que après plusieurs paroles, et que ledit expousant s'est informé de la faculté et puissance dudit de Candalle, il l'a mis et receu à finance à la somme de XLIV escus d'or pour le principal, et ijm escus pour les despens qui avoient par luy esté faictz, à icelle somme paier à certains termes par eulx sur ce prins et accordez ; et par icelluy accord et appoinctement, a [de] plus nostredit conseiller promis audit sieur de Candalle de fournir d'un saufconduit de nous ou de luy mesmes, à donner en son nom de nostre congé et auctorité, durant dix huit moys, pour aller et venir par ledit sr de Candalle partout, tant par mer

1. Ces chiffres, répétés par les divers traités, diffèrent beaucoup de ceux indiqués dans un Inventoire des lettres de mess Olivier de Coettivy... touchant le fait de mons de Candalle. L'article 1er porte que par lettres-patentes de Charles VII, en date du 27 février 1454, estoit dit expressement que ledit mess® Olivier ne pouvoit retenir ledit de Candalle que pour la somme de xvjTM escus et les despens... les queulx se montent iiij escus; [pour lesquels] ledit seigneur ordonna ledit de Candalle estre mis entre ses mains.

...

que par terre, pourchassant le faict de sa finance, portant toutes manières de séellez, obligacions, quictances et autres lettres touchant le faict de sadicte finance, or et argent, bagues, joïaulx et toutes manières de marchandises et autres biens meubles quelxconques, et en sa compaignie jucques au nombre de huit hommes ou personnes, de quelque estat ou condition qu'ilz soient, non pourchassant mal ne dommaige à nous ne à noz subjectz; et deux autres saufconduictz de nous ou de nostredit conseiller pour deux hommes, et à chascun desdiz saufconduictz six hommes en la compagnie desdiz deux hommes ou de l'un d'eux, pour apporter toutes manières de choses pour le faict de ladicte finance, pareilz et semblables à celluy dudit ser de Candalle. Et avec ce ont par luy esté prinses et accordées certaines autres choses plus à plain contenues et déclarées oudit traicté et appoinctement, sur ce faict et signé de leurs mains le vije jour d'octobre dernièrement passé. Et pour ce que, en faisant ledit appoinctement, a tousjours et en toutes choses esté retenu et réservé nostre consentement, il nous a faict supplier que sur ce nous pleust déclarer nostre bon plaisir.

Pour ce est il que nous, ces choses considérées et mesmement ledit traicté et appoinctement, lequel avons fait veoir par aucuns de nostre conseil; considérans aussi que icelluy nostre conseiller a faict en ceste matière le mieulx qu'il a peu au bien de nous; pour ces causes et considérations, et par l'advis et délibération desdictes gens de nostre conseil estans devers nous, avons eu et avons agréable ledit traicté et appoinctement, et voullons qu'il soit exécuté en tant que touche le faict de ladicte finance et des pleiges et termes sur ce prins et accordés, et aussi desdiz saufconduictz ainsi promis par nostredit conseiller audit ser de Candalle; et voulons que nostredit conseiller donne et octroye à icelluy s' de Candalle ledit saufconduict, tant pour luy que pour les deux hommes qu'il a requis, et tout scelon la forme et teneur dudit appoinctement et traicté.

Si mandons et enjoignons à vous, noz justiciers, officiers et subjectz, prions et requérons vous, noz amis, alliez et bienveillans, que, en entérinant et gardant nostre présente voulenté et déclaration, vous faictes ou souffrez ledit sire de Candalle, et autres à qui nostredit conseiller octroiera lesdiz saufconduiz pour la poursuite de ladicte finance, scelon la teneur dudit appoinctement, joïr et user desdiz saufconduitz sans faire ne souffrir aucune

chose estre faicte au contraire; car ainsi nous plaist il estre faict.

Donné à Courcelles, le vj° jour de novembre l'an de grâce MCCCCLV. et de nostre règne le xxIVE.

Par le Roy,

Maistre Jehan Bureau, Estienne Chevalier et Pierre

Doriole et autres présens,

DE LA LOERE.

Copie contemporaine, faite sur l'original scellé en cire jaune.

Certificat de Talbot pour le navire qu'il envoie en France, conformément au traité sur la rançon de Coëtivy, afin d'en rapporter des vins et autres marchandises.

John erle of Shrouesbury, Wayfforde and Waterforde, lorde Talbot, Fournivalle and Strange, to al peple that this present writing shal come sendeth, gretyng in God.

.

Certefiyng that we have charged a ship, called. . . . . . of the birthen of. . . . or under, wherof the maister, next God, is called. . . . . . and whe have ordeyned and committed in the seid ship oure servant and attourneys. . . . . . to passe from Burdeux in to the reaume of Englende, to eny porte or haver there the save conducte of our soverain lorde the king therto grainted after the fourme and condicion of the same, for to bring as well wynes as other marchandizes from thens to us, for the finance of sir Oliver de Coetyvy, late our prisoner. We therfore hertly pray all admirals, capiteins, wardeins, constables, kepers of portes and al other haunting the see and the costes thereof, that the passage of the seid ship be not perturbed, let, vexed or troubled in eny wyse.

Given at our castell of Sheffelde, the xiij day of aprile, the yere of the reigne of king Henry, the sixth after the conquest of Englende, xxxiiijty.

TALBOT.

Original mutilé, ayant eu un sceau plaqué en cire rouge.

Quittance de 600 nobles d'or, délivrée par Talbot à Coëtivy1.

DESCHARGE DE VIC NOBLES.

Nous Jehan conte de Schrosbury, de Wefford, Watreford, sire de Talbot, Fournival et de Strange, certeffions avoir eu et receu de sire Olivier de Cotyvy, chevallier, nostre prisonnier, la somme de six cens nobles d'or, sur et en déducion et rabat de la somme de six mille nobles d'or, cent marcs d'argent en vesselle et ung courcier, et allaquelle il estoit et est à finance et dont, pour icelle somme nous paier, [il] a certaings termes, lesquelx sont encourutz; en quoy nous sont obligés, par leurs séellés, les contes du Maigne, de Clermont et de Laval, le sire d'Orval, le sire de Bueil, le sire de Torsy et ledit sire Olivier. Et de laditte somme de cinq cens nobles d'or en deschargons ledit sire Olivier, sesdiz pleges et séellés, par ceste nostre descharge séellée du séel de nos armes et singnée de nostre main.

Donné à Londres, le douzeyesme jour de juillet, l'an mil re cinquante et sept.

TALBOT.

Original en papier, ayant eu un sceau plaqué en cire rouge.

Instructions données par Coëtivy à l'un de ses maîtres d'hôtel qu'il envoie régler des comptes avec Talbot; duquel règlement il doit résulter un paiement d'environ 2,156 nobles, dont il retirera quittance conforme au modèle qui lui est donné.

MÉMOIRE A YVON DE CARADENEC,

DES CHOSES QU'IL A A POURSUIVRE EN ANGLETERRE. Et premièrement de poursuivre Willem Baldry, marchent engloys de la ville de Zippiswich, ou roiaulme d'Engleterre, de

1. Imprimée, en 1858, dans la Bibliothèque de l'École des chartes, 4° série, tome IV, p. 86.

2. Ipswick?

bailler bonne seurté de poier à noble et puissant seigneur mons1 le conte de Cherosberi, ser de Talbot, la somme de xjc xvij nobles d'or, du poix neuf d'Angleterre, et deux gros de ladicte monnoie d'Engleterre, pour et au nom de noble et puissant seigneur messire Olivier, ser de Coettivy, grant séneschal de Guienne, en déduction et rabat de [ce] en quoy il lui peut estre tenu, pour cause de sa finence et raençon; et de ladicte somme de xj xvij nobles d'or et deux gros de ladicte monnoie avoir de mondit s de Cherosberi quittence et descharge, pour valoir acquit et descharge d'icelle dicte somme à mondit s' le séneschal et à ses pleigez et séellez.

Item de recevoir ou faire recevoir par Jehan Gassiez, autrement appellé Guy, de l'oustel de mondit s de Cherosberi, dudit Willem Baldry la somme de xl nobles d'or, dudit poix neuf d'Engleterre, qu'il doit poier par dellà à mondit s' pour la reste du poiement d'un saufconduit qu'il a eu du roy d'Espaigne en ceste ville de Bourdeaux; et de ladicte somme de xl nobles se fera bailler quittence et descharge à mondit s' de Cherosberi, pour valoir acquit et descharge d'icelle dicte somme à mondit s le séneschal et à ses pleigez et séellez sur ce qui lui peut estre dehu.

Item de poursuivre envers mondit so de Cherosberi qu'il reçoive ou fasse recevoir de Soemon Barton, Jehan Goux et Thomas Brilleton, marchans englois de la ville de Houl, la somme de ijc xvj nobles d'or, du poix neuf d'Engleterre, et iiij gros de ladicte monnoie, en quoy lesdits marchans et chaiscun d'eulx sont tenuz et obligiez poier à mondit s' de Cherosberi, comme plus applain appert par la lettre obligatoire sur ce faitte et passée que ledit de Caradenec porte; et d'icelle dicte somme de ije xvj nobles d'or et iiij gros d'argent il se fera bailler quittence et descharge à mondit s' de Cherosberi, pour valoir et servir à mondit să le séneschal, ses pleigez et séellez, en déduction et rabbat de ce qu'il lui peut estre dehu.

Item recouvrera ledit de Caradenec quittence de mondit s* de Cherosberi de lxxj tonneaux et iij bariques de vin, les queulx sont chargiez pour et en nom de lui en la Trenité de Clifford, pour le pris et somme que mondit s le séneschal les a venduz ausdits Baldry, Soemon Barton et autres; lesqueulx lxxj tonneaux et iij barriques de vin, audit pris, vallent vij iiijxx ij nobles et demi et cinq gros, monnoie d'Angleterre.